عايزة اعرف ازاي اتخلص من مقارنتي بغير طول الوقت واثق في نفسي
وعايزة اعرف ازاي اكون ناجحة في حياتي واعرف ادير وقتي
علي العلم أنا عندي 18 سنة
اول حاجه تتأكدي تماما ان رضا الناس غاية لا تدرك ورضا الله غاية لا تترك ثاني حاجه تعملي الحاجه ال تريحك وال تعجبك طالما مفيهاش محظور شرعي ولا شئ عيب في الاعراف والتقاليد ثالث حاجه بعد ما تعملي ال يعجبك مهما تسمعي انتقادات هتقولي لنفسك بس انا عاجبني ال عملته انا بحب اعمل الحاجه دي بالشكل ده مش لازم اعمل الحاجه ال تعجب غيري ومتعجبنيش وده ميمنعش انك تاخدي رأي غيرك وتعملي بالرأي ال يعجبك ويقنعك وقبل كل شئ الاستخارة
تم النشر الأربعاء، ٢١ ديسمبر ٢٠٢٢
اول حاجه شوفي اهتماماتك هي هي نفس اهتمامات الي بتقارني نفسك بيهم ولا لا لان اوقات كتير بيعجبنا فكره ان شخص ناجح ونفسنا نبقا زيه بس لو ركزنا هنلاقي ان اهتمامه ومجاله مش هو مجالنا ولا اهتمامنا ...تاني حاجه ممكن تشوفي انجازاتك ايه؟و اقل انجاز انتي عملتيه حطيه قدامك لانه يحترم ايا كان انتي تعبتي عشان تحققيه وحطي قدامك انجازاتك الي عايزه تحققيها ونبدأ نعمل خطه بسيطه ازاي اوصل للي نفسي فيه وانجح في الحاجه الي بحبها عشان انا بحبها مش عشان اجاري التيار بس ... وعشان تثقي في نفسك بصي لمرايتك وشوفي نفسك فيها كويس قد ايه ربنا خلقك على اجمل صوره وانك عندك امكانيات كتير واكيد مريتي بمشكلات وقدرتي تحليها وفي ناس حوليكي تقدرك وتحترمك وبتثق فيكي وفي رئيك وممكن جدا يكونوا نفسهم في يوم يبقوا زيك
تم النشر الجمعة، ٦ يناير ٢٠٢٣
لعرض السؤال في فدني اضغط هنا