مش عارفه ليه دايما كل ما يبقى عندي صديقه و ابقى عاوزه اقرب منها بتبعد عني بعد كده رغم اني معملتش اي حاجه ليهم بس كل ما اقرب من واحده بتبعد عني هل ممكن السبب فيا؟ بس اي السبب ده الي بيخليهم يبعدوا؟ و كمان مش معقوله السبب فيهم لأن مش طبيعي كلهم يبعدوا كده إلا لو كان السبب مني أنا.....السؤال ده محيرني و دايما بفكر فيه يا ترى ليه بيبعدوا.....هم مش مجموعه و يعدوا مرة واحده مع بعض لا على فترات كبيرة يعني في الحضانه و ابتدائي كان عندي صديقه مقربه و كنا قريبين من بعض بس بعد كده بعدنا رغم أننا كنا في نفس المدرسة في اعدادي و كمان في ثانوي و بعد كده واحده تاني كانت قريبة مني في اعدادي و برضو بعدت لما بقينا في ثانوي و كتير غيرهم لحد الآن كلهم بيبعدوا و بجد نفسي اعرف السبب علشان احل الموضوع لو المشكله فيا
انتي مش عرفه الفرق بين الزماله والصداقه وهنا تكمن المشكله. الصديق هو الي بيتعامل معاك بعفويه وصدق وحب علي الحلوه والوحش وبيدعمك ويكون سند وملجاء ساعه الشده أو الحاجه حب لله في لله من غير مصلحه متبداله بيتعامل معاك برابط للاخوه اخ لم تلده امك. أما الزميل بقي ازاكان زميل دراسه او زميل عمال ارتباطه بيكي في حيز ودائره صغيره الي هي المدرسه والدراسه والدروس وبحكم أن كل يوم قصاد بعض في المدرسه أكثر من البيت بتتعملو مع بعض في الدراسه تلعبو تدردشو تروحو وتيجو مع بعض من المدرسه او الدروس يعني علاقه روتنيه يوميه مفروضه عليكو بحكم أن المدرسه تجمعكو. انتي تعاملتي معهم أو شفتي أنهم أصحاب لاكن مفهوم الاصحاب رباط قوي بيكون متبادل من الطرفين بشكل قوي يعني الصداقه كانت من طرف واحد بالنسبه ليكي والطرف دا هو انتي. وزميالك دول كانو بيتعملو عادي معاكي علي انك زمليه زي الكثير من الزميلات يعني تعامل روتيني بحكم اليوم الدراسي علي مدار سنين فهمتي مفيش مشكله من الأساس دا عادي جدااا لأن كلنا حصل معنا كده بس في حلات قليله ممكن زميل يبقي صديق بجد العمر كله انتي محتاجه حد شبهك بيدور علي صديق بجد خليكي زي منتي عملي زملائك علي أنهم اصحابك وبكره تلاقي صديقه بجد
تم النشر الخميس، ٤ مايو ٢٠٢٣
كل المراحل التي ذكرتيها من النادر لأي شخص في العالم أن يتبق منها أصدقاء، أصدقائي حاليًا وأنا بنت ال30 من العمر هم مجموعة تعرفت عليها منذ أربع سنوات، عندما ذهبت للسكن في مكان جديد تمامًا، لا أصدقاء لي بتاتًا من الابتدائية، أو الإعدادية، الثانوية، ولا حتى الجامعة. النقطة الثانية الذي يجب أن تنتبهي لها أن الأصدقاء كلمة عظيمة جدًا لا يجوز اطلاقها على علاقة شهور، أو أيام، أن تقولي هذا الشخص صديقي يعني أنه مر معكِ بالكثير الكثير من الأحداث السيئة قبل الجيدة. يعني تملكان سلسلة من الذكريات والمواقف التي ما أن تذكرانها تضحكان عليها. أخيرًا ما زلتِ صغيرة، وعقلك ما زال يتشكل، تحتاجين إلى شغل وقت فراغك بما هو مفيد لكِ ويثقل روحك وعقلك بالأفكار الجديدة، ويزيد من وعيك وتطور شخصيتك، وصدقيني بعد هذا ستجدين نفسك رويدًا رويدًا تتخيرين من تظنينه صديقًا جيدًا وليس هذا وفقط بل سيكون لديكِ من الخبرة الكافية التي تجعلك تحكمين إن كان مناسبًا أن تكونا صديقتين أم أنك الاختلاف بينكم جذري ولا يمكن هذا رزقك الله الصحبة الصالحة الداعمة المحبة
تم النشر الاثنين، ٨ مايو ٢٠٢٣
المراحل دى كلها مش شرط الصداقة تكمل لسنين كتيرة لانها بتكون صداقة مرتبطة بالظروف والمكان اللى بيجمعنا اكتر من انها تكون صداقة بمعناها العميق. زائد ان الشخصيات بتتغير كل ما السن بيكبر والعقليات والنفسيات بتتطور لشكل مختلف.... فاحنا ممكن نبقي مبسوطين ومتشابهين واحنا فى ابتدائى ...لكن فى اعدادى نختلف شوية فالمسافة بينا تختلف. عارفه انها حاجة مزعلاكى ...بس انك يبعد عنك ناس مش شبهك ...احسن ما تبقي وسط ناس تحسي فيهم انك غريبة . شخصيتك انتى كمان هتتطور وهتبقي انتى اللى بتقررى تقربي من مين فعلا ومين لا
تم النشر الأحد، ٧ مايو ٢٠٢٣
يمكن شايفينك مختلفه عنهم أو طريقتكم مش شبه بعض
تم النشر الخميس، ٤ مايو ٢٠٢٣
هل لازم يكون فيه سبب للبعد ؟ يعني مثلا هل لازم اللي تعرفيهم ديما يكونوا معاكي ديما ...؟ مع ان ده مش لازم يحصل .. يعني فيه ناس كتيرة جدا ممكن يكونوا في حياتك على فترات من اول مثلا الحضانة وهتلاقي ناس بعدت ممكن بعد 4 او 5 او 6 سنيين او سنة ... وممكن ناس متبعدش خالص ... بس هل شرط انه يكون فيه حد غلطان فيكم لأ .. خالص مش لازم حد فيكم يكون غلطان .. فيه ناس بتبقى فترات في حياتك ... واحنا كلنا فترات حتى لو لم نختار ذلك ... يعني محدش دايم انه يكون في حياة التاني بشكل أبدي .. وقصدي هنا (القدر الالهي) ... وجود حد في حياتك لفترة معينة ده اكيد له سبب وحكمة معينة من وجوده .. بس هل البعد شرط انه يكون فيه حاجه غلط؟ لا طبعا
تم النشر الخميس، ٤ مايو ٢٠٢٣
بصي يا حببتي ممكن انتي بتتعاملي بطريقه غلط مثلا بتتدخلي في تفاصيل المفروض متساليش فيها في أول التعارف بينكم أو مثلا ممكن تكوني بتعبري مثلا بكلام مش لطيف فاللي قدامك بيتقفل من التعامل او ممكن تكوني بتدلقي في التعامل وبنحكي كل حاجه ومنتظره من اللي معاكي يعمل زيك فلما مايكنش دة رد فعله تاخديها أنه بيبعد مع أن الطبيعي الواحد بيدخل العلاقه بالتدريج مش مرة واحدة عشان مايتصدمش حاولي تقعدي مع نفسك وتشوفي ايه العيب اللي ممكن يكون بينفر الناس من حوليكي ومش معني كدة انك انتي السبب ممكن جدا يكون مش نصيبك انك يكون ليكي صديقه مقربه لأن دي رزق بردو زي اي حاجه انتي ماتفكرنيش وتركزي علي الموضوع دة عشان مايكبرش جواكي
تم النشر الخميس، ٤ مايو ٢٠٢٣
لعرض السؤال في فدني اضغط هنا