أبي أفقدني الثقة بنفسي بسبب انتقاده لشكلي، هل كلامه صحيح وكيف أتقبل نفسي؟

Question

ع طول حاسة اني مش اجمل بنت وان مفيش حد هيشوف فيا الجمال بتجنب ابص ف المراية بفتكر طول الوقت كلام بابا ليا وهو بيقولي بصي لنفسك ف المرايا هو دا جسم بنت!!! وهكذا ماما بتقولي لا انتي اجمل بنت وانتي اللي مش شايفة طبعا خدت كلامها ع انه مش صح عشان مهما كان دي ام ولازم تشكر ف بنتها... حاولت ابص لنفسي ف المراية ملامحي حلوة بس بقول لاء مش جميلة خالص عندي هالات ووشي مفيهوش حاجة حلوة ببص لنفسي بنقص طول الوقت شايفة اني اقل من البنات حتى اخويا لما اتخانق معايا قالي انتي مش هتتجوزي بمنظرك ده! انتي مفكره ان حد هيبصلك مع اني لسه صغيرة وبدأت اشتغل من قريب.... حاسه اني معملتش حاجة في حياتي من تحكمات بابا الكتير فيا مش عارفة اعمل ايه واتقبل نفسي ازاي انا بقيت اتجنب اعدي من قدام اي مرايا لما بقعد افكر بفكر ان الناس شيفاني ازاااي وهل كلام بابا صح؟! انا بجد معنديش ثقة في نفسي خالص و بدعي ربنا يزيدني جمال او اي حد يشوف الجمال اللي محدش شايفة فيا ده 💔

Accepted Answer

اهم حاجة انتي.. انتي شايفة نفسك ايه؟ لو العالم كله شايفك مش حلوة وانتِ شايفة نفسك حلوه.. حطي العالم كله ورا ضهرك وامشي. قوليلي كدا خدنا من كلام الناس ايه؟ اهلك او غيرهم خدتي من كلامهم ايه؟ مايهمكيش العالم شايفك ايه، المهم انتي شايفة نفسك ايه، مع ربنا ولا لأ! دا المهم؛ ماتخليش كلامهم يؤثر فيكي، خليه زي بنزين اسمعيه وامشي اسرع في شغلك بقا في دراستك في اللي بتمشي فيه دلوقتي. بس الأب والأم لازم رضاهم حتى لو كلامهم قاسي لازم ترضيهم عشان ربنا يعوضك بجد

Answer

حاجة رخمة اوى لما يتصدرك احساس عدم الثقة من اقرب الناس ليك الى المفروض يشجعك ويسندك ويزودلك ثقتك ف نفسك.. تبقى انت مستنى الدعم بس يحصل العكس! وحاجات كتير فى حياتنا عموما لو سبنا دماغنا لرأيهم ونظرتهم وكلامهم هنتعب.. إلا لو بنينا جوانا اساس نفسي وعقلى صحيح يقاوم اى حاجة من كل دا.. جدار بين نفسنا وبين الناس يحمينا من اذاهم ويخلينا شايفين نفسنا بعنينا مش عيون غيرنا ورأينا فى نفسنا بنفسنا مش رأى غيرنا اى ماكان مين... احنا ربنا خلقنا كل واحد معاه مقدار من الجمال.. ولكن كلنا خلق الله فمفيش حد وحش... ولو حد قال كدا فكدا مش عاجبه خلق الله الذى احسن كل شئ خلقه.. احنا الى بنحط معاير الجمال لنفسنا.. ومش معنى ان مجتمعنا حاطط معاير جمال الشكل اول حاجة يبقى دا صح.. انت كمسلم جمالك الحقيقى فى حسن الخلق والنبى علمنا من الاحاديث كتير جدا.. فدا اكبر دليل ان الجمال مش مادى مش عيون خضرا ولا بشرة بيضا ولا شعر اصفر.. جمالنا ف اخلاقنا وتربيتنا وحسن تعاملنا مع غيرنا... اقنعى نفسك بالكلام دا ولو تقبلتيه يقينا نظرتك هتتغير للموضوع بتاتا.. هيكون اخر همك المراية مش خوفك.. واكيد لازم نزود ثقتنا بنفسنا باننا نرضى عن نفسنا.. اتعلمى وانجحى فى حياتك واعملى حاجة تكونى فخورة بيها.. واستعينى بالله دائما...

Answer

عزيزتي، أستطيع أن أشعر بمدى معاناتك وتأثرك بالكلمات التي حدثت لك. من المهم أن نفهم أن الجمال ليس مجرد مظهر خارجي، بل هو شعور داخلي وثقة بالنفس. كل منا لديه جماله الخاص وهو شيء يفترض أن يتم الاحتفاء به. أولاً، عليك أن تعرفي أن ما يقوله الآخرون ليس بالضرورة يعكس الحقيقة. يبدو أن والدك وأخيك قد قالوا أشياء غير مناسبة وأثرت على ثقتك بنفسك. تذكري أن كل شخص لديه عيوبه وقوته، ومن المهم التركيز على ما يجعلك مميزة. حاولي أن تكتشفي ما تحبين في نفسك، سواء كان ذلك في ملامح وجهك أو في شخصيتك أو في أي مهارة تمتلكينها. قد يكون من الجيد أيضاً محاولة الانغماس في أنشطة تعزز من ثقتك بنفسك، مثل النشاطات الفنية أو الرياضية. دعي نفسك تتقبلين وجهك كما هو وابتعدي عن مقارنة نفسك بالآخرين، فهذا يمكن أن يكون مجهدًا للمشاعر. حاولي التعامل مع المرآة كأداة لرؤية نفسك بشكل إيجابي، بدلاً من تسليط الضوء على ما لا يعجبك. وفي النهاية، تذكري أنك ليست وحدك في هذا، وهناك العديد من الناس يعانون من مشاعر عدم الأمان. تأكدي من أنك تستحقين الحب والقبول، وأوصيك بالتحدث إلى شخص مقرب يمكنك الثقة به، كصديقة أو مستشارة، لمساعدتك في تجاوز هذه المشاعر السلبية. أسأل الله أن يمنحك الثقة بنفسك وأن يراكي جمالك الداخلي الذي يستحق أن يُظهر للعالم.

أبي أفقدني الثقة بنفسي بسبب انتقاده لشكلي، هل كلامه صحيح وكيف أتقبل نفسي؟

نفسية

اجتماعية

ثقة بالنفس

أهل

سؤال من احد أعضاء فدني

تم النشر الاثنين، ٣٠ ديسمبر ٢٠٢٤

5 إجابة

7 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك