السلام عليكم ورحمه الله وبركاته انا بنت وحالا مخطوبه او حرفيا متكلم عليا احنا من الصعيد اه ساكنه ف القاهره بس اصلي من سوهاج المهم احنا بنتجوز صالونات انا والله العظيم كنت بتمنا من ربنا زوج صالح اللي يوصلني وريح قلبي ويطبطب عليا وقت حزني المهم اللي اتقدملي من قرايبنا وكدا وهو ف مشكله واحده بس انه بيتكسف يتكلم معايا او حرفيا بيقولوا انه مش بحب يتكلم عشان الكلام بيجب مشاكل يعني قليل الكلام ولما ساب خطيبته اللي فاتت كانت بسبب قلت الكلام المهم روحت من اول اسبوع قولت لا انا مش مرتاحه انا منت بتمنا اللي يخفف عني مش يجي يخليني افضل عل طول زعلانه كدا دا اول مره نتكلم فيها ثالي احنا هنتكلم مره ف الاسبوع وهيبقا يوم الاربعاء وكدا وكنا هسيب بعض بسبب الحوار دا وماما رايحت تكلم خالتو وكدا عشان كل شيء قسمه ونصيب ورايحت خالتو قالت لا وكدا يعني اصبروا عليه هو ف الاول كدا وكمان احنا لسه مش قرينا الفاتحه قال مكسوف يتكلم عشان مفيش حاجه قدام ربنا راح واتحلت المشكله دي ورجعنا لبعض بس للاسف هو لحد دلوقتي برضو مش بنتكلم اه هو بيكلمني كل يوم اه ويوم لا احسن من الاول بس هو كسر فرحتي انا كنا نفسي اللي يسال عليا اللي وقت لما اكون فرحانه اجري عليه ووقت ما اكون زعلانه اجري عليه وهو بيتغشل حاجه شبه سواق وكدا وقال مش بيعرف يتكلم ولا فون ولا واتس بنهار فيتكلم بليل وحرفيا والله والله بنتكلم ربع ساعه او نص ساعه دا بكتير والله عان يعني يسكتني ان هو بنتكلم محدش يكملني عل فكره ولما بيتصل بيفضل ساكت شويه يعني وانا بفضل ساكته عشان مش عارفه اقول اي وبتكسف وكمان دلوقتي لما بتصل مش بيرود بليل يعني اقوله مش بترود ليه يقول كنت مش فاضي هو بيجب بنتكلم بليل كام دقيقه وبعد كدا يختفي لحد تاني يوم ف نفس الوقت بصراحه وانا متضايقه ومش عارفه اعمل اي هو معاها فرصه لحد ما نقرا الفاتحه بعد العيد بس انا متضايقه بس بصراحه اللي مصبرني علبه انا كويس وطيب واخواته كويسين جدااااا ومامتو هو دا اللي مصربني بس برضو متضايقه ان خطيبي مش بكلمني ولا اي حاجه ولا يقولي فنيك كدا يعني انا بصراحه مش عارفه اعمل اي بصراحه خايفه اسيبه يطلع دا خير من ربنا وانا اللي مشتوا بايديا عشان هو كويس انا مش عارفه اعمل ا
طبعا اول حاجه كلنا هننصحك بيها انك تستخيري كتير وتدعي كتير ربنا يبصرك ويلهمك الصواب ثاني حاجه هو قلة الكلام دي طبع موجود عند رجالة كتير اوي فوق ما تتصوري كمان لازم تاخدي بالك ان هو تصرفه صح لان انتو حتى لسه مش قريتو فاتحه المفروض شرعا ان كلامكم يكون في حدود الضرورة ودراسه الشخصيه والصفات وكده لكن السائد عند ناس كتير انه يتصل كل شويه ويحكي في كل حاجه ويعرف تفاصيل يومك وتعرفي تفاصيل يومه ده كله غلط جدا ومش هو مقياس النجاح ولا التوافق في العلاقه الزوجيه كمان بما انه كويس وطيب واهله كده فكل الاهتمام والكلام والحاجات ال انت بتحكي فيها دي هتيجي مع الوقت بالتدريج وهتتعلموا من بعض كتير برضه بعد الزواج ان شاء الله وده التطور الطبيعي للعلاقه الزوجيه ال نقدر نقول انها متزنة او معتدله كمان واضح انه من النوع الخجول او ال مش عارف يقول ايه الفترة دي ودي ميزة مش عيب ..اغلب ظني انه انسان كويس وبإذن الله يكون لك زوج صالح طيب خلي بالك معظم ال بتشوفيه حواليكي من اهتمام مبالغ فيه واظهار مبتذل للحب وكلام كتير وووووو معظمه بينتهي بالفشل للاسف لانه بيكون اسرف في حاجات كتير في غير وقتها المناسب ولا مكانها الصح نصيحتي لك انك تصبري متحكميش عالوضع من دلوقتي وخدي فرصتك بشكل مرتاح واستخيري وطالما في قبول فبعد قراية الفاتحه ان شاء الله هتلاقي حاجات كتير تتكلموا وتتناقشوا فيها وتساليه ويسالك وتتابعوا مع بعض وكده ان شاء الله كمان انت عادي ممكن تساليه اسئله مباشرة عن بعض مخاوفك او عن بعض صفاته ال بتقلقك وفي حاجات بتبان في المواقف ربنا يوفقك للصالح والخير والمناسب لك
