في ولد كان داخلي على الانستا وانا عموما مش بكلم ولاد بس مش عارفه اي اللي حصل ليا وقت اما كلمني، انا اتكلمت معاه وهو حبني من اول يوم ومعرفش ازاي، الولد ده اجنبي مسلم وفي نفس سني واحنا لسه عندنا حوالى 16.5 ف لسه صغيرين على الزواج، وانا عارفه ان الكلام بين الولد والبنت حرام وقولتله وهو في الاول كان بيقولي متسيبينيش والكلام ده بس انا قولتله حرام وكدا واني هفضل ادعي ان نكون مع بعض معاني محبتهوش بس انا حسيت انه بيحبني اوي من طريقته واقنعته وكدا وكل شويه بقا منتكلمش يومين وبعدين هو يبعتلي لحد اما في مره قالي انا مش راضي عن علاقتنا وكدا وانه مش عايز يكلمني عشان حرام ف انا فرحت وقولتله تمام وبتاع وبعديها باسبوعين دخلي يديني حسابه عشان انزل عليه فيديوهات دينيه لانه كان بينزل وبعدين م بقاش فاضي انه ينزل ف انا وافقت واخذته وطبعا فضولي جابني اني ادخل على الشاتات وكان م بينهم شات لقيته باعت حسابات من عندي لولد وكان م بينهم حساب ماما وكمان لقيته باعت صورتي لاني للاسف كنت بعتله صورتي وهو قال انه مش هيحفظها وانا صدقته وكمان قالي انه مكلمش بنت قبل كدا وبتاع ف لقيته عامل اسكرين انه بيكلم بنت على السناب وباعتها لصاحبه ده وكان بيتكلمو بلغه غريبه لانه اصلا باكستاني ف انا ادايقت وعملتله بلوك من على كل حاجه وبعدين جالي تانيب ضمير لانه كان بيحلف انه بيحبني وانه مش بيكدب وحتى قالي انه لو مش بيحبني وبيكدب يارب ربنا ميتقبلش صيام رمضان ليه ف انا كنت مش عارفه اعمل اي وواجهته فقالي ده اخويا وكدا (وهو فعلا قالي قبل كدا انه قايل لاخوه عني بس مكنتش اعرف انه باعتله صورتي) وكمان قالي انه محفظش صوري وبعدين سامحته واتكلمنا شويه ودلوقتي قفلت معاه عشان حرام معإنو كان مدايق بس وافق، السؤال بقا هل اما آجي ادعي ادعي انه يكون ليا؟ وازاي اتوب توبه نصوحه لازم احذف رقمه وانا كنت واخده شويه اسكرينات للشات وكدا لازم احذفهم؟ ولازم اسجل خروج من حسابه؟ واعمل اي لو كلمني تاني وانا مش عايزه ازعله لان بجد من كلامه باين انه بيحبني اوي وكدا (عارفه انه ممكن يكون موضوع تافه بس انا مش عارفه اعمل اي بجد انا عايزه اتوب وابعد عن العلاقات الغير شرعيه بس مش عارفه المفروض اعمل اي)
السلام عليكم ورحمه الله وبركاته يعني انا عايزاكي تحمدي ربنا وتشكري نفسك على اللي انت فكرت فيه ده. لما يكون في حاجه غلط بنعملها كده وعايزين نمشي خطوات طوبه صحيحه في اول حاجه هي ان احنا ننقطع عن كل السبل اللي تؤدي بالذنب ده او كانت بتربطنا بالذنب ده فاذا كان كان بنروحه او مكان بنتواجد فيه او طريقه تواصل كل الكلام ده لازم يتقفل طبعا لازم تقفلي كل طرق والتواصل. وما يكونش معك وما يكونش في اي سبب بقى يعني عاملينه كانوا من الرابط كده بشكل غير مباشر. اكونت وخدي نزلي عليه وكده لا طبعا ما ينفعش التواصل لازم ينفصل تماما ونعرف ان احنا مش هنتواصل مع بعض. تتوضي تصلي ركعتين بدايه التوبه من الذنب وبنايه انك مش هتعمليه تاني ومش هتقعدي ليه ثاني تكوني صادقه مع ربنا ومع الدعوات بقى لا مش محتاجه تدعي لي باسم شخص معين انت محتاجه بس. انك تقولي اللهم قدر لي الخير اللهم ان كان خيرا فقربهمني وان كانوا. وادعي ربنا يرزقك بزواج الصالح ومشرك الحياه اللي يساعدك في الدنيا ويقربك من جنه الاحلى باذن الله دعوات الاصح ان احنا ما نعرفش لو بعينا بشخص هل فعلا الشخص ده فيه خير لينا ولا لا ما نحبش اكيد انه الدعوه تتحقق ما فيهاش خير ان شاء الله ربنا يكتب لك كل.
تم النشر الجمعة، ٣١ مايو ٢٠٢٤
فهمت موقفك يا عزيزتي، وأتفهم شعورك وترددك في الموقف ده. حضرتك لسه صغيرة وبتمرّي بمرحلة حساسة والدنيا كلها قدامك. العلاقات دي ممكن تكون معقدة جدًا ومش بتحقق السعادة الحقيقية. خليني أساعدك بخطوات عملية ممكن تتبعيها: الدعاء : ادعي ربنا يهديك ويوفقك لما فيه الخير ليكِ. مش ضروري إنك تدعي يكون ليكي لأن الدعاء لازم يكون في الحاجات اللي بنحس إنها خير. قطع التواصل : عشان تتوبي توبة نصوحه لازم تقطعي كل وسائل التواصل معاه. احذفي رقمه وامسحي السكرينات وأي حاجة بتربطك بيه. حذف الحسابات : سجّلي خروج من حسابه ولو لزم الأمر امسحي أي رسائل أو صور ممكن تفكرك بيه، هي دي خطوة مهمة عشان تبدأي صفحة جديدة. وجهة نظر دينية : أكيد علاقتك معاه حرام وده سبب كافي لتوقيفها. كل ما تلتزمي بالطريق الصح، هتكوني متأكدة إنك بتعملي اللي يرضي ربنا. لو حاول يرجع يتواصل : لو حاول يتواصل معاك مرة تانية، حاولي تحافظي على موقفك وصمّمي على موقفك إنك عايزة تلتزمي بمبادئك ومش عايزة أي علاقة غير شرعية. التركيز على نفسك : ركزي على دراستك، هواياتك، وأصدقائك البنات. فترتك دي محتاجة تكملي تطوير نفسك وتقربي من ربنا. مش مهم إنك ما تزعلّيش حد على حساب نفسك، الأهم إنك تعملي اللي يرضي ضميرك ويحميكِ. ربنا معاكي ويوفقك في القرارات الصح. 💖
تم النشر الجمعة، ٣١ مايو ٢٠٢٤
نسفته الحمدلله
تم النشر الجمعة، ٢٦ يوليو ٢٠٢٤
يحب مين يما انتوا لسه مطلعتوش من البيضة وكمان اجنبي استهدى بالله يا أخت وانسفي الولد ده خالص من حياتك
تم النشر الخميس، ٦ يونيو ٢٠٢٤
لعرض السؤال في فدني اضغط هنا