فشكلت خطوبتي بعد 3 ايام .. متعلقة به رغم ان أهله غير مناسبين!

Question

اتعلقت بحد واتخطبنا وفشكلنا بعد 3ايام من الخطوبه كانت خطوبه صالونات محبتوش لكن اتعلقت بيه اهله طلعوا ناس بصورم جدا يعني يوم الخطوبه تكلم اخوها اول ما تشوفو وتقولو دي تعبت البنت جدا واخته تستلف مني فلوس ومترجعهاش وأمه بخيله لابشغ درجه كانت عيزاني اقلع الشبكه ف الخطوبه واحنا ف القاعه وأما زرتهم حطولي موزتين وبرتقانتين ودخلو وسابوني لوحدي ومامته جات تصلح الوضع هزقتنا ف بيتنا وعلقت صوتها وغلطت ف اخواتي ورغم كل دا اما فشكلنا حاولت اكلمه تاني أو اكلم حد من صحابه انه يصلح بينا عشان صعبان عليا الي كان بينا وانه كان ف الاول حد كويس ودايما بفكر فيه فأنا مش عارفه أتجاوز الموضوع بصراحه مع ان فعلا هو ميستاهلش

Accepted Answer

بصي انا مقدرة مشاعرك جدا فعلشان كده هنصحك الاول تشغلي نفسك علشان احساسك بأنك محتاجة له و مش عارفه تمشي يومك من غيره يروح علشان تفكري صح و توزني الامور طب هتعملي كده ازاي؟ هقولك ألعبي اي نوع رياضة بتحبيها و لو مفيش روحي جيم، مارسي هوايتك المفضلة و طلعي فيها طاقتك، انزلي كورس في مجال انتي مهتمة بي، فكري في انك تبدأي تحفظي القرآن الكريم اي حاجه من دول هتساعدك ان تتشغلي و تعدي التجربة دي و لما هتعديها هتكتشفي ان قرار الابعتاد ده الصح و ان ده الشخص الي مش مناسب ليكي و ان الحياة فيها ناس احسن منه بكتير انتي بس دلوقتي مش قادرة تتخيلي الحياة من غيره و ده بسبب احتياجك لي عاطفياً و في غشاوة معمولة علي عقلك مع انك مدركة لكل شئ و طبع غلاب مستحيل يكون اتربي مع اسرة زي دي يكون مأثروش عليه و لو بالواحد في مية الانسان مهما كان بيتأثر بالبيئة الي عايش فيها فهل ده جو العائلي الي عايزه ولادك يكبروا و يتربوا فيه في مستقبل؟ هل دول الأسرة الي هيكونوا عيلة الاب لولادك؟ هل مامته الي غلطت فيكم دي ترضي ان ولادك يقولوا لها يا تيتا؟ ارجوكي متخليش قلبك الي بيحكم فقط و متتسرعيش ابعدي عن موضوع و خدي وقتك في تعافي من تجربة و اشغال نفسك بعدين ارجعي فكري في فكرة الارتباط تاني ساعتها بأكدلك مليون في مية أنك مستحيل هتفكري ترتبطي بالشخص ده تاني و مش هتندمي انك بعدتي عنه و هتحمدي ربنا انهم بانوا علي حقيقتهم عايزاكي تفتكري ان ده شريك حياتك عارفة يعني ايه؟ يعني الي كل يوم هتصحي تلاقي موجود جنبك و ولادك هيشيلوا اسمه و اسم عيلته

Answer

طالما اهله كده يبقا هو زيهم ومش باين عليه وحتى لو هو كويس مش اهله واخواته هيزوروكم وهيطلعوا عينك انتي كده بتحكمي على نفسك بالعذاب بقية حياتك نصيحه مني بلاش استني الشخص المناسب واهم حاجه اهله يكونوا كويسين

Answer

و يجعل في كل شر خير ... يمكن دا خير ليكي..الناس في البدايه بتبقا كويسه و مع المعاشره بنعرف الناس علي حقيقتها...و كويس أن دا حصل في الخطوبه بدل ما تكوني اتجوزتي و اظن الوضع مكنش هيبقا احسن حاجه ...شخص زي و بي اخلاقو و طبيعيه اهلو مكنتيش هتعرفي تتعايشي معاها عشان كده كويس أنكم فشكلتو ... بالنسبه ان انتي متعلقه بيه فيمكن دي علشان فتره تعود او مثلا اتعودت ان هو يكلمك كل يوم او ان هو يبقى في شات ما بينكم فلما هو بعد كل دي حاجات قلت فطبيعي تحس ده لكن هي مجرد وقت مش اكثر لكن انتي لو كنتي كملتي معاه كنت حرفيا هتكرهيه بسبب طريقه المعامله حتى لو هو شخص كويس فطبيعه الاهل وعاداتهم و تقاليدهم بتاثر على العلاقه حتى لو كانت العلاقه دي متينه وبدام ما فيش اقبال منه ان هو يرجع لكي يبقى خلاص استودعي ربنا وادعي وقولي ربنا يقرب مني كل ما يراه الله خيرا لي ويبعد عني كل ما يراه الله شر اللي وزي ما قلتلك في الاول ويجعل في كل شر خير و ربنا يعوضك بي الي احسن بإذن الله

فشكلت خطوبتي بعد 3 ايام .. متعلقة به رغم ان أهله غير مناسبين!

نفسية

اجتماعية

علاقات

سؤال من Huda Abdul Hamid

تم النشر الثلاثاء، ٢٧ فبراير ٢٠٢٤

4 إجابة

8 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك