انا مش عارفة احكى مشاكلي لمين
رغم كل اللى حولى بس مفيش حد أبدا ممكن أحكيله وحتى لو حكيت لحد مش بستفاد حاجة وبرجع أندم إنى خرجت أسرارى لحد
حاسة إن العالم كلى ضدى والله ومفيش حد بيقف جنبى ولاحد حاسس بيا
حتى أهلى برغم إنهم عارفين إنى بمر بظروف سيئة
منكرش إنهم فى اوقات كتير بيكونو داعم ليا
بس برجع اندم إنى كلمتهم وحكيت لهم حاجة
وكمان لما بقعد معاهم بيتكلموا فى مواضيع لما بسمعها بقول ي ريتني ما كنت خرجت من أوضتى ..
انا تعبت والله ومش عارفة أعمل اى
حبيبتي، أنا آسفة إنك بتمر بوقت صعب زي ده. أول حاجة، حلو إنك حابة تتكلمي عن مشاعرك، وده خطوة كبيرة. بس المفروض تعرفي إن مش كل الناس قادرة على فهم أو استيعاب مشاعرك حتى لو كانوا قريبين منك. لو حاسة إنك مش قادرة تحكي لحد، ممكن تجرّبي تكتبين مشاعرك في دفتر، أحيانًا الكتابة بتكون وسيلة لتفريغ اللي جواك. وكمان ممكن تفكري في استشارة مختصة نفسية، عشان تساعدك تتعاملي مع الضغوط والمشاعر اللي بتحسي بيها. من المهم كمان تعملي أشياء تحبيها وتخليكي سعيدة. حاولي تخرجي من غرفتك وتعملي حاجة ترفه عن نفسك سواء رياضة، قراءة، أو حتى أكلة بتحبيها. الدنيا مش دايمًا وردية، لكن في أمل. خليكي قوية وشجعتك على مواجهة الصعوبات. وأنا هنا لو احتجتي تتكلمي.
تم النشر الجمعة، ٢٣ أغسطس ٢٠٢٤
هعمل كده فعلا شكرا على الرد ❤️
تم النشر الأحد، ٢٥ أغسطس ٢٠٢٤
ممكن تشوفي حد قريب من اهلك بلاش صحاب عشان ممكن يدلوكي غلط
تم النشر الأحد، ٢٥ أغسطس ٢٠٢٤
حبيبتي صلي ركعتين قيام قبل الفجر ب عشر دقايق واتكلمي وقولي كل اللي عايزه تقوليه وانتي سجده مفيش احن من ربنا علينا وادعي كتير ربنا قريب مجيب
تم النشر الأحد، ٢٥ أغسطس ٢٠٢٤
خلاص اخدتها اسكرين وهبعتلك 😂
تم النشر السبت، ٢٤ أغسطس ٢٠٢٤
فل تعالي نكمل كلامنا
تم النشر السبت، ٢٤ أغسطس ٢٠٢٤
هو حد ممكن ياخده ولا عادى ؟ لو عايزة تمسحيه امسحيه
تم النشر السبت، ٢٤ أغسطس ٢٠٢٤
انا هدهلك علشان تعرفي ان مش كل الناس زي بعضها ولسه الدنيا بخير وفيه ناس وصحاب طيبين وجدعين
تم النشر السبت، ٢٤ أغسطس ٢٠٢٤
😂😂😂😂
تم النشر السبت، ٢٤ أغسطس ٢٠٢٤
والله عارفة انك هتقولى كدا بس اى بقى انا مش بتعلم 😂
تم النشر السبت، ٢٤ أغسطس ٢٠٢٤
طيب انتي لحقتي وثقتي فيا لسه بنتكلم علي الثقه 😂😂
تم النشر السبت، ٢٤ أغسطس ٢٠٢٤
لأ مش حرام هاتى الر قم يلا اى السرعة دى 😂
تم النشر السبت، ٢٤ أغسطس ٢٠٢٤
هو حرام 😂😂
تم النشر السبت، ٢٤ أغسطس ٢٠٢٤
اى دا هتديني رقمك 😂
تم النشر السبت، ٢٤ أغسطس ٢٠٢٤
لأ انا لو حد عمل معايا موقف ببقى ضعيفة اوى من جوا وزعلانة وبكتئب طول حياتى 😂.. بس من برا ببقى حد جامد جدا عشان اتعلمت دروس كتير وبدى كل حد زعلني حجمه الطبيعى بس برجع أحن ف ثانية 😂
تم النشر السبت، ٢٤ أغسطس ٢٠٢٤
ي حبيبي والله انا كمان حبيبتك واتكلمت معاكي زي اختي الصغيره لو عايزه اي حاجه كلنا حواليكي ولو عايزه رقمي مفيش مشكله 😂❤ اتمني اكون فيدك ولو بشئ بسيط