تم النشر الجمعة، ٩ يونيو ٢٠٢٣
بصي اولا انتو مش مخطوبين عن حب فأكيد مش هيبقا فيه لهفه وكل شويا يتصل وفينك كلتي ولا لء وكل دا انتو لسا بتتعرفوا سعتها هيجي الحب واحده واحده وبما اني فسنك انصحك تكملي لغاية متتخطبي وتشوفي طبعه اكتر وتشوفي انتي هتقدري في المستقبل تعيشي علي طبعه دا ولا لء فاهمه بصي انتي مرتاحه ولا لء وملكيش دعوه بكلام حد عشان انتي الي هتتجوزيه فانتي الي هتعيشي مش هما فهمتي وانشاءالله خير💚
تم النشر الأحد، ١١ يونيو ٢٠٢٣
بصي الموضوع بكل بساطة ان الشخص ده لو ده طبعه .. يعني شخص هادي وقليل الكلام .. يبقى ده طبعه حتى بعد الجواز .. انا معاكي ف ان تمام في مميزات وان هو محترم وهكذا زي ما بتقولي .. بس هتعمل ايه المميزات قدام مثلا عيب قاتل بالنسبالك؟ اي عيب مش شرط العيب ده .. الاختيار عموما انك بتشوفي الشخص ده مميزاته ايه وعيوبه ايه ؟ فيه العيب كذا وكذا .. هل هتقدري تتعايشي مع العيوب ديه ولا لأ؟ انت هتاخديه ع عيوبه قبل ممزاته .. انتي مش مطلوب منك تغيري حد مش هتغيري حد .. انتي هتاخدي الشخص زي ما هو .. ف دلوقت الشخص ده في عيب كذا .. هل انتي هتقدري تتعايشي مع العيب ده ولا لا؟ الاجابة ب اه او لأ .. وفكري تاني ولو حابه تدي فرصة ك خطوبة مثلا تشوفي الموضوع يمشي ازاي .. ممكن عادي تجربي .. ولو مرتاحتيش خلاص مش اخر الدنيا ..
تم النشر السبت، ١٠ يونيو ٢٠٢٣
وعليكم السلام يا ست البنات هى الفكرة كلها هنا ان انتى عندك صورة كده انه خطوبة يبقي ناس ملهوفه على الكلام كتير والتفاصيل اللى شايفه نفسك من غيرها هتكونى تعيسه للاسف. هى صورة لكن مش بالضرورة تكون السعادة والمسطرة بتاعت الخطوبة السعيدة كده . انتى محتاجة تتأكدى من اولوياتك فعلا بخصوص الارتباط .وحتى لو بتتكلموا ربع ساعه تكونى فى الوقت ده بتحاولى تعرفى الراجل ده فيه اللى انتى محتاجاه وتقدرى تعيشي معاه بشكل هادى ولا هتبقي مضغوطة. فكرى تانى فى معنى كلمة زوج صالح.
تم النشر السبت، ١٠ يونيو ٢٠٢٣
صلي أستخارة وشعورك وقتها أعملي بيه، بس أنا من وجهة نظري الناس ال بتملك شخصية زي شخصيته دي بتكون أكتر ناس حنونة بجد، كمان سكوته ده ممكن تكون طبع أو تكون صفة مكتسبة دون إرادته لما بيئته مكنش فيها أهتمام ليه أو غيره، يعني حتي لو صليتي أستخارة وأرتحتي وخلاص هتكملي لازم تظهري أنك متقبلة الجانب ده في شخصيته أو تحاولي تتجاذبي معاه الحديث، ولما ياجي مثلا يزورك حاولي تتكلمي معاه حاجة بتحبيها وتسأليه عن رأيه في حاجة هتجبيها، حسسيه أن أهتمامك هو جانب منها، كمان حبيبتي مامته قالت أنه متدين وكلامه بحساب لحد م تكوني مراته، صراحة دي حاجة تحترم جدا إنه بيحافظ علي ضوابط الخطوبة، وإنه لسه أجنبي عنك، لكن ده ميمنعش إنكم لازم تتعرفون علي بعض في جوانب كتير عشان تشوفوا هتكملوا ولا لأ، ولو حابة تتكلمي معاه تاني في الجانب ده إنه مبيكلمكيش كتير و كده أتكلمي بس متبقاش زنانة؛ ووصليله إنك متقبلة ده ومتفهماه ومعنديش مانع في كده بس عاوزه تعرفي ليه؟! ومتسأليهوش وتسكتي، لأ وصليله وجهة نظرك وكملي الكلام بهدوء وتفهم
تم النشر الجمعة، ٩ يونيو ٢٠٢٣
اعرف شعورك جيداا.ولكن عليكي احترام ذلك وافهمي طبيعه شخصيته..ف الهدوء احيانا نعمه سوف تتمنينها مستقبلا لأن ما بعد الزواج شي آخر من الحياه..عليكي أن تكتشفي الميزات الخاصه به وتراي كيف هو مستقبلك معه وتخيلي حياه هادئه وذلك الأهم..المهم عندما يتكلم ينفذ كلامه..أما اذا كنتي من محبي الكلام فقط..استمتعي بالكلام ولكن حياتك ستكون فاشله معه
تم النشر الجمعة، ٩ يونيو ٢٠٢٣
لعرض السؤال في فدني اضغط هنا