انا عندى لامبالاه رهيبه بجد في مشاعري طول الوقت انا حساسه جدا وممكن اقل حاجه تزعلنى واقل حاجه تفرحني بس انا مبحبش ابان زعلانه أو غيرانه على شخص وقت اما بزعل بمسك الفون شويه انسي ان كنت زعلانه بتعصب بسرعه ومعرفش اخد موقف بعمل اسكيب لكل حاجه علشان مفكرش متحبتش بالشكل الكافي اللى يخيلنى احب الناس واثق في نفسى طول الوقت بمثل ان بحبنى وواثقه في نفسي وانا مش كدا انا بحب الناس جدا واللمه لكن مبعرفش اندمج اويي وبحس وجودى مش مرغوب فيه وانا بحب احس بحب من كل الناس اللى حواليا طول الوقت بهرب من مشاكلى بالنوم مبحبش أواجه بجد بنسحب من اى حاجه ممكن تعمل مشكله ممكن اكون بحب اللى قدامى اوي لكن مبعرفش أبين بحس ان اى حاجه بعملها وحشه مش بقتنع بيها حتى لو كل الناس قالتلى حلوه بحسهم كدابين معنديش ثقه في حد أقرب صحبه ليا بحبها جدا لكن أوقات بحس ان مش واثقه فيها
انا عاوزاكى توصفيلى يعنى ايه ثقه ؟ ايه الحاجات اللى لما تحصل من حد يبقى ده واثق فى نفسه ؟ ايه الحاجات اللى لما تحصل من حد نثق فيه ؟
تم النشر الأربعاء، ٢٤ أبريل ٢٠٢٤
ايه السبب في انك مش واثقة في نفسك من الاساس؟ وهل كان فيه علاقات فشلت في حياتك ولاموكي بانك السبب فيها؟
تم النشر الاثنين، ٢٢ أبريل ٢٠٢٤
دي مشاعر مكبوته غالبا بسبب حاجات اتعرضنا ليها ف طفولتنا انا بردو زيك كده
تم النشر الأربعاء، ٢٤ أبريل ٢٠٢٤
على ما اظن موقف غدر قديم مأثر معاه طيبة قلب ولاكن المشكلة هى السعي وراء الكمال بمعنى ان اى حاجة ممكن نضيف عليها حاجة فتبقا افضل مليون تعديل فى الجميل سيجعله اجمل ولاكن بلا تعديل سيكون هناك مليون جميل
تم النشر الثلاثاء، ٢٣ أبريل ٢٠٢٤
نفس كلامك انا زي زيك والله ☹️بس الاختلاف أن اي حاجه دلوقتي مش بزعل عليها لاني عديت المرحله دي وبقي عادي بالنسبالي يعني مفيش حاجه بتجرحني ولا بتكسرني ولا بزعل
تم النشر الاثنين، ٢٢ أبريل ٢٠٢٤
لعرض السؤال في فدني اضغط هنا