السلام عليكم ورحمة الله وبركاته
انا بنت وعندي 16 سنه وطولي 160 سم ووزني 75 وانا مش متقبله وزني وشايفه ان وزني مش مناسب مع سني مع ان يعني في بنات كتير معايا في المدرسه ووزنهم زيي وفي اكتر مني
وكنت هروح الجيم بس ماما مش موافقه وبتقولي انتي وزنك حلو وانا مش باكل يعني اكلتي ضعيفه خالص وحاولت اعمل تمارين انا في البيت بس جسمي بيوجعني والتمارين مش بتخسسني
انا وزني كان 65 وكان حلو اوي بس مش عارفه اي اللي حصلي يعني انا وصلت 75 في أسبوعين والاسبوعين دول اصلا كنت تعبانه اوي فيهم ومكنتش باكل فمعرفش وزني زاد كل ده ازاي
عايزه حل لمشكلتي لاني مش متقبله شكلي خالص وده مسببلي قله ثقه في نفسي
وعليكُم السَّلام ورحمةُ اللَّهِ وبركاته شوفي فكرة إن طولك ١٦٠ فَـ الوزن المناسب ليكي ٦٠ ده مش مظبوط اوي... ولو روحتي الجيم غالبا المدربة بتاعتك مش هتمشيكي بالطريقة دي هيا هتساعدك تظبطي شكلك جسمك عشان يكون شكله متناسق وحلو وطبيعي تمام كده... لو شايفة نفسك محتاج تقللي وزنك الافصل ليكي تكلّي الأكل بس بكميات قُليلة(تقومي من على الأكل جعانة)، وتشربي مايه كويس،وتنامي بليل كويس
تم النشر الجمعة، ٢٨ مارس ٢٠٢٥
وعليكم السلام ورحمة الله وبركاته، أختي العزيزة. أدرك تمامًا ما تشعرين به، وأريدك أن تعلمي أن القبول الذاتي هو عملية تحتاج إلى وقت وجهد. من المهم أن ندرك أن كل فرد له جسده الفريد، وأن الجمال لا يتحدد فقط بالوزن أو الطول، بل أيضًا بطريقة التفكير والشعور. إليك بعض النقاط التي قد تساعدك: تقبل نفسك : ابدئي بالنظر إلى نفسك بشكل إيجابي. حاولي كتابة الأشياء التي تحبينها في نفسك، سواء كانت صفات شخصية أو مظهر خارجي. هذا سيساعدك على تعزيز ثقتك بنفسك. التغذية السليمة : بما أنك ذكرت أنك تعانين من قلة الأكل، فهذا قد يؤثر على جسمك وصحتك. حاولي التركيز على تناول وجبات متوازنة تحتوي على جميع العناصر الغذائية اللازمة. يمكنك استشارة مختص تغذية إذا كان ذلك ممكنًا. التمارين البدنية : إذا كنتِ تجدين صعوبة في الذهاب إلى الجيم، يمكنكِ البحث عن تمارين بسيطة يمكنكِ القيام بها في المنزل. حتى المشي لفترة يومية يمكن أن يساعد في تحسين المزاج والصحة العامة. الحديث مع والدتك : حاولي أن تشرحي لها مشاعرك ورغبتك في تحسين صحتك. قد تساعدك في إيجاد حل يجعلكِ تشعرين بالراحة. طلب الدعم : لا تترددي في طلب الدعم من أصدقائك أو أفراد عائلتك. مشاركة مشاعرك مع الآخرين يمكن أن تجعل الأمور أسهل. تذكري دائمًا أن الحياة مليئة بالتحديات، وأن رحلة القبول الذاتي قد تأخذ وقتًا، ولكنكِ قادرة على ذلك. كوني صبورة مع نفسك، ولا تنسي أنكِ تستحقين كل خير. (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الجمعة، ٢٨ مارس ٢٠٢٥
هحكيلك حكايه صغننه ....انا كنت زيك فى سنك... وبالاضافه ليا اخوات تانيه بنات وكلهم ارفع بكتير وانا اللى كنت طويله وعريضه ... خلانى على طول باصه لنفسى انى تخينه ومش عاجبنى حالى وكنت بلبس من امى ومش بحب انزل اشترى لبس وعلطول بفصل نظرة تشائميه لنفسى ... لحد قبل وفاه امى ب اسبوع... كنت بقيس حاجه بقلها كذا سنه والجاكت مقفلش ولقيت نفسى عيطت ... قالتلى اللى تزعلى عليه ان صحتك متكونش كويسه .... عادى هتتخنى شويه وتخسى شويه ... بعدها ادركت مفهوم التصالح مع النفس يعنى عادى ....خصوصا ان مفيش سبب لزياده وزن ... وعشان احس برضا اكتر كنت اقارن نفسى باللى اكتر منى فى الوزن واقول الحمد لله .... ليه بقولك كده عشان طول ما انتى مش راضيه عن نفسك هتلاقى كمان انتقادات حواليكى على شكل جسمك ... ثقتك بنفسك ونظرتك لنفسك هى اللى هتخلى كل الناس تشوف اللى انتى شيفاه... ركزى انك تشوفى الحلو فيكى عشان اللى حوليكى يشوفوه .. فهمتى قصدى ♥️
