السلام عليكم
انا عايزه اعرف اللي الحاجات الحرام وايه الحلال في الحياه بصفه عامه يعني ايه اللي لازم اعملوا وايه اللي معملوش
وعليكم السلام ورحمه الله وبركاته معنى كلامك انك محتاجه تتعلمي امور الدين وده دلوقتي الحمد لله بقي متاح جدا ووسائل الحصول عليه سهله جدا جدا ممكن تقدمي في اكاديمية زاد للعلوم الشرعيه اونلاين طبعا والدراسه فيها متقسمه كويس وفيها متابعه اسبوعيه بامتحانات بسيطه تثبت المعلومات في ذهنك ممكن تجيبي كتب زي فقه المراة مسلمه او اي كتب بتشرح العقيدة والفقه حتى هتجيبي الكتب الخارجيه بتاعه منهج الازهر في العلوم الشرعيه كبدايه بسيطه مثلا تتعلمي منها ممكن تشوفي وتسمعي فيديوهات لناس ثقه زي راغب السرجاني مثلا ممكن تسمعي فيديوهات الفتاوى للشيخ العدوي مثلا كتر سماع الفتاوى بيعلمك امور كتير عن طريق المواقف ال بتسمعيها ممكن تسالي في الفيس بوك عن بودكاست فقهي او ديني يكون موثوق لما تقراي قران ابحثي عن تفسير الايات ال بتقرايها هتلاقي في احكام معينه مشروحه بتفسير الايات واخيرا ادعي كتير اللهم فقهني في الدين وعلمني ما ينفعني ربنا يتقبل منك ويعلمك دينك بما يرضيه عنك
تم النشر الأربعاء، ٢٤ أبريل ٢٠٢٤
قال صلى الله عليه وسلم: إن الحلال بيِّن، وإن الحرام بيِّن، وبينهما أمور مشتبهات لا يعلمهن كثير من الناس. متفق عليه يعني ببساطه الحلال والحرام متقسم 3 انواع حلال واضح زي العيش و العسل والتفاح .. الخ حرام واضح زي الخمرة ولحم الخنزير وأكل الميتة، وشرب البول والدم المسفوح، و الزنا والكذب والغيبة والنميمة والنظر إلى الأجنبية عنك .. مشتبهات يعني مش واضح هل دي حاجه حلال ولا حرام ؛ عشان كدا ميعرفهاش كتير من الناس، وميعرفوش حكمها، لكن العلماء يعرفوا حكمها. فتقدري تميزي بين الحلال والحرام بإنك تتعلمي أحكام شرع ربنا، ولو قابلك حاجه مش عارفه حكمها تسألي أهل العلم أو تبحثي عن حكمها
تم النشر الأربعاء، ٢٤ أبريل ٢٠٢٤
لعرض السؤال في فدني اضغط هنا