تم النشر السبت، ٢٤ أغسطس ٢٠٢٤
كل واحد بيحدد مكانته ب أفعاله متحطيش حد ف مكانه أكبر منه هو ميستهلهاش اصلا وأدي كل واحد حجمه الطبيعي
تم النشر السبت، ٢٤ أغسطس ٢٠٢٤
شكرا دا انتى اللى ذوق والله وحبيتك جدا وحبيتك الكلام معاكى ❤️❤️
تم النشر السبت، ٢٤ أغسطس ٢٠٢٤
سبيهم للي شبهم انتي ربنا نجاكي منهم ، هتشوفي صحاب لسه سوا ف الدراسه او الشغل والخ... انتي حد ذوق ولطيف
تم النشر السبت، ٢٤ أغسطس ٢٠٢٤
أنا فعلا بقول لنفسى كدا وكمان بفرح إن ربنا كشفلى الناس دى عشان متعلقش أكتر لأنى شخص بتعلق جدا وبدى الشخص أكتر من حقه ومكانة أكبر من مكانته
تم النشر السبت، ٢٤ أغسطس ٢٠٢٤
بنتغاضى وبنبقى معميين كمان+ هم فعلا مش صحاب والواحد لسه مشافي صحاب كدا بقى.. انتى عارفة المشكلة انهم كل ما يكبرو بيكرهو بعض اكتر ويحقدو ع بعض أكتر
تم النشر السبت، ٢٤ أغسطس ٢٠٢٤
مشكله العلاقات إننا بنصنفهم اصحاب وهما مجرد محطات عابرة وبعدين بنرجع نشتكي من خذلانهم كوني انتقائية في علاقاتك والثقة اللي راحت مع الوقت هترجعي تثقي في الشخص الصح نص دروسنا بالحياه علي هيئه أشخاص لنتجنب امثالهم هقولك حاجه بقولها لنفسي ما بقول علي شخص خسرته بقول درس واتعلمته بتفرق ولابد من الخساره
تم النشر السبت، ٢٤ أغسطس ٢٠٢٤
بصي بالمختصر المفيد الصاحب اللي ميفرحش لصاحبه ف اي حاجه ويحقد عليه زي م بتقولي دا مش صاحب
تم النشر السبت، ٢٤ أغسطس ٢٠٢٤
اي الأشكال الصفره دي 😂😂عارفه المشكله فين اننا بنتغاضي عن أفعال اللي بنحبهم بدافع الحب او عايزينهم في حياتنا
تم النشر السبت، ٢٤ أغسطس ٢٠٢٤
المشكلة انهم حلويين وبنبقى حلوين وكل حاجة يعنى مفيش موقف يزعلنا من بعض بس تقريبا بتبقى فى ناس حقودة كدا ف الموضوع 😂 فى واحدة المفروض انها فى يوم كانت صحبتى وقريبة منى وكل حاجة بس حرفيا دى الغل بيبقى باين فى وشها كدا لأى حد حتى لما بعدنا عن بعض لقيت صحابى كلهم بيقولولي انتى كنتى مصحباها ازاى انتو مش شبه بعض خالص وكل الناس شايفة انها بغل بس أنا بحبها برضه وبتغاضى عن اللى بتعمله .. المهم هى بقى بتشوف اى حاجة عندى بتبقى باصة عليها سواء كانت أصحاب علاقات اى حاجة حتى الحاجات التافهة جدا انا لو قلتلك أصلا هتضحكى .. يعنى هى بعدتنى عن ناس كتير وبعد ما كانو أصحابى بقينا مش بنكلم بعض خالص انا مش عارفة هى بتكره الناس فيا ليه .. دى حاجة بسيطة من اللى هى بتعمله ودى أحدى خيباتى التى لا تعد ولا تحصى 😂
تم النشر السبت، ٢٤ أغسطس ٢٠٢٤
ي قلبي العيب مش فيكي العيب ف البني أدمين اللي بدخليهم حياتك ، فاهمه برضو انك اتعرضتي للخذلان ، بعدين انتي لسه سنه اولي لسه العمر قدامك وهتشوفي صحاب وناس كتيرر بس بصي متخليش احتياجك انك تعملي صحاب تصاحبي ناس وخلاص علشان متتخذليش من تاني
تم النشر السبت، ٢٤ أغسطس ٢٠٢٤
انا لسه داخلة أولى جامعة
تم النشر السبت، ٢٤ أغسطس ٢٠٢٤
