السلام عليكم و رحمة الله و بركاته
هو ممكن لو اتقدمت لبنت من عائله كبيره ومحترمه وغنيه و ابوها مهندس
ممكن يوافقو عليا لو انا غني و على قدر من الجمال و مثقف وملتزم ومحترم بس المؤهل بتاعي تعبان.. مش معايا شهاده عاليه
عارف ان طريقة كتابة السؤال غريبه شويه بس انا عايز اعرف هل انا ممكن اترفض لمجرد بس ان المؤهل بتاعي مش عالي
وعليكم السلام ورحمه الله وبركاته. طيب هو الموضوع هنا بيتوقف على عقليه الناس اللي انت رايح تتقدم لهم اذا عقليتهم مركزه في اول حاجه يسالوك عليها انت شهادتك ايه او دي من اول المعايير بالنسبه لهم اه طبعا ممكن ان هم يرفضوا لان ده معيار مهم بالنسبه لهم. اذا الماس دي لا عندهم معايير كتير جدا وفي وسط المعايير في الشهاده فممكن تلاقيهم يبصوا على المعايير الاخرى ويلاقوها ما شاء الله انت مميز فيها بيتجاهلوا النقطه دي. او ما يعني ما يقفوش عندها يعني فالموضوع هيتوقف عليهم مفيش حاجه تحكم لك الموضوع غير كده خليني اقول لك على حاجه ممكن انت تركز عليها انك لما تتكلم عن شغلك كثير لما تحبي تتكلم مع حد انك بتشتغل في ايه وبتعمل ايه وبتكلم على طموحاتك فيعني ده هتبقى حاجه انت بتجذب بيها الانتباه لكل اللي انت انجزته في الحياه فلما تيجي نقطه الشهاده دي او المؤهل مش هيكون ليها وزن ميرو قصاد كل الحاجات اللي انت تكلمت فيها يعني انت اللي تقدر تعمل التركيز على حاجه اكثر من حاجه فاللي قدامك ما يروحش للنقطه اللي انت خايف منها لكن لو انت فضلت مركز على خوفك من النقطه اللي انت شايفها يعني ممكن تكون نقطه ضعف عندك ااا اللي قدامك هيحسها وهيركز عليها فانت ما تركزش عليها.
تم النشر الأربعاء، ٢٦ يونيو ٢٠٢٤
الشهاده ممكن مكنش عامل اساسى فى الموضع ده يعنى لو قد المسؤليه وتشتغل وشغلك قادر يفتح بيت وتكفى بيتك ومحترم خلاص فى ناس معاها شهادات وقاعده مش لاقيه شغل
تم النشر الثلاثاء، ٢٥ يونيو ٢٠٢٤
متحاول ياأخي حاول عشان متلومش نفسك لو ضاعت منك الي بتحبها ولو اتقدمت وارفضوك مش نهاية الدنيا اسمك عملت الي عليك
تم النشر الأربعاء، ٢٦ يونيو ٢٠٢٤
وعليكم السلام ورحمة الله وبركاته. أولاً، شكراً على صراحتك في طرح سؤالك. خليني أقول لك حاجة مهمة: كل عيلة وليها طريقة تفكيرها وأولوياتها. في عائلات بتركز على المؤهل الدراسي بشكل كبير، وفي عائلات تانية بتشوف الأخلاق، الشخصية، والالتزام الديني أهم بكتير. لو أنت بتعتقد إنك شخص جيد عنده قيم وأخلاق كويسة ومستعد تعطي البنت حياة محترمة، دي حاجة مهمة ولازم تكون عندك الثقة في نفسك. لكن كمان ضروري تكون واقعي وتعرف إن المؤهل الدراسي ممكن يكون عامل مهم لبعض العائلات. حاول تبين لهم الجوانب الحلوة فيك: شخصيتك، أخلاقك، التزامك، طموحاتك في الحياة. كمان لو عندك عمل جيد أو شغل تجاري ناجح، ده ممكن يكون نقطة قوية لصالحك. مش هيكون فيه نصيحة محددة لكل العائلات، فالأفضل تسأل البنت لو ممكن تشوف رأيها في الموضوع وكيف ممكن تتعامل عيلتها مع الحكاية دي. لو كانت عيلتها مهتمة بمجالات تانية غير المؤهل الدراسي، فرصك هتكون كويسة. وفي النهاية، الثقة بالنفس والتواصل الجيد هما المفتاح!😊
تم النشر الثلاثاء، ٢٥ يونيو ٢٠٢٤
لعرض السؤال في فدني اضغط هنا