ازاي اتجاهل كل حاجه بتجرح مشاعري ازاي اتعافي؟ 💔💔
لما حد يقولك كلمة مثلا انتي عارفه انك هتضايقي منها، اللي ممكن بيحصل معاكي انك اكيد تقعد دماغك تودي وتجيب طيب هو ليه قالي كده؟ طيب هو انا فيا ايه؟ طيب هو انا عملت ايه علشان يقولي كده؟ الغلط اللي انتي ممكن بتعمليه انك بتستنتجي حاجات كتير من اللي حصلت في الموقف ده وبتقومي تعكسي ده كله عليكي وده ياخدنا لنقطة ( انك مش عارفه قيمة نفسك الحقيقية) مش اللي المفروض الناس هي اللي تعرفهالك! فالحل هنا انك تبطلي تشغلي نفسك بكلام الناس او بمعني اصح تبطلي انك توجدي قيمة في كلام الناس، لان مهما اي حد يقول اي حاجة، انتي لو واثقة في نفسك، وعارفه قيمتك، اللي يقول حاجة يقولها .... مش مهم كلامهم على اد ما انتي عارفه نفسك كويس، وعارفه قيمتك. لازم كمان تعملي حدود ما بينك وما بين اي حد (الناس) انتي لو مش عاجبك حاجة معينة بيعملها الشخص (س) مثلا والحاجة ديه بتضايقك ف هنا انتي لازم تتكلمي وتعبري عن اللي جواكي .. والله يا (س) انت الجملة او الكلمة اللي قولتلها ديه مش عجباني ومضيقاني ومن فضلك بلاش تستخدمها في تعاملك معايا وبس نقطة والكلام انتهي. انتي هنا لازم تعبري عن رأيك وتعملي حدود بينك وبين اي حد علشان ده اللي لازم يحصل، هتقولي مش بحب ازعل حد، بخاف الناس تفهمني غلط، اخاف الناس تبعد عني ويقولي عليا شخصية مقفلة؟ وليكن، اه ... يعني حضرتك تضايقي وتزعلي ولا هما اللي يزعلوا؟ انا منتظرة ردك الموضع مش هيمشي زي ما انتي متخيلة .. اي حد في اي علاقة لازم يكون واضع الحدود بتاعته، والحدود ديه اساسا بتختلف ما بين اي حد والتاني، يعني الحدود بتاعتي غير الحدود بتاعتك، غير حدود س غير ص وهكذا ... وبعدين انتي بتعملي حاجه صح .. يعني لما تقولي مثلا اني مش بصاحب رجالة مثال اهو .. فيه ناس ممكن تقول عليكي فعلا وده الصح وده الدين، وفيه ناس ممكن يقولوا عليكي مقفلة، وفيه ناس ممكن تتريق ..وهكذا شوفي كام حد ممكن يقول عليكي ايه من مجرد حد من الحدود اللي انتي وضعتيها؟ ف هل انتي هنا هتبقى مقتنعة بقيمك ودينك، ولا هتشوفي الناس هنا بتقول ايه ولا عايزة ايه وتعمليه؟ طبعا لازم تكوني مقتنعة بحدودك اللي انتي عملاها. محتاجة كمان انك تعملي خطوات معينة اول ما تطرأ عليكي فكرة تقلب مزاجك بسبب الحساسية أي فكرة ممكن تلعبي معاها بفكرة مضاد لها، يعني الشخص ده قال كلمة تزعلني، طيب المفروض اعمل ايه؟ ارجع بالفكرة ديه واشوف لها فكرة مضادة لها، لأ انا اللي المفروض اشوف قيمتي بنفسي مش شخص هو اللي هيحدد ده، انا لازم ارد عليه واعمل حدود، مقلبش الموضوع واهزر واضحك وكأن مفيش حاجة وانا ابقى بنهار عادي، لا .. احنا اتفقنا على الحدود. اتمنى اني اكون افادتك بشئ ما، واتمنى ليكي السلامة
تم النشر السبت، ١٥ يوليو ٢٠٢٣
اشغلي وقتك بالصلاة والقرآن وكل حاجة تقربك من ربنا واشغلي وقتك ب بودكاست مفيدة رياضة اي حاجة لما بتشغلي نفسك المخ تلقائي بينشغل باللي بتعمليه و واحدة واحدة بينسى
تم النشر السبت، ١٥ يوليو ٢٠٢٣
كبري دماغك
تم النشر السبت، ١٥ يوليو ٢٠٢٣
بالتبديل
تم النشر السبت، ١٥ يوليو ٢٠٢٣
اشغلي نفسك طول اليوم ومديش فرصه لنفسك انها تفكر ف اي حاجه مش هتفتكري ساعتها ان فيه حاجه مديقاكي اصلا
تم النشر السبت، ١٥ يوليو ٢٠٢٣
استعيني بالله وثقفي نفسك في اي حاجه عاوزة تتعلميها
تم النشر السبت، ١٥ يوليو ٢٠٢٣
لعرض السؤال في فدني اضغط هنا