تم النشر الأحد، ٣٠ مارس ٢٠٢٥
السلام عليكم، الأول، تأكدي من عدم وجود أي مشكلة أدت لزيادة الوزن المفاجئ. لأن فيه أسباب ممكن تؤدي للزيادة المفاجئة زي مشاكل بالغدة الدرقية أو تكيس المبايض، إذا بتمري بفترة اكتئاب وضغط نفسي، إذا كنتِ بتاخدي أي أدوية حاليًا قد يكون ده من آثارها الجانبية، وأيضًا مشاكل قلة النوم عامل مساعد. ** بالنسبة لتقبلك لوزنك، فأنتِ الأول محتاجة تبرمجي عقلك إن مفيش مشكلة، لأن مجرد ما عملتِ من الزيادة دي مشكلة فده بيخلق منها هوس ويخليها تشكل ضغط نفسي ومقاومة وهتفضلي حاسة بالعجز قصادها ومش عارفة تحليها. وزنك اللي زاد والتغير اللي حصل بشكلك ومش راضية عنه ده مش مشكلة أبدًا. عادي، مجرد زيادة وممكن نرجع للشكل اللي كنا حابينه، خليكِ واثقة في قدرتك على ده. ** بالنسبة للتمارين، مش شرط تعملي تمارين (workout) يكفي إنك تعملي تمارين تمدد لمدة 10 دقائق كل يوم ومع الوقت عن تجربة هتلاحظي فرق كبير في جسمك ومرونته وحركتك. تمارين التمدد، بسيطة ومش محتاجة أدوات ولا قفز ولا جهد كبير. التمارين دي هتساعد على توزيع الدهون بشكل جيد في جسمك وتحسن الشكل العضلي فتخلي الجسم مشدود ورشيق. جربي نزلي التطبيق ده ومارسي كل يوم 10 دقائق على الأقل لو قدرتي تزودي ثلث ساعة يكون أفضل وأفضل. https://play.google.com/store/apps/details?id=stretching.stretch.exercises.back&hl=en ** لا تعتمدي على الميزان، أحيانًا بتكون الزيادة في الوزن، زيادة ماء أو ممكن يكون الوزن كويس لكن توزيع الدهون غير مضبوط فبيعطي شكل غير متناسق ويوحي بزيادة في الوزن. ******* بالتوفيق إن شاء الله
تم النشر السبت، ٢٩ مارس ٢٠٢٥
انا حصلي كدا فنفس السن و طلع عندي تكيس المبايض شوفي لو الدورة الشهرية مش منتظمة روحي اكشفي و اعملي تحاليل غدة
تم النشر السبت، ٢٩ مارس ٢٠٢٥
العفو
تم النشر الأحد، ٣٠ مارس ٢٠٢٥
المشكلة ان نظرتك لنفسك سلبية فابني هوايات وعادات يومية زي الصلاة والقرآن والرياضة والطبخ والتأمل وكتابة الأفكار والكلام الطيب .. ومع الأيام تشوفي نفسك بنظرة إيجابية
تم النشر الأحد، ٣٠ مارس ٢٠٢٥
تسلميلي علي كلامك الجميل ده هو انا مكنتش باخد علاج لان نفسيتي هي اللي كانت مش كويسه وممكن فعلا ده يكون السبب
تم النشر الأحد، ٣٠ مارس ٢٠٢٥
ممكن يكون ايام تعبك كنت بتاخدي ادويه فيها كرتيزون مثلا عشان كده زدتي ف الوزن او سبب تاني ممكن انتي نفسيتك مش كويسه ف حصل لغبطتت هرمونات ف زدتي ف الوزن متقلقيش حاول تروح تكشفي عشان بس تتطمني ع نفسك وكمان نشوف اي المشكله ونحلها وانتي اصلا عسوله ف اي شكل والله 🥰
تم النشر الأحد، ٣٠ مارس ٢٠٢٥
تمام شكراا لحضرتك
تم النشر الأحد، ٣٠ مارس ٢٠٢٥
اه تمام ماشي شكرا
تم النشر السبت، ٢٩ مارس ٢٠٢٥
لعرض السؤال في فدني اضغط هنا