انا عندي 21 ابويا عمره ماعاملني حلو ابدا ولا أنا ولا اخواتي ولا حتي ماما ودايما زعيق وخناق وضرب واهانه ولو هتسألوني مين اكتر واحد بكرهو ف حياتي هو ابويا عمري مطلبت منو اي طلب زي بقيت البنات يابابا هاتاي يابابا اعملي ودايما عايشين ف خوف بخاف اطلب حاجه منو يضربني ويزعقلي اكتر حاجه هتيجي ف دماغكو وحشة هو عملها معانا لدرجة أن كان بيضربنا ف الشارع وبيسب الدين وشتايم قد كده وكنت هبلغ عنو وكنت هفضحو ع الفيس لولا امي اللي بتعمل كل ده ومستحمله علشان خاطر عيالها البنات
تاني حاجه ف واحد بيحبني جدآ جدآ فوق منتو تتخيلوا لدرجة أن لو شافني بكح بس نفسيته بتتتعب وممكن تقولو محن وبتاع بس هو مش كده وناضج ومبهونش عليه ومتفهم وعاقل بس مش مرتاحه معاه خالص وف نفس الوقت مش عايزة اخسروا علشان انا عارفه مش هلاقي زيو تاني نفسي احب ربع الحب اللي بيحبهولي لدرجة خليتو يجي يتقدملي قلت لما نتخطب مثلاً هحبو واتقفلت منو اكتر وفشكلت وعدا سنة وهو لسه باقي عليا وعايز يرجعلي وانا مترددة وعايزة امشي من البيت اللي فيه ابويا ده وخائفة اخد قرار اندم عليه وناس تقولي بعد الجواز هتحبيه وناس تقولي سيبيه وانا ممكن علشان شكله مش اللي كنت رسماه ف خيالي مع اني عارفه أن مش بالشكل خالص بس انا بهتم بالشكل ومحدش يفهم غلط
ف ارجو تقديم رد يساعدني
انا رأى الشخصي بالنسبه لموضوع ابوكى اصبرى واتحملى واكيد إن شاء الله القادم يكون خير دوام الحال من المحال الموضوع محتاج انك تتقربى إلى ربك وتصبرى وبالنسبه لموضوع اللى كان خطيبك استخيرى ربك ومتقبليش حاجه تكونى مغصوبه عليها مش علشان تخلصى من ابوكى تدمرى مستقبلك مع شخص انتى متردده من داخلك من ناحيته الجواز حياه ومشاركه لازم تكونى مرتاحه معاه مليون فى المئه ولو متردده من ناحيته ابعدى وربنا الموفق
تم النشر الاثنين، ١١ سبتمبر ٢٠٢٣
شق لنفسك طريق افضل لك لانة انت الان انت مقيد بين اهلك بيصرفو عليك فلوس ولذلك شق لي نفساك طريق وبتشوف اية التغيرات تجاهك
تم النشر الأحد، ١٠ سبتمبر ٢٠٢٣
حاولي بقدر الامكان انك تتجنبي اذي والدك -يعني قللي اححتكاك بيه، ولو فيه شئ معين عارفه انه هيجيب مشاكل من الكلام معاه، يبقى بلاش تتكلمي معاه. تاني حاجه الشخص اللي بيحبك وكان خطيبك انتي مشكلتك معاه ايه بالظبط؟ ف شكله ولا ف انك مش بتحبيه؟ هقولك وجهة نظري .. اولا في موضوع الشكل .. انتي لازم تبقى راضيه عن شكله لانه هيبقى زوجك، ف لازم يكون مالي عينك بمعنى اصح. لو مش مالي عينك ف انهي الموضوع. اما لو ع الحب، ف مش لازم اساسا انه يكون فيه حب .. لان الحب مش اهم حاجه في الزواج .. ع الاقل يكون فيه وفاق او مشاعر طفيفه .. اما الحب ف مش لازم. وفيه كتير جدا من الزواج عن الحب وفشل، لانهم بيختاروا الشخص علشان بيحبوه مش علشان هو متوافق فعلا معاهم وفيه احترام وموده .. الى جانب طبعا الصفات اللي انتي عايزاها.
تم النشر الأحد، ١٠ سبتمبر ٢٠٢٣
انا من وجهة نظري أن انت لو حاسة انك مش بتحبي الشاب ده العادي عنه فترة من الزمن ولو حسيتي نفسك انك عايشه حياتك عادي ومش بتفكرني فيه كتير في الفترة دي خلاص ابعدي عنه ولكن لو انتي حسيتي بعد ما بعدتي عنه فترة انك مش قادرة الطلب تفكير فيه وحاسه أن انت مشتاقه ليه خلاص كملي علاقتك معاه بس تتاكدي من شعورك تجاهه كويس وانما بالنسبة لمشكلتك مع والدك فالحل أن انتي تصبري و تتقربي من ربنا اكتر وتدعي كتير أن ربنا ييسر لك امرك وان شاء الله ربنا هيحللك كل مشاكلك كما قال سبحانه وتعالى "إنما يوفي الصابرون أجرهم بغير حساب"
تم النشر الأحد، ١٠ سبتمبر ٢٠٢٣
قال رسول الله صلي الله عليه وسلم إذا اتاكم من ترضون دينه وخلقه فزوجوه، إلا تفعلو تكن فتنة في الأرض وفساد كبير
تم النشر الأحد، ١٠ سبتمبر ٢٠٢٣
بصي أطلعي من كل اللعبكه دي طالما أنتي مش عاوزه تبقي فيها متحطيش نفسك ومتجبريش نفسك على خيارات أنتي مش عاوزاها عشان تخلصي من حاجات أنتي مش عاوزاها أنتي كدا بتحاولي تفضي البحر بجردل فا متتجوزيش حد عشان يطلعك من اللي أنتي فيه أنتي كدا هتظلمي نفسك وتظلمي جوزك فا مستسعجليش ابداً على الزواج عشان متتعقديش منوا تزوجي من شخص أنتي حباه و والدك طبيعتوا يمكن كدا أستحمليه أو قللي التعامل معاه ومتعانديش معاه بالعكس لما تردي عليه بأحترام ممكن يتكسف منك أصلاً
تم النشر الاثنين، ١١ سبتمبر ٢٠٢٣
أنت لازم تتعلمي علم الدين عشان تكتشفي نفسك وتعرفيها وتحبيها وتعرفي تتعاملي مع نفسك في أوقات الشدة وغيرها
تم النشر الأحد، ١٠ سبتمبر ٢٠٢٣
لعرض السؤال في فدني اضغط هنا