انا عندى ١٧ سنه وعندى السكر بقالى ٦ سنين فى الاول كان بنتظبط وكله تمام لاكن حاليا بقاله فتره مش بتظبط خالص ودايما عالى وبتحصيلى مشاكل كتير بسببه لدرجه انى اضريت اعمل حاجات كتير غلط ودايما خناق مع أهلى فى البيت .....
وعايز احاول اطلع اكل بس مش عارفه اسيطر على نفسي..
وعلاقتى بربنا مش كويسه بصراحه
إنتِ بتطلعي غضبك في أهلك و في البعد عن ربنا ولازم تراجعي نفسك لازم الأول تحمدي ربنا على جميع نعمه وتتذكريها وإن السكر دا إبتلاء وعليه بتاخدي حسنات على كل ذره تعب بتمري بيها أولا :قربي من ربنا وإبدأي بالصلاة والدعاء وإدعي ربنا يقدرك على التعامل مع السكر و تنظيمه و يلهمك الصبر ثانيا : الإسلام نهى عن الإساءة للوالدين بأقل الحروف ، وأمر اننا نقولهم الكلام الطيب والحلو وتذكري قوله تعالى ﴿وَقَضَى رَبُّكَ أَلاَّ تَعْبُدُواْ إِلاَّ إِيَّاهُ وَبِالْوَالِدَيْنِ إِحْسَاناً﴾. و (إِمَّا يَبْلُغَنَّ عِندَكَ الْكِبَرَ أَحَدُهُمَا أَوْ كِلاَهُمَا فَلاَ تَقُل لَّهُمَا أُفٍّ وَلاَ تَنْهَرْهُمَا وَقُل لَّهُمَا قَوْلاً كَرِيماً﴾ وحديث الرسول -صلى الله عليه وسلم-: (رضا الرَّبِّ في رضا الوالِدَيْنِ، وسَخَطُه في سَخَطِهِما) وحديثه عن الكبائر (الكَبائِرُ: الإشْراكُ باللَّهِ، واليَمِينُ الغَمُوسُ، وعُقُوقُ الوالِدَيْنِ) ثالثا: تابعي مع طبيب تغذية و باطنة لتنظيم مستويات السكر في الجسم وتنظيم مواعيد وكميات الأكل المسموحه ليكِ و هتتعودي وهتنظمي السكر رابعا: إلعبي رياضة وإنزلي جيم مثلا منها هتظبط مستويات السكر في الجسم ومنها هتطلعي طاقتك السلبية فيها وهتحسن من مزاجك
تم النشر الثلاثاء، ٢ أبريل ٢٠٢٤
السلام عليكم ورحمة الله وبركاته عساكِ بخير ألف سلامه عليكِ، فيه مقولة بتقول إن الله إذا احبَ عبدًا ابتلاه دونًا عن علاقتك بربنا اوقات كتير الإبتلاء ده ربنا بيرسله للعبد من اجل اختبارات عِدة أول شئ بعد كلامي هذا انك تحاولي مِرارًا وتكرارًا انك تصلحي علاقتك ربنا سبحانه وتعالي هتفرق معاكِ جدا أمورك هتتيسر زي ما قولك يمكن ربنا عمل كدا من اجل انك تقربي منه وتطلبي من رحمته ومغفرته وإن الله غفورٌ رحيم مشاكلك مع اهلك في الغالب الأمراض المزمنه شفاكِ الله وعفاكِ بتجبرك على العصبيه في اغلب الأوقات وعدم ارتياح نفسي أوقات يخليكي عصبيه وده ممكن يكون مرتبط بالسكر اللي مش متزبط من فترة لما عضو بيتعب في الجسم الجسم كله يشتكي ممكن ده اللي مأثر عليكِ بالسلب ودي مقولة مُتعارف عليها عند الدكاترة هوّني على نفسك والسكر لازمله متابعه واهتمام ف الأكل والشرب تاخدي بالك ان مش كله ينفع وان فيه مقادير لازم تتظبط لا هى اللي كتيرة زي السكر والملح ولا هي اللي قليلة ولازم لازم تكوني على تواصل دائم مع الدكتور بتاعك هيساعدك كتير ويفرق معاكِ
تم النشر الاثنين، ١ أبريل ٢٠٢٤
القصه انى عارفه ايه الصح من الغلط وانتم فى الصح بس مش بكمل وارجع للغلط تانى كذالك علاقتى مع ربنا وده حرفيا دخلنى فى مشاكل وعادات كتير غلط
تم النشر الثلاثاء، ٢ أبريل ٢٠٢٤
حبيبتي الف سلامه عليك طبعا كلنا عارفين ان المؤمن دايما مصاب وان ربنا اذا احب عبد ابتلاه السكر ده غالبا بيجي من العصبيه حاولي بسطي الحياه لنفسك واعرفي ان الحياه دي اصلا مش مستاهله والعصبيه زياده عن اللزوم مش كويسه انتى محتاجه بس تدي نفسك وقت ان انتى تتحكمي في اعصابك وحاولي قربي لربنا خطوه خطوه وبلاش العياط بالليل بلاش تنامي وانتى زعلانه اي مشكله بتحصل لك حاولي اشكر ربنا لان الشكوى لغير الله مذله وادعي وان شاء الله ربنا يشفيكى ويعافