السلام عليكم ورحمة الله وبركاته
انا عملت حاجات كتير غلط من ونا صغير ولحد دلوقتي بس لما كبرة شوي خفيه كنت ونا صغيره بسرق من رغم اني مش محتاجه دا ممكن اخد أسواره من بنت عمي مثلا وبرميه عشان بخاف تشوفها معاي وكنت بكذب ولحد دلوقتي بكذب ومش عارفه ابطل وف كتير من الأحيان كنت بتخانق مع امي وبشتمها وكمان ف كذا مره ضربتها بس هي بتخليني اعمل كدا بتفرق بيني وبين اخواتي خلتني كرهتها وبتدعي عليا دعوات وحشه بس يعني حاليا مش بعمل كدا بس انا حياتي مش حلوه خالص مفيش اي حاجه كويسه فيه لا تعليم ولا الناس بتحبني حتي ربنا مش بيحبني وبتعاقب بالفشل ف كل حاجه حتي سقت وهعيد السنه تاني ومش عارف اقول اي لأهلي انا لوحدي انا تعبت بجد انا بقالي يومين مش باكل محدش لاحظ دا ف البيت انا حاليا بكتب ونا ناويه اشرب سم واموت عشان خلاص مش قادره اعيش تاني انا مش عارفه هعيش ولا لا بس رجاء منكم تدعولي ربنا يرحمني ويسامحني 😢
انت بتقولي انك كنتي صغيرة ربنا هيغفرلك ان شاء الله بس استغفري وصلي وادعي ربنا ومتنسيش قول والله عز و جل(ان الله غفور رحيم)
تم النشر الثلاثاء، ١١ يوليو ٢٠٢٣
لا كلنا بنغلط وربنا كبير ارجعي حبي نفسك وكانك اتولدتي من جدبد وانسى الماضي اللي فات مات، وانتي طالما حاسه بالذنب فدي توبه وربنا بيحب العبد اللي بيتوب فقولي يارب سامحنى واقف جنبي وانا حبدأ صفحة جديدة وكأني حتولد من جديد وعيطي واشكي لربنا وابدئي مع كل الناس كانك لسه حتتعرفي عليهم وعامليهم باحسان وقولي يارب قويني وصدقيني بالتدريج حتتغيري واهلك حيشوفو ده وحياتك إن شاء الله تبقى احلى واجمل وانا شفت جواكي حاجه جميلة وانتي انسانه جميلة وحياتك غالية وحاجه عظيمة ربنا ادهالك ازاى تفرطي بسهولة كده فيها
تم النشر الاثنين، ١٠ يوليو ٢٠٢٣
لا تيأسي من رحمة الله ...ده مش كلامى ده كلام من ربنا ليكى ولينا كلنا قُلْ يَا عِبَادِيَ الَّذِينَ أَسْرَفُوا عَلَىٰ أَنفُسِهِمْ لَا تَقْنَطُوا مِن رَّحْمَةِ اللَّهِ ۚ إِنَّ اللَّهَ يَغْفِرُ الذُّنُوبَ جَمِيعًا ۚ إِنَّهُ هُوَ الْغَفُورُ الرَّحِيمُ وده تفسيرها https://quran.ksu.edu.sa/tafseer/tabary/sura39-aya53.html ودى قصة من مئات القصص عن ناس غلطوا كتييير ولكن توبتهم كانت حقيقية فربنا تاب عليهم حتى لو مالحقوش يعملوا حاجات حلوة . وقد قص النبي صلى الله عليه وسلم قصة رجل أسرف على نفسه ثم تاب وأناب فقبل الله توبته ، والقصة رواها الإمام مسلم في صحيحه عن أبي سعيد الخدري رضي الله عنه أن رسول الله صلى الله عليه وسلم قال : ( كان فيمن كان قبلكم رجل قتل تسعة وتسعين نفسا ، فسأل عن أعلم أهل الأرض ، فدُلَّ على راهب ، فأتاه فقال : إنه قتل تسعة وتسعين نفسا ، فهل له من توبة ، فقال : لا ، فقتله فكمل به مائة ، ثم سأل عن أعلم أهل الأرض ، فدُلَّ على رجل عالم ، فقال : إنه قتل مائة نفس ، فهل له من توبة، فقال : نعم ، ومن يحول بينه وبين التوبة ، انطلق إلى أرض كذا وكذا ، فإن بها أناسا يعبدون الله ، فاعبد الله معهم ، ولا ترجع إلى أرضك ، فإنها أرض سوء ، فانطلق حتى إذا نصَفَ الطريق أتاه الموت ، فاختصمت فيه ملائكة الرحمة وملائكة العذاب ، فقالت ملائكة الرحمة : جاء تائبا مقبلا بقلبه إلى الله ، وقالت ملائكة العذاب : إنه لم يعمل خيرا قط ، فأتاهم ملَكٌ في صورة آدمي ، فجعلوه بينهم ، فقال : قيسوا ما بين الأرضين ، فإلى أيتهما كان أدنى فهو له ، فقاسوه فوجدوه أدنى إلى الأرض التي أراد ، فقبضته ملائكة الرحمة . قال قتادة : فقال الحسن : ذُكِرَ لنا أنه لما أتاه الموت نأى بصدره ). اقرأى فيها اكتر هنا https://www.islamweb.net/ar/article/14188/قتل-مائة-نفس انا انصحك تأخدى وقت عزلة ويكون فترة نقاهه لنفسك اعتبريهم خلوة واعتكاف تقربي فيها من ربنا ...( ممكن اسبوع كامل صيام ) الصيام بيعمل نقاء للروح جميل جدا وانا مجربة ده بجد مش مجرد كلام وخلاص . اقفلى على نفسك ورتبي نفسيتك وعلاقتك بربنا وكل حاجة فى حياتك شوفى ناويه تعملى فيها ايه احلى من اللى فات كله عشان تكونى راضيه عن النسخة الاحدث منك. أوعى تسعى لنهاية وحشة تخليكى مكسوفه اكتر قدام ربنا ..
تم النشر الاثنين، ١٠ يوليو ٢٠٢٣
يارب تشوفى كلامى فى الوقت المناسب مريت بنتائج مشابهة لظروفك من اكتر من ١٥ سنة ،وجربت الانتحار برضه بس مش سم مرتين مش مرة واحدة واخدت قرار فى لحظة غير شكل حياتى ١٨٠ درجة الفارق الوحيد بينى وبينك فى المشاعر وال كنت حساه وقتها "فكره عقاب ربنا وانه مش بيحبني .. عمرى الحمد لله ما فكرت كدة خالص" ومن واقع تجارب حياتية لواحدة سبقتك بالزمن شوية بقولك ان ربنا اذا مش بيحبك كنتى هتفضلى مغيبة ومش حاسة بغلطك وعندك تأنيب ضمير لدرجة انك مستعدة تضحى بأكبر هدية من ربنا وناسية ان ده الفعل فعلا ال ربنا نهى عن فعله ربنا ينجيك ويكتبلك فرصة تانية .. ربنا من حبه ليكى وعى عقلك وضميرك )،انتى لسة صغيرة جدا ومش عارفة حكمة الحياة ربنا مش بيعاقب عباده بالفشل زى ما بتقولى كدة ربنا كل اراده خير جدا وليها حكمة احنا كبشر مش بنشوفها فى وقتها تأكدي أن رسوبك خير لسبب ما هيجى وقت وتعرفيه وعلى فكره اذا رجع بيا الزمن هاخد نفس القرار ال غير حياتى ١٨٠ درجة فى مقوله يتقول اذا علمتم الغيب لاخترتم الواقع ... وتخيلي كمان من فتره صغيرة قوى عرفت معلومة قدرت اعرف ييها جزء من حكمة ربنا فى رسوبى اولى جامعة وفعلا فعلا الحمد لله ان اخدته ولا كان يحصل حاجات تانية . ربى هب لنا نور البصيرة وحسن التصرف واحفظنا من شر النفوس و وسواس الرجيم يا سميع يا الله
تم النشر الاثنين، ١٠ يوليو ٢٠٢٣
يا أختي! أتظنّين بالموت -فضلًا عن الانتحار- تنتهي الحياة؟ أقسم باللّه لك، إن الموت ليس آخر الدنيا، بل هناك أمور عظام. ولو إنّا إذا متنا تركنا .. لكان الموت راحةً لكل حيّ ولكن إذا متنا بُعثنا .. نُسأل بعدها عن كل شيءٍ يا أختي: ربنا حرم الانتحار: لأن المنتحر لم يرض بقضاء الله وقدره. ثم يا أختي: كيف هانت عليك نفسك!؟، طب، ألم تفكّر في مصير أُمّك المسكينة من بعدك، التي لرُبّما ماتت كمدًا وحزنًا عليك! أختي أنا خايف عليك، فكّري جيدًا، فوالله لا نقوى على أقلّ عذاب الدنيا، فكيف بعذاب ونار الآخرة؟! أختي! أنت لستِ أسوأ إنسانة في الدنيا، بل هناك من هم أسوأ منا، ومع ذلك ما فكّر أحدهم إلى أن ينهي حياته بهذه الطريقة المساوية التي يأبها العاقل فضلًا عن الشرع! آخيرًا يا أختي! الله - عزّ وجلّ - حرّم أن ندعو على أنفسنا بالموت، بل حرّم أن نتمنّى الموت، مجرّد التمني حرمه -سبحانه-، وهذا يدلّ على أن الله أرحم بنا من أُمّهاتنا وآبائنا، بل من أنفسنا التي بين جنبينا. قال تعالى: ((ولا تقتلوا أنفسكم إن الله كان بكم رحيمًا)، الآي. فكيف بعد هذا كله؛ يُباح للمسلم أن يقتل نفسه؟! أسأل الله أن يفرّج عنكِ، ويعذك من شر نفسك والشيطان.
