مساءالخير
انا بنت وعندي موضوع عايزه رأيكوا في اخويا بيحب واحده زميلتنا في الشغل وهي الله اكبر عليها مفيهاش عيب من الناحيه الاخلاقيه انما خلقتك شريفه يارب وبصراحه مفيهاش حاجه تجذب اي شاب ليها ويتقدملها ده غير انها هتسيب دراستها وغير برضو انها اهلها ناس مش كويسه كلهم مفيش حد فيهم كويس يعني فرصها في الجواز قليله اوي اوي فانا خايفه عليها جدا ونفسي اخويا يتجوزها بحيث انها تكون قدامي واكون مطمنه عليها وتكون مع حد حب قلبها بجد وهيقدر يصونها المشكله فين بقا انها عيلتها فيها ناس كتير عندها مشاكل ذهنيه ووارد جدا يجيبوا عيال كده وده السبب اللي مخلي مامتي مش عايزه توافق فانا اعمل اي عشان اعرف هيجبوا عيال كده ولا لا الموضوع ده وراثه ولا لا كده يعني كمان انا عايزه الجوازه تتم ب اي تمن
ل اخوكي فعلا عايز البنت .. فيه تحاليل بتتعمل قبل الزواج علشان تعرفوا الموضوع اذا فيه اطفال هتيجي فيها عيب ولا لأ! ف ده حل كويس وممكن تقولي عليه لمامتك وتشوفوا ... كمان وارد جدا ان يحصل ده مع اي حد مش شرط البنت ديه.
تم النشر السبت، ١١ فبراير ٢٠٢٣
اشكرك
تم النشر الأحد، ١٢ فبراير ٢٠٢٣
مساء النور 🌻 *واضح من وصفك إن أخلاقها و روحها ميتفرطش فيهم أبدا وده ال بيدوم *هختلف بس معاكي فإن مفيهاش حاجه تجذب وهتسيب دراستها لإن ده نسبي جدا وجايز يكون مرضي لحد تآني وجيد كمان بنسباله.. *نفسك اخوكي يتجوزها يبقي كثفي دعائك ربنا يعجل ليهم بالخير لأن مهما نريد فالاخر دي أراده ربنا لو خير لبعض ربنا يعجلهم بالخير ده *أهلها دي بسيطه لأن بطبيعه الحياه الزوجه بتنشغل ببيتها وجوزها وأولادها وخلاص الأولويات لبيتها فممكن زيارات أسبوعيه وتنصحيها بشكل لطيف إنها مش تحكي حاجه لأهلها ده الصح كده كده وخلينا متفقين إنهم أهلها، مهما فيهم من عيوب متحاوليش تتكلمي معاها بلهجه تشعرها بالحرج حتي لو عندكك حق.. *واخر نقطه بردو بسيطه اخوكي والبنت هيعملو تحاليل عشان يطمنوا شويه إنه إن شاء الله ذريتهم تكون صالحه وتطمنوا كلكم مامتك لأن ده حقها.
تم النشر الأحد، ١٢ فبراير ٢٠٢٣
شكرا جدا لحضرتك ان شاءلله خير🤍
تم النشر الأحد، ١٢ فبراير ٢٠٢٣
هو موضوع احتمالات العيوب الخلقية مثلا دى بيتعمل تحاليل جينية طبعا بس مش شرط يقدروا يحددوا بشكل كبير ....وممكن يكون حد عنده احتمال قليل ويحصل مع اول طفل.. لو اخوكى فعلا بيحبها وهيصونها ...لازم يفصلها عن التعامل مع اهلها . ..يعنى تصل رحمها وتسأل عليهم بس بدون تداخل فى التعامل . وماماك زى اى ام عاوزة تطمن على ابنها بس ...كلميها شوية على جمال اخلاق البنت وقد ايه ده مهم اكتر من حاجات تانيه خصوصا فى الزمن الحالى اللى موجود فيه امثلة سيئة كتير. وربنا يباركلك عشان انتى صاحبة جدعه 💜
تم النشر الأحد، ١٢ فبراير ٢٠٢٣
فيهم البلطجي وفيهم المتسول وفيهم اللي طردها من بيته
تم النشر السبت، ١١ فبراير ٢٠٢٣
ممكن توضحي ازاي أهلها ناس مش كويسة؟
تم النشر السبت، ١١ فبراير ٢٠٢٣
لعرض السؤال في فدني اضغط هنا