بس حرفيا كل ما أدخل حد حياتى يخذلني لدرجة إن ثقتى ف نفسي اتهزت يعنى معقول انا وحشة كدا ؟؟ مع إنى والله عمرى ما أذيت جد وببقى حبوبة جدا معاهم
تم النشر السبت، ٢٤ أغسطس ٢٠٢٤
انتي ف اي مرحله تعليميه ؟ وسوري لو بدخلك ف امورك لو مش عايزه تردي اعتبري نفسك مشفتيش😂
تم النشر السبت، ٢٤ أغسطس ٢٠٢٤
فهماكي ي حبيبتي والله كلنا اتعرضنا لخذلان الصحاب اكيد ، بس بعدين والله بتلاقي الصحاب اللي بيعوضك انا لقيت دا ف الجامعه يخبئك الله لمن يشبهك ومش شرط برضو علشان اتخذلتي من الصحاب كتير يبقي كلهم كدا لا فيه صحاب جدعه لسه الدنيا بخير
تم النشر السبت، ٢٤ أغسطس ٢٠٢٤
طيب دا حلو انك بتحكيلها ، بعدين الأهل مش دايما بيفهمونا
تم النشر السبت، ٢٤ أغسطس ٢٠٢٤
معنديش أخوات بنات عندى ماما وبعتبرها أختى وصاحبتى وبحكي لها كل حاجة .. بس كتير برضه بتكون مش فهمانى ومش مقدرة اللى أنا فيه .. وبالنسبة لموضوع الثقة .. صحيح هى كانت أكتر حد خذلنى بس صحابى أكثرهم خذلونى وهم أصلا مش كويسين ومش بيحبو بعض ( أكيد انتى عارفة النوع ده ) هتقوليلى حاولى تانى يمكن تلاقى حد حلو هقولك حاولت كتير ولسه بحاول والله
تم النشر السبت، ٢٤ أغسطس ٢٠٢٤
الموضوع عندك انك فقدتي الثقه ف الناس بسبب صديقتك دي وكمان لما بتحكي اللي جواكي بتحكي علشان عايزه تخرجيه تعملي ازاحه لي يعني مش اكتر ، طيب بصي اخواتك البنات عندك أخت أكبر منك مصحباها ؟ وموضوع الثقه عارفه كويس جدا لما نثق في شخص وميكنش قد الثقه دي بصي حبيبتي الناس كلها مش زي بعض جايز صديقتك مكنتش قد الثقه اللي ادتهالها بعدين لما تيجي تثقي في حد متثقيش ف كلامه اثقي ف أفعاله ومواقفه معاكي دا اللي هيعرفك اذا كان الشخص دا قد الثقه او لا
تم النشر السبت، ٢٤ أغسطس ٢٠٢٤
لأ مفيش الصديقة اللى أحكى لها ومندمش صحيح فى أصدقاء بحكي لهم كتير بس بحكي لإنى عايزة أخرج اللى جوايا وخلاص وبرجع أندم .. دا غير إن صديقتي ( اللى كانت أختى وكانت علطول ف بيتى والله علاقتنا كانت أكتر من أخوات ولحد دلوقتى مش لاقية حد زيها ) سابتني بسبب واحدة هى اللى بعدتنا عن بعض بس أنا برجع أقول هى لو كانت أختى زى ما انا معتبراها مكنتش اتأثرت بكلام حد ولا بعدت عنى مهما حصل ( انا معرفش اى اللى حصل بس فجأة لقيتها بتتسحب من حياتى وتدخل حياة حد تانى ) بس احنا بنكلم بعض عادى فهمانى .. دا سبب خلانى مثقش ف حد
تم النشر السبت، ٢٤ أغسطس ٢٠٢٤
حبيبتي مفيش صديقه قريبه منك تشاركيها أطراف الحديث طالما بتندمي انك حكيتي مع اهلك
تم النشر السبت، ٢٤ أغسطس ٢٠٢٤
عملت كل دا بس ببقى محتاجة حد يتبادل معايا أطراف الحديث .. حد يكون فاهمني بجد لإنى حرفيا بحس إن محدش فاهمني خالص حتى اقرب الناس ليا
تم النشر السبت، ٢٤ أغسطس ٢٠٢٤
اكتبي اللي بتحسيه واسرارك، اعملي ليكي دفتر يكون ده الملجأ اللي بتروحيله وقت ما تحتاجي تتكلمي.
تم النشر السبت، ٢٤ أغسطس ٢٠٢٤
لعرض السؤال في فدني اضغط هنا