انا كنت مصاحبه واحده صاحبتي هم اتنين توام اخوات كنت بحبهم جدا وشاركتهم اسراري للاسف وهم دلوقتي بيهددوني باسراري وفضحوا شوية من اسراري ولسه معاهم اسرار ثانية وعايزين يفضحوها وبيهددوني وانا عماله ادعي عليهم والدعاء مش راضي يستجاب هل فعلا انا عليا ذنب اني بدعي عليهم ام لا
وانا خايفه قوي ان هم يفضحوا بقية اسراري وبجد هم بيقولوا عليا كلام وحش وبيجيبوا كلام من عندهم كمان زياده.
اول حاجة تتعلميها من تجربة دي ان مش كل حاجه لازم تتحكي ولازم يكون عندك بعض من الخصوصية ولما تختاري حد تفضفضي معاه لازم يكون حد امين عليكي او حد من اهلك وتكون درس ليكي تتعلمي ازاي تختاري صحابك وان الصحاب عشان يكسبوا ثقتك لازم يكون بالمواقف لو الكلام مش مؤذي ليكي او هيضرك ضرر كبير في حاجه تجاهلي موضوع واستمري في الدعاء عليهم وانشغلي في حياتك لو استمر ادخلي كلميهم واتس واجهيهم انتو قتوا كذا كذا وخدي كلام اسكرينات وابعتيه لحد من اهلهم بس يكون حد محترم مش زيهم او من جيرانهم او لو تعرفي تاخدي اجراء قانوني يكون افضل
تم النشر الأحد، ٢٢ سبتمبر ٢٠٢٤
اتفق مع ذكيه لو كان عندهم إهل تقدري تشتكي عليهم عندهم او احد من المقربين عليك من البالغين بتثقي فيه مثل امك ابوك اي احد قوليلو عليهم عشان يوقفو عند حدهم وكمان اتعلمي درس من الي حصلك متقوليش اسرارك لحد غريب او حتى قريب الاسرار بتبقى اسرار احنا منعرفش نوايا ناس لذا بنحافظ ع خصوصياتنا اتمنى انك تنتبهي ع نفسك مره تانيه من اي احد وتنتبهي ع خصوصيتك ونفسك وادعي الله ياخذ حقك .
تم النشر السبت، ٢١ سبتمبر ٢٠٢٤
تجاهلى البنات دول ومتتكلميش معاهم ولا تستجيبى لاستفزازهم ليكى باسرارك ولو هددوكى قوليلهم انا حكيت لاهلى على كل اسرارى ومش قلقانه من حاجة وهما اللى هيبهدلوا الدنيا لو حد اتكلم عليا نص كلمه لما هيلاقوكى بتتكلمى بقوة هيراجعوا نفسهم قبل ما يفكروا يعملوا اى حاجة متتهزيش قصادهم واتعلمى طبعا من الموقف ان الثقه مش معناها انى اطلع اسرارى من باب الفضفضه مع اى حد كده يبان عليه انه صاحب لمجرد اننا قضينا اوقات مع بعض
تم النشر الأحد، ٢٢ سبتمبر ٢٠٢٤
مرحبا عزيزتي أشعر بما تشعرين وكم هو سيء هذا كان جزاك انك وثقتي ...ولكن لايجب عليك أن تحزني وان تلومي نفسك خديها على أن الحياة درس وذلك درس وخطأ منك لا يجب أن يتكرر مرة أخرى يجب عليكي ان تدركي ليس كل من اضحكك او كان معك يعني انه صديق أصبحت الصداقه امر معقد في تلك الأيام لذالك احذري صديقك اكثر من عدوك وبالنسبه لأنك تدعي ذلك طبع كبشر ولايمكن أن احكم أن كان ذنب عليك أن تدعي فدلك بينك وبين ربك انت فقط قولي حسبي الله بهم. . والله لايضيع مثقال ذرة من أجل انهم يفضحونك تلك جزاتك أيضآ كان عليكي ان تكوني نفسك اي تصوني اسرارك حفظك الله عزيزتي وابعد عنك بنات الحرام واولاد الحرام دمتي سالمة اتمنى لكي راحة البال والفرج .
تم النشر السبت، ٢١ سبتمبر ٢٠٢٤
عزيزتي، أقدر تمامًا الشعور بالقلق والخوف الذي تعانين منه نتيجة هذه الموقف الصعب. من المهم أن نفهم أن الثقة هي أحد أهم الأسس في العلاقات، وعندما تنكسر هذه الثقة، قد نشعر بالخيانة والألم. عندما يتعلق الأمر بالدعاء، قد يبدو أحيانًا أننا لا نرى استجابة فورية، ولكن يجب أن نعلم أن الله سبحانه وتعالى يسمع دعاءنا دائماً، وقد تكون الإجابة في شكلٍ غير متوقع أو في وقتٍ غير متوقع أيضًا. بالنسبة لما تواجهينه من تهديدات، يُفضل أن تتعاملي مع الموقف بحكمة، ربما عليك التفكير في اتخاذ بعض الخطوات لحماية نفسك، سواء بالتواصل مع الأشخاص المعنيين بوضوح حول مشاعرك وتأكيدك على أهمية احترام الخصوصية، أو ربما الاستعانة بأحد الأشخاص البالغين الذين تثقين بهم لمساعدتك في التعامل مع هذا الموقف. أما عن كونك تدعين عليهم، فمن الأفضل أن تتركي الأمور لله وتدعِي الله أن يرد إليك حقك ويهديهم، فالانتقام ليس في يدنا والمشاعر السلبية قد تؤذيك أكثر منهم. حاولي التركيز على إيجابيات حياتك ونواياك الطيبة. كوني قوية وثقي بأن الله سيُفرّج كربك، وابتعدي عن الأشخاص الذين يهددون استقرارك النفسي. تذكري أن لكل شخص مكانة في حياتك، وعليك أن تحيطي نفسك بالأشخاص الذين يقدّرونك ويحترمونك.
تم النشر السبت، ٢١ سبتمبر ٢٠٢٤
لعرض السؤال في فدني اضغط هنا