ازاي افتح مواضيع مع ناس معرفهاش او مع ناس مش بتحبني مع ان انا ما عملتش فيهم حاجه وحشه
او بمعنى آخر ازاي اخلي اي حد يحبني انا ايوا عندي كتير بس في اشخاص معينه مش بيحبوني ف انا عايزه نتكلم انا وهما وكدا لان بطبيعتي مش بحب اكره حد
فى البداية كده.من الواضح انك شخصية اجتماعيه جدا ودى حاجه جميله فيكى . انك تكونى صداقات جديدة وتتعاملى وتتناقشى فى موضوعات مختلفة ده هيفتح معاكى مسارات كتير فى حياتك وهيفرق معاكى اجتماعيا جدا. اسلوبك وطريقتك هى اللى هتجذب الناس ليكى خصوصا الناس اللى هتبقى متوافقه معاكى سواء طريقه أو معامله أو فكر. فكونى دايما واثقه في نفسك،. اسلوبك يكون هادى ،متندفعيش فى الردود، حاولى انك تقرأى وتكونى ملمه بالموضوعات اللى بتدور حواليكى علشان تقدرى تتكلمى بثقه فى اى موقف الموضوع ده هيفرق معاكى جدا. لو فى حد مش بيتعامل معاكى أو مش بيحبك زى ما ذكرتى متتقربيش منه لانه ممكن يعاملك بطريقه مش حباها ووقتها هتزعلى والموقف هيأثر فيكى خلى اللى حواليكى يشوفوكى ويشوفوا اسلوبك ومعاملتك واللى حابب يقرب منك وهيكون متفاهم معاكى هيتعامل واللى مش هيكون متوافق معاكى مش هيتعامل .دايما اهتمى باللى متوافقه معاه وشايفه أنه هيضيف حاجه فى حياتك.
تم النشر السبت، ٣ أغسطس ٢٠٢٤
بصي فاول فرصة تقابلي حد منهم اتكلمي بلطافة و بعديها جري كلام و اسألي لو ضايقتيها فحاجة و قولي انك مش حابة يبقى في مشاكل أو مشاعر وحشة و حابة صداقتكم تفضل حلوة و افهمي منها و حاولي توضحي موقفك و بعدها اتكلمي معاها حبة اعزميها ع ايس كريم الحاجات اللطيفة دي الي بتلين القلب و ادعي ربنا يقرب منك الناس الكويسة و يبعد الناس الوحشة
تم النشر السبت، ٣ أغسطس ٢٠٢٤
عدم الحب لا يساوي الكره. فالآن طبيعتك تختلف عنهم، هذا شيء عادي جدًا، لا يجب أن يكون للإنسان علاقات ودية مع الجميع، الاحترام فقط يكفي. بالنسبة لك، اهتمي بشخصيتك، طوري مهاراتك، تعلمي عن الكاريزما والمهارات الناعمة، اجعلي لنفسك وقت للقراءة وشاركي ما تعلمتيه، يمكنك مشاركتنا هنا لمناقشة ما توصلتِ إليه.
تم النشر الخميس، ١ أغسطس ٢٠٢٤
فاهمة عليك، هو الموضوع مش سهل بس في شوية خطوات تقدر تساعدك. أول حاجة، حاولي تكوني لطيفة وتبتسمي في وجههم، الابتسامة لها تأثير سحري. ثاني حاجة، جربي تفتحي مواضيع عامة زي الهوايات أو الأفلام أو الموسيقى. ممكن تقولي "سمعت أغنية جديدة؟" أو "بتحبوا تاكلوا منين؟"، بحيث تبني حوار خفيف. ثالث حاجة، حاولي تبدي اهتمام حقيقي بيهم، يعني اسأليهم عن نفسهم وركزّي على ما يقولونه. ولما نلاقي في نقاط مشتركة بينكم، هتلاقي الأمور بتبقى أسهل. أخيرًا، الصبر مهم، يعني لو لقوا فيك شخصيتك الحلوة واهتمامك، حيبداوا يشوفوك بطريقة مختلفة. واذا حسيتي انهم مش قابلين، ما تخليش الموضوع يؤثر على مزاجك، في ناس كتير بيحبونك لكن محتاجين وقت وشوية مجهود. خليكي على طبيعتك وحافظي على روحك، والإيجابية هتنجح مع الوقت!
تم النشر الخميس، ١ أغسطس ٢٠٢٤
ما تجعل همك حب الناس اجعل همك حب رب الناس
تم النشر الجمعة، ٢ أغسطس ٢٠٢٤
لعرض السؤال في فدني اضغط هنا