تم النشر الأحد، ٩ يوليو ٢٠٢٣
يا قمرتي انتي مش عايزة تموتي انتي عايزة تعيشي حياة كويسة وسعيدة زي باقي البنات. اول حاجة لازم تعرفي ان نفسك اغلى من اي حاجة في الدنيا ومفيش حد عمل حاجات زي كده وعاش حياة سعيدة. لازم تبطلي السلوكيات الغلط دي وتبتدي حياة جديدة. بداية كويسة انك تتكلمي مع اهلك عن مشاكلك... بلاش تندمي على اللي فات لكن تعلمي منه. ربنا بيحبك وعايزك تعيشي حياة كويسة... انتي قيمتك اكبر كتير من اي مشكلة انتي فيها وعادي جدا لو كنتي غلطانة. المهم تعرفي تصلحيها وتتقدمي قدام. كل اللي هيفرح قلبك ويسعدك اعمليه. حاولي تنسي اللي وراكي وتبتدي ورقة جديدة. ربنا معاكي يا قمرتي وهتعدي كل ده. بس لازم تعرفي انك قيمتك اكبر بكتير من اي شيء.
تم النشر الأحد، ٩ يوليو ٢٠٢٣
يا بنتى انا فهماك ان انتى عايشة مرحلة صعبة جداً فى حياتك بس لازم تعرفي ان الحياة فيها احلى من كدا و انتى لسة صغيرة و قدامك الكتيير. يا ريت متفكريش فى الانتحار ابداً ده مش حل لمشاكلك.. لازم تتكلمي مع اى حد فى البيت او اى حد قريب منك و تطلبي منهم يساعدوكى نفسياً. انتى تستحقى تعيشى حياة سعيدة و ياريت تتذكرى ان الناس هتحبك لما تحبي نفسك أولاً. ربنا مش هيقبل منك تعملي اي حاجة لنفسك، ربنا بيحبك و عايزك تعيشي حياتك. ربنا يشفيكي و يقويكي يارب و يساعدك تعدي كل المشاكل دي
تم النشر الأحد، ٩ يوليو ٢٠٢٣
أنت قدامك فرصة عظيمة للتوبة الشاملة وإصلاح كل شيء طالما أنت على قيد الحياة .. لكن بالانتحار ستكوني قضيت على آخر فرصة لك في الخلاص وستجدين أنك ألقيت بنفسك لهاوية لا قرار لها
تم النشر الأحد، ٩ يوليو ٢٠٢٣
ارجعي ربنا هو غفور رحيم علي عباده
تم النشر الاثنين، ١٠ يوليو ٢٠٢٣
في الحديث الشريف (عجب الله من قنوط عباده وقرب غِيَرِه) أي يعجب الله من قنوط الإنسان وهو يعلم ما سيحدث له في المستقبل القريب من تغير أحواله وذهاب البلاء
تم النشر الأحد، ٩ يوليو ٢٠٢٣
وبعدين ازاي تقولي أنك لوحدك ومجتمع فدني كله معاكي - حتى ذكية معاكي وبتدعمك؟
تم النشر الأحد، ٩ يوليو ٢٠٢٣
لا كلنا بنغلط وربنا كبير ارجعي حبي نفسك وكانك اتولدتي من جدبد وانسى الماضي اللي فات مات، وانتي طالما حاسه بالذنب فدي توبه وربنا بيحب العبد اللي بيتوب فقولي يارب سامحنى واقف جنبي وانا حبدأ صفحة جديدة وكأني حتولد من جديد وعيطي واشكي لربنا وابدئي مع كل الناس كانك لسه حتتعرفي عليهم وعامليهم باحسان وقولي يارب قويني وصدقيني بالتدريج حتتغيري واهلك حيشوفو ده وحياتك إن شاء الله تبقى احلى واجمل وانا شفت جواكي حاجه جميلة وانتي انسانه جميلة وحياتك غالية وحاجه عظيمة ربنا ادهالك ازاى تفرطي بسهولة كده فيها
تم النشر الأحد، ٩ يوليو ٢٠٢٣
يا بنتى اوعى تعملى كدا نفسك اغلى من كل ده. انا فهمان انك مريتى بتجارب صعبة اوى بس لازم تعرفى ان الحياة فيها كتير حلو لسه قدامك. ده مش حل لمشاكلك، لازم تتكلمى مع حد فى البيت او اى صديق يقف معاكى ويساعدك. ربنا بيحبك اوى يابنتى متنسيش كده وعايز يفرح قلبك. اطلبى منه المساعدة و الهداية و هو ح يقف معاكى لو عايزه حد يسمعك انا تحت امرك.. بس اوعى تعملى حاجة لنفسك. ربنا يشفيكى ويقويكى يارب وتتخطى الصعوبات دي كلها. تعملى ايه انتى اغلى من كل ده بجد
تم النشر الأحد، ٩ يوليو ٢٠٢٣
ويا ترى عارفة ايه اللي هيحصل وهتروحي فين لو عملت كدة؟
تم النشر الأحد، ٩ يوليو ٢٠٢٣
لعرض السؤال في فدني اضغط هنا