السلام عليكم ورحمة الله
اما كنت في الابتدائية كنت في مستوي متوسط يعني لهوا شاكره قوي ولا فاشله يعني كان مستوايا ممتاز وانا مش ذي باقي الاولاد يعني مكنتش استنا لما حد يجي يقولي ذاكري انا كنت من حالي بذاكر واشوف اللي ورايا ايوه مكنتش بطلع من الأوائل بس كنت بنقص بالكتير ٥ او ٦ درجات ومكنتش مختلطه بالمعلمين ولا التلاميذ كنت يعني المعلم بتكلم معاه جوه الفصل لاكن بره اكإني معرفوش وكذلك التلاميذ كنت يعني بلعب معاهم في حصه الالعاب وكنتش بكلم حد بره المدرسه ولا اروح دروس مع حد كنت في حالي وعمري ما كلمت ولد دا حتي ولاد عمي كانوا في سني وفي نفس البيت لاكن ماكنتش بتكلم معاهم ولا اعرفهم ولا يعرفوني دا احنا كنا فاكرين اسامي بعض بالعافيه وحتي علاقتي بأعمامي انا عندي عمين واحد منهم مدرس وكنت بروح عندو درس بس كنت بتعامل معاه علي اساس ان هوا مدرس بس يعني مش عمي وماكنتش بكلمه غير في المناسبات اما عمي التاني فدا الوحيد اللي كنت مختلطه معاه وأما خلاني هما ٥ اتنين فيهم واحد مدرس برضوا كنت بعامل بعاملوا ذي اي مدرس اما الاربعه التانين مختلطه بيهم وما كنش عندي غير خاله واحده وهيا اللي مربياني فهيا امي الثانيه وأما عماتي علاقتي كانت كويسه معاهم لكن اولاد عمامي وعماتي وخلاني مكنتش بكلم غير البنات بس وكمان مش كلهم وانا مش معني كده ان ده توحد لا بالعكس انا اجتماعيه جدا وبكون علاقات بسرعه بس الحكايه ان دا كان كإحترام ليهم لان انا عمري ما اقدر ابص في عينهم دا مش خوف بس بنسبالي دا احترام وهما عارفين دا وانا كانت حياتي لحد هنا تمام والحمد لله كنت مرتاحه كدا واه انا نسيت اقول ان انا من النوع اللي هوا اللي في قلبه علي لسانه يعني كنت بأحكي لماما وبابا علي كل حاجه اذا كانت هيا وكنت لما بكذب بيعرفوا لاني فاشله في الكذب وتبدأ مآساتي من بعد ما خلصت الابتدائية وقبل المدارس حوالي بشهر انا عندي اختي اكبر مني بسنتين يعني كانت رايحه تالته اعدادي ومعاها بنت خالي كدها وعلطول كانوا بيقعدوا مع بعض مكنتش بقعد معاهم لحد ما في مره قاعدت معاهم وياريتني ما قعدت لقيت بنت خالي بتقول ان هيا بتحب واحد معاها في المدرسه وانا في الوقت دا ما كنتش اعرف يعني اي حب ومكنتش بأمن بالحب وكنت بقول انا عمري ما هحب انا اهم حاجه عندي مستقبلي وبعدها بنت خالي وريتهوني ما هوا كان بييجي عند عمي الدرس وعمي دا بيتهم في نفس الشارع وجمبهم علطول بيت جدي وانا ذي ما قولت خالتي دي كانت أمي التانيه فأنا علطول هناك فافي مره كنت رايحه وكانوا هما عليهم درس اللي هما مجموعه الاولاد وانا ومعديه لقيتهم بصولي كلهم وقعدوا يبصوا لبعض ويضحكو بس ما اعرفش ليه المهم الا واحد منهم قعد يبصلهم ويقولهم عيب وكدا يعني فأنا لما شوفته ما ركزتش معاه وطنشت ومره علي مره كان كل ما يشوفني يقعد يبصلي خلاني افكر يترا بيبصلي ليه وفي الوقت دا كنت ابتديت اكلم ولاد عمي اللي هما من سني ولما خدنا علي بعض كنا ابتدينا الدراسه فجيت مره كنت قاعده مع ابن عمي وهما كان عليهم درس فروحت وريتوا لابن عمي وسألته عليه تعرفو قالي اه وقالي علي اسمه واكتشفت ان هوا مع اختي في الفصل فكنت كل ما اروح عندها يفضل يبصلي بس انا مكنتش مركزه علي الموضوع اوي وخلاص فضينا الموضوع ده وانا كنت من النوع اللي مش بيحب الناس المسيحيه يعني ما كنتش بتكلم معاهم والمدرسة اللي انا كنت فيها مكنش فيها مسيحيين خالص حتي المدرسين فالمهم لما روحت اعدادي كان معانا ناس مسيحيه والدرج