انا عندي ٢٦ سنة بس حاسس اني تعبان من جوايا ومكتئب طول الوقت . والموضوع اعتقد بدأ من ساعت طلاق والدي ووالدتي ومشاكل + صحبي القريب مني مات من سنتين وانا حاسس اني لوحدي .حتي والدي ووالدتي كانو بعيدين اوي عني معشتش طفولة طبيعية كان كله زعيق وساعات ضرب. برغم ان حالتنا المادية كويسة بس والدي الي فهمته كان بيشرب خمور وكان بيضيع فلوسه علي حاجات ملهاش لازمة .من ساعتها ومن الي انا شوفته حاسس اني مصدوم وعندي traumas .رحت لثيرابيست كتبلي علي antidepressant بس مجابش نتيجة. ودلوقتي انا حاسس اني وحيد خصوصا بعد موت صحبي القريب. بشتغل بس حاسس اني مش مرتاح وباكل مش مرتاح وبحلم احلام مش مريحة . مش عارف اعمل اي عشان اعيش حياة طبيعية.
كونك تتعب وتكتئب بعد كل المشاكل دي طبيعي وهيعدي حتي لو طول.. لازم تكون قوي داخليا وتترمم نفسك.. ومفيش غير القران هو ال يساعدك في انك تعرف نفسك وتساعدها قرب من ربنا وابني نفسك من جديد واملي وقتك نمي مهارة العب رياضه روح الجيم بس اوعي تستسلم وتيأس صدقني ربنا عارف انك قد ال بيحصلك وانك تقدر تتحمل المساله مساله وقت وممكن تستعين بدوا للاكتئاب عن طريق دكتور ومفضلش دا صارحه عشان يكون عندك خبرة في معرفه نفسك ربنا معاك
تم النشر الخميس، ٢١ ديسمبر ٢٠٢٣
انت عندك ٢٦ سنه يعني تقدر تعقد مع نفسك وتحل مشاكلك كلها لواحدك علي رغم إن فراق صعب واكيد بياثر فينا بس لازم تقعد مع نفسك وتتكلم معاها وتعرفها إن اعز اصدقائك راح خالقه بالنسبة ماضي العائلة والفراق إلا حصل انت موش ليك يد فيه ومع الوقت هتنسي واكيد دا ينفعك في تعامل مع اولادك بعد كده أخرج غير روتين يومك روح چيم كون اصدقاء هناك الماضي هو عدي فبلاش تخليه يسرق منك الحاضر ويضيع منك المستقبل ، كلنا عندنا مشاكل ولكن مكملين ولكن تذاكر دائما إن الايام موش ذي بعضها. خالص العزاء والمواساة علي صديقك للهم اجعل قبره روضه من رياض الجنه هو وجميع المسلمين 🤲
تم النشر الخميس، ٢١ ديسمبر ٢٠٢٣
عارف التعب والمشقه والحاجات المختلفة بينك وبين الاخرين فى طفولتهم ....هى دى اساس كلمة حياة طبيعية الطبيعى هو اللى خلقة وقدره ربنا زى ما هو انك تفضل شايف ان اللى مريت بيه مش طبيعى فدى فكرة لوحدها كفيلة انها تحزنك لوقت طويل انت متعلق بافكار الماضى الحزينة فقط رغم انه من الاكيد اان هناك االكثير من الذكريات المرحه اعتقادك بداخلك ان الحياة كانت من الممكن ان تكون افضل اذا كان الماضى - الذى مر- افضل من ذلك ....هو سجن يمنعك من معايشة الحاضر بكل ما فيه ومن استقبال الجديد من القادم . انظر للماضى انه خلفك ودعه وارحل ولا تحمله بيدك وتخلى عن كل هذا الثقل يكفيك ان تعزز ذكريات الماضى التى تدفعك للابتسام ولا تركز عدستك على الحزين منها فى كل الاحوال نظرتك للخلف لن تغير من الحاضر او المستقبل ولكن ستمنعك انت فقط من استقبال كل ما يحدث حولك من امور جيدة
تم النشر الخميس، ٢١ ديسمبر ٢٠٢٣
بص يا صديقي اولا عايز افيدك ف الي بتمر بيه بس للاسف معنديش القدرة ع دا، في هنا مختصين هيقدرو يفيدوك، بس عندي تعليقين صغيرين التاني هو المهم. اولا/ انا معاك ف نفس المشكله بتاعة وفاه صديق مقرب، كان عندي واحد صاحبي كنا مستيين الوقت الي هنعيش فيه ف المستقبل ونشارك بعض نجاحنا وحاليا كل ما بنجح ف حاجه بفتقده، دي اللحظه الي كنت مستني احكيله فيها التفاصيل واقوله التفاصيل، كان بيحب القضايا وحلها وازاي اكتشفنا ثغره واستغليناها، الله يرحمه كان ف اخر سنة اسنان اتوفي ف حادثه فظيعه من سنه ونص، ف الايام بتعدي بسرعه وطبعا مش هنقدر ننسي الفقيد بس الحياه والشغل بيلهيك شويه وهنموت كلنا قريب 😂 ونتجمع تاني هناك نبقي نحكي براحتنا بقي معاهم. تاني نقطه، وهي موضوع شرب والدك، الشرب حرام شرعا وله عقوبه ف الاسلام وهي الجلد ٨٠ جلده، بس هو حر، فاهمني؟ انت متعرفش ظروف والدك كانت ايه ولا نفسته ولا حياته كانت عامله ازاي عشان تحكم عليه، هو حر يشرب ميشربش محدش له انه يحكم عليه ولا يحاسبه غير ربنا، حرفيا ظروفنا النفسيه دي ممكن تخلينا نشرب، وعمرك ما هتحكي لحد تعرفه ظروفك النفسيه ولا هتقوله مببرات عشان للاسف احنا رجاله بنكتم وبنتعايش مع الناس، ف اياك حد يشوه صوره والدك قدامك و لا انت تعتقد انه شخصيه سيئه عشان بيشرب، من منا بلا خطايا؟ ممكن يكون دا ذنبه الوحيد، واحنا ذنوبنا اكتر منه، احنا اصلا كمجتمع ليه بنركز مع الي بيشرب بنفس تركيزنا مع الي مبيصليش؟ عشان الي مبيصلوش كتير. والي بيشرب دا بيبقي ظاهر ومختلف فبنركز معاه. متحكمش ع والدك ولا تحكم ع ظروفه النفسيه لانك عمرك ما هتعرفها، الحاجه الوحيده الي والدك يسال عنها هي تقصيره ف اكلك وشربك ودراستك من يوم ولادتك ليوم بلوغك. لو عمل كدا يبقي راجل محترم عمل واجبه وشال مسؤوليته ع اكمل وجه. وان شاء الله ربنا يقدملك الي فيه الخير.
تم النشر الخميس، ٢١ ديسمبر ٢٠٢٣
نصيحه حاول تطلع من كل دا عشلن انا نفس المشكله ووصل بيا اني بتعالج نفسي
تم النشر الجمعة، ٢٢ ديسمبر ٢٠٢٣
حقيقي و الله ربنا يكون في عونك و يقويك و الله . اول حاجة الإنسان بيعملها لو عايز يعيش طبيعي و يتأقلم ينتظم ف الصلاة و يقرأ ورد يومي و الاذكار و دا هيفرق معاك جدا و عايزة اقولك إنك طبيعي تحس بكدا و إن شاء الله ربنا هيعوضك خير ، ظبط روتينك اعمل انشطة جديدة ظبط نومك اتعلم حاجة مختلفة كل دا هيفرق معاك جدا بجد و اتعرف علي ناس جديدة عارفة إن الاكتئاب مش معناه إنك بعيد عن ربنا دا مصنف كعلم مخصص ليه دواء بس هيفرق معاك جدا قربك من ربنا و إنك تتكلم معاه إن شاء الله تكون بخير و ربنا يرحم صاحبك هو اكيد محظوظ أن هو كان صاحبك ف يوم من الايام
تم النشر الخميس، ٢١ ديسمبر ٢٠٢٣
الدعاء والصلاه حل لأي مشكله حاولي تقربي من ربنا وباءذن الله ربنا يوفقك
تم النشر الخميس، ٢١ ديسمبر ٢٠٢٣
الحل الوحيد هو القرب من ربنا وقرأه القرآن والذكر
تم النشر الخميس، ٢١ ديسمبر ٢٠٢٣
الحل كله بيد الله ياأخ فهو الذي يقول:"وَمَن يَّتَّقِ اللهَ يَجْعَل لَّهُ مَخْرَجًا وَيَرْزُقُهُ مِنْ حَيْثُ لَا يَحْتَسِب()وَمَن يَتَوَكَّلْ عَلَى اللَّهِ فَهُوَ حَسْبُه()......لذا أحسن الظن بالله ياأخي ولاتجعل حياتك كلها مرهونة بشيء واحد فلا يوجد شخص معصوم من العوائق والمعضلات ولكن الشأن كل الشأن في قوة الصبر وتيقن بأن الله إذا أحب عبدا صب عليه البلاء فتمسك بحبل الله الذي لاينقطع أبدا ولاتنسى هذا الدعاء(اللهم يامقلب القلوب ثبت قلبي على دينك)
تم النشر الخميس، ٢١ ديسمبر ٢٠٢٣
صلي وقرب من ربنا وقول ديما الدعاء دا وهتلاحظ نتيجه ولله (ياحي يا قيوم برحمتك استغيث اصلح لي شأني كله ولا تكلني الي نفسي طرفه عين)
تم النشر الخميس، ٢١ ديسمبر ٢٠٢٣
لعرض السؤال في فدني اضغط هنا