اولا انا ابي لم يقم بتربيتي وانفصل عن امي وانا عندي ٩ شهور وأفعاله معي غير محبوبة لكن الكلام الآن غير الفعل تماما وكل ما يشوفني لازم يشكي لي همه و هم اخوتي لكن لم يسألني عن أي شئ يخصني ولأن عن أحوال معيشتي ابدا لكن يهتم لأصغر التفاصيل لأخوتي وللعلم ده بيخليني اتقطع من جوه مش كره لأخواتي ابدا والله انا بحبهم جدا لكن لقله اهتمامه بي ماذا افعل أقابله واضحك في وجهه ولم اغضبه ابدا لكن قلبي لا يزال فيه شئ غير الذي ابديه له. ... ملحوظة اخواتي من الأب فقط
انا عارفه اد ايه دى مشاعر غضب متراكمة جواك من وقت ما ادركت انك محروم منه وهو عايش وقادر يدى. للاسف فى حالة الانفصال بيتصرف الاباء او الأمهات بشكل خاطىء ويحرموا الاولاد من احتياجاتهم النفسية..رغم ان ده ملوش علاقة بوجودهم معاهم فى البيت. اعذر ابوك اولا لتصرفه الخطأ . ثانيا : من حقك تعبرله عن ده لان ده ممكن يساعدك تشعر بشعور افضل وهو قدامك بدل ما الكلام بيتكرر جواك فى كل مره بيجى هو قدامك فيها . ( لعله يشعر بالمك ويعوضك ) هو الان بيتعامل معاك انك راجل وانك صاحبه ...دى حاجة جميلة اوعى تخسرها مهما حصل. الاخ الاكبر فى الاغلب بيحس بقلة اهتمام لان طبيعى الصغيرين يكونوا محتاجين جرعة اهتمام اكبر فى سنهم الحالى. بس مع حرمانك انت من نفس التفاصيل وانت صغير ده بيصعب عليك الموضوع اكتر. اتكلم معاه ووصله الموضوع بشكل مباشر او غير مباشر. ممكن بضحك كده ..تقوله وابنك الكبير ملهوش نفس تقوله عامل ايه وتسمع منه بردوا ولا ايه. او انت لوحدك قوله انا عاوز احكيلك واخد رأيك وهكذا.
تم النشر الجمعة، ٣١ مارس ٢٠٢٣
لما يجي يفضل يشكي همه اطلب منه انه يهتم بيك ويسألك عن تفاصيلك ويشيل همك زي اخواتك انت بتحبهم لانهم اخواتك وبتحبه لانه ابوك ولازم يعدل بينكم ف المشاعر والاهتمام لانه ده حقك واحتياجك منه اوقات الكلام ده هتحس انه تقيل انك تطلبه بس لما تعرف انه حقك ومن حقك تطلبه هتعرف تنفذه
تم النشر الجمعة، ٣١ مارس ٢٠٢٣
لعرض السؤال في فدني اضغط هنا