اللي انا كنت قاعده فيه كان في واحده مسيحيه فاتعرفت عليها وبقينا أصدقاء وكان في ولد معانا المهم دا كان بيفضل طول الوقت يبصلي وعلشان ما اطولش في الكلام المهم دا كان أول حب في حياتي وبعدها اكتشفت ان هوا مسيحي وعرفت ان هوا كمان بيحبني بس عمري ما كلمته ولا كلمني انا عرفت كل دا من ولاد عمي والمهم قعدت سنتين لحد ما قدرت انساه وفي مره كنا عند بنت خالي ساعتها انا كنت لسه جايبه تليفون انا واختي بس اختي بس اللي كانت عامله واتس واكتشفت ان بنت خالي بتكلم شاب علي التليفون وكمان ادت اختي رقم شاب علشان تكلمه وانا لما عرفت قولت لاختي ان لو ما مسحتش الرقم هقول لماما لكن كان بتقولي أن هيا مسحته وترجع تكلمه لحد ما ماما اكتشفت وحسيتها لما عرفت اتضايقت مني لاني مقولتلهاش مع اني قعدت ابرر كتير لكن فين وفين علي ما صدقتني الكلام دا فضل سنتين برضوا هما هما نفس السنتين والخلاصه من الموضوع ان انا حاسه ان السبب في ان علاقت اختي بماما تدهورت بسبب بنت خالي ماما مبقتش تثق في اختي ذي الاول وخصوصا هيا لما سألتني بنت خالك بتكلم شباب ولا لا انا قولتلها لا وانا عارفه اني غلطانه بس انا عايزه اقول لماما الحقيقة لاكن اختي تقولي انا راضيه وهيا ملهاش ذنب علي بنت خالي والمهم الولد اللي كان في اول الكلام انا اكتشفت اني بحبه وانا مكنش ليا في الحب والكلام ده لكن لما قربت من الناس ومن العيله حسيت ان البعد عنهم رحمه وان حياتي في الأول كانت احسن فهل انا معايا حق ولا لا انا عارفه ان في ممكن ما يفهمنيش بس انا مش عايزه اكتب تفاصيل اكتر من كدا علشان ميبقاش كتير وانا اسفه لاني طولت بس انا كنت عايزه اطلع اللي جوايا وكمان عايزه حل لاني تعبت من العيشه دي لنا حياتي في الأول كانت احسن واجمل
تم النشر الثلاثاء، ١١ يونيو ٢٠٢٤
وعليكم السلام ورحمة الله وبركاته 😊. الايام بتغيرنا وبتغير نظرتنا للحياة، واللي عشتيه بيأثر فيك وبيشكل شخصيتك. خلي بالك إننا كلنا بنتعلم من التجارب، ومهم نعرف نستفيد منها ونحولها لحاجة إيجابية في حياتنا. بالنسبة للكلام اللي قلتيه، فعلاً الحياة في الطفولة بتكون أبسط وأريح لأن الأطفال بيكون عقلهم في اللعب والدراسة وبس. أما لما الواحد يكبر، الدنيا بتبقى أعقد شويه، وبتدخل العلاقات والمشاعر في الصورة. أحياناً بنشوف إن البعد عن الناس أحسن لأن العلاقات مش سهلة دايماً، لكن في نفس الوقت العلاقات مهمة وبتدي لحياتنا معنى واهمية. لازم نحاول نلاقي توازن بين إننا نحترم نفسنا ونعرف حدودنا وفي نفس الوقت ندي فرصة للعلاقات الصحية والنوايا الطيبة. وأحسنتي إنك بتفكري في مصارحة مامتك، رغم إن حاسّة إن الموضوع ممكن يكون حساس. الصراحة هي الأساس لأي علاقة قوية وصحيحة، خصوصاً مع أهالينا. ممكن تقعدي مع مامتك في وقت هادي وتحكيلها كل اللي في قلبك بدون توتر، أكيد حتتفهم وحتحاول تساعدك. أما بخصوص علاقتك بأختك ومشاكلك مع بنت خالك، لازم تفتكري إننا ما نقدرش نغير تصرفات الآخرين لكن نقدر نغير ردود أفعالنا تجاههم. كوني دائماً سند ودعم لأختك، حاولي تبيني محبتك واهتمامك ليها، وبعد فترة الأمور ممكن تتحسن. وأخيراً والولد اللي اكتشفت إنك بتحبيه، حالياً ركزي على نفسك وعلى مستقبلك. الحب بييجي في وقته المناسب، بس دلوقتي الأهم هو إنك تعرفي إيه اللي فعلاً تبينه وتشتغلي عليه. لو تحبي نحكي أكتر أو في أي أسئلة تانية عندك، أنا هنا لمساعدتك بأي وقت ❤️.
تم النشر السبت، ٨ يونيو ٢٠٢٤
لعرض السؤال في فدني اضغط هنا