انا ماما وبابا منفصلين من زمان جدا حوالي تسع سنين واهلي كانوا شادين عليا اوي بما ان انا الكبيره وكنت لسه صغيره وكنت بعمل كل شغل البيت من وانا تمن سنين انا دلوقتي ١٧ سنه بس بعد ما امي اتطلقت ابويا اتجوز ومرات ابويا كانت بتعاملني وحش جدا جدا لدرجه اني دخلت في حاله نفسيه ومحدش اهتم برده دا غير ان بابا منعني اني اشوف امي وكنت ديما منهاره حاولت بكل الطرق اني اقول لبابا يوديني لماما بس موافقش وانا تعبت جامد جدا لدرجه اني كنت بنام علطول كنت بقوم يدوب اصلي بالعافيه وانام تاني بس اليومين دول بجد حسيت ان الي انا فيه دا ممكن يخلص لما اقرب من ربنا ومش عارفه ابدا ازاي او منين ممكن تساعدوني
اي خطوه نبدا بيها ، لازم نكون مع ربنا ، طوري نفسك واشتغلي علي نفسك واقري كتير وقران ، عشان تعرفي تواجهي العالم دا لما ربنا يكرمك وتتجوزي
تم النشر الجمعة، ٣ فبراير ٢٠٢٣
قربك من ربنا مهم جدا هبحفف عنك وهيصبرك وهيفتحلك كل طريق مقفول ويقرب بينك وبين مامتك خليكي عارفه ومتيقنه ان كل نفس داخل وطالع منك والصحه والعافيه الي انت فيها والرزق من عند ربنا ابسط حاجه لما يناديك تصلي عشان يشوفك ويسمعك تجري عليه تلبي النداء ..وافتكري كل حاجه غلط انت عملتيها وربنا سترك ستره عليكي ممكن ف اي وقت يتشال قربي منه وادعيله يفضل ساترك دنيا واخره ... وتخيلي معايا كده ان انت عايش حياتك وبعيده عن ربنا وموتي وانتي مش مصليه متخيله انتي هتعملي ايه وقتها خلاص اي فرصه انك تتوبي او ترجعي لربنا او تصلي ركعه واحده راح خلاص ..وادعي ربنا كتير يردك ليه ردا جميلا وطلعي صدقه بنيه فك كربك وصلاح حالك وردك لأمك واقرأي سوره البقره ربنا يستجيب منك ويراضي قلبك يارب وحاولي تقرأي كتب روايات تساعدك تطلعي من الجو المؤذي من حوليكي خلي ليكي عالمك الخاص الحلو وسط كل الاذى الي بتمري بيه
تم النشر الجمعة، ٣ فبراير ٢٠٢٣
الحمدلله على كل شىء . ده الحل طبعا علاقتك بربنا تساعدك ومهمه فى كل الاوقات ..فى السراء والضراء. يكفى انك تتقبلى كل اللى حصل وتصبرى على الابتلاء الصعب ده . ابدأى وجهى حياتك كلها لهدف جديد وهو انك تكونى انسانه صالحه و تكونى فخورة بنفسك وتخلى امك فخورة بيكى فى اى وقت هتقابليها فيه ان شاءالله. اعملى روتين كل يوم مع ربنا فى كل حاجة . كل يوم انوى نية جديدة فى يومك...مثلا النهاردة هكون من المسبحين ( طول تليوم قولى سبحان الله ) انا النهاردة هكون من المتصدقين ( تصدقى بكلمة حلوه ...بمبلغ بسيط ...بمساعدة غيرك ) وهكذا اتجاه حياتك تجاه ربنا فى كل تفاصيل يومك ان شاءالله هيساعدك تحسي بالقرب وبان علاقتك بربنا اتحسنت كتير وبان حياتك كلها بقت أحلى باذن الرحمن.
تم النشر الجمعة، ٣ فبراير ٢٠٢٣
لعرض السؤال في فدني اضغط هنا