أكره الانجذاب والماضي الأليم والبنات الذين أنجذب لهم وكرهت الحياة، كيف أتخلص من كل هذا؟

Question

السلام عليكم أنا حاليا طالبة جامعية عندي ١٩ سنة وداخلة علي ٢٠ من خمس سنين اتعرفت علي بنت مقعدتش معاها كتير يعني ومش بنتكلم كتير بس هي عقليتها حلوة وهي جميلة وهادية وفي شكلها مواصفات بيتعجبني ولو لقيتها في أي بنت هتعجبني ألا وهي البشرة البيضاء أو القمحية وتبقي العيون حادة وضيقة و الوجه بيضاوي أو مدور و تبقي لابسة نظارة مدورة مش عارفة اوصلها إزاي بحس لما بشوف بنات بالمواصفات دي بتشدني المشكلة هنا أن الموضوع بيتخطي الإعجاب بيتحول إلي أفكار جنسية وحاجات مش كويسة والموضوع بيضطرني أمارس العادة السرية الموضوع بيبقي كالآتي أن بتعرف علي نوعية البنات دي بتبقي كاريزما وعقليتها حلوة ومش بيحبوا الناس الفتاية والهبيدة والناس الرغاية و بيبقوا واثقين من نفسهم وناس مش سهلة خالص وأسلوب كلامهم جاد وحازم مع مواصفات الشكلية اللي ذكرتها ده بيخليني شايفة كبريائهم و كاريزما بتاعتهم وبحس أني أقل منهم في كل حاجة وأنهم احسن مني وأنهم كشكل جمال اوي وجذابين جدا بس فيه سيناريو مقرف كده بيطاردني هو أني بتخيل أنهم ناس جامدة وابطال وبتاع وأنا إنسانة حقودة و بغار منهم وفي الآخر هموت فقيرة وهموت بغيظي وعمر ما حياتي هتتحسن ولا هتبقي أفضل وهموت شخصية غيورة وحقودة أو سيناريو بحطهم فيه كبلاعة شهوات و بتصورهم في وضع بشع وغير لائق ومن ضغط الأفكار دي عليا بيتولد كبت ورغبة شديدة في إفراغ شهواتي ولما بعمل العادة السرية برتاح من كل القرف ده بس بيبقي عندي إحساس بالدونية و الندم وأن قد ايه خيالي مريض ومحتاج يتعالج بجد انا تعبت من نوعية الانجذاب دي للبنات بجد تعبت تعبت تعبت تعبت مش عارفة أجاهد نفسي الأمارة بالسوء مش قادرة أبطل المعصية الحوار ده عدي عليه أربع سنين كاملين ومش عارفة أعالجه بجد وكل ما أبدأ في قراءة القرآن أو تفسير أو الأذكار هو يوم واحد وبرجع لشهواتي تاني لما بحاول أمسك المصحف التفكير مش بيرحمني بجد والشهوات بتجري ورايا جري أنا زهقت بجد زهقت يا جماعة زهقت وكرهت الحياة بجد قرفت ومعنتش قادرة أجاهد الحاجات المقرفة دي أنا ابتليت بمرض التفكير المفرط ومش قادرة أتخطي الماضي المقرف باللي حصل فيه من ساعة ما كان عندي 7 سنين بجد قرفت وعايزة أنهار وانعزل في مكان بعيد مفيهوش حد أعيط وانهار فيه وبوصل لدرجة اني بكره البنات اللي بنجذب ليهم بكرههم كره العمي

Accepted Answer

كنت ف فتره من حياتي كده بس الحمدلله لما بدات اتقرب من ربنا وانشغل ف دراستي نسيت كل دا هو قبل كده شوفت ايه ف القران بتقول "اضاعوا الصلاه واتبعوا الشهوات" ف انتي يقمر شايفه انه امر طبيعي عندك عشان انا برضو عندي 19 سنه ولازلت مش فاهمه لي كان عندي كده بس انا خفيت زي ما قولتلك لما اتقربت من ربنا وبصي ف الاول هتتقربي شويه ونفسك هتغلبك شويه هيبقا الحوار شويه تغلبي نفسك وشويه تغلبيها مع توبه لربنا انك مش هترجعي للموضوع تاني وان شاء الله ربنا يعينك ومتقوليش ربنا هيمل مني انا وعدته كذا مره.. لا انتي بتتعاملي مع ربنا وربنا كامل عارف انه الانسان ممكن يضعف بس لازال قوي ف حاولي تقري اذاكار الصباح وتعملي ورد يومي قران تبدأيه من سوره البقره للاخر مش مهم كم صفحه ف اليوم اهم حاجة الاستمراريه وربنا يعينك ان شاء الله يمكن مش اخدتي مني رساله محدده لكن تجربتي كانت كده..

Answer

"من لم يشغل نفسه بالحق شغلته نفسه بالباطل ".... انا بجد مشفق عليك من مشكلتك بس هي مشكلتك افكار والافكار ممكن تكون اجابيه او حلال. وسلبيه او حرام كل اللي انتي محتاجه تقدري كم الالم اللي بيحصلك انت عارفه انك لما نمارسي عاده ده بس مسكن ليك طيب لحد امتى هتعيشي كدا؟؟ هو انتي اصلا شوفي وقت فراغك بتعملي ايه؟؟ يعني انت لو بتذاكري اصلا او بتعملي شيء في جهد متأكد انك بتهربي منه لافكارك عشان تخففي عن نفسك وتزودي دوبامين رخيص بس اي سعاده دي بتحسيها اي سعاده؟ اللي بعديها تعاستك؟ الجمله اللي كتبتهالك في الاول ممكن تحلك كتير دوري على شيء يكون عندك فيه هدف شيء، مثير ليك زي انك تتابعي برنامج معين انت عارفه انه بيزودك عن اللي حواليك بمعلومات وثقافه.... وانك تمارسي رياضه تخفف توترك.....تتعلمي لغه جديده بجد لو فكرت في نفسك البنت الناجحه اللي متعلمه لغه واتنين اللي بتعرف تشتغل على الكمبيوتر وتصمم اللي عندها شخصيه هدفها ثابت دايما وهو انها تعيش تجري وراه احلامها بدل ما هي تعيش وتغرق في اوهامهم والمها.... تعلمي واعملي شيء يثير شغفك هتحبي بجد اوووي كونك شاطره ومتفوقه عن اللي حواليك والباب لكدا تنضيف المتابعات المضره بالسوشيال ميديا والدخول للعالم الاجابي والناس الناجحه ومحتويات مثيره لشغف الفرد

Answer

صلي دايما وادعي انك تبعدي عن الميول دي حاسة ان الموضوع بايدك مش غصب عنك ف اظن ممكن تتحكمي فيه انك تقرأي قرآن مثلا وصلي كتير اتكلمي مع ثيرابيست لو متاح

أكره الانجذاب والماضي الأليم والبنات الذين أنجذب لهم وكرهت الحياة، كيف أتخلص من كل هذا؟

نفسية

سؤال من احد أعضاء فدني

تم النشر الخميس، ٢٧ يونيو ٢٠٢٤

5 إجابة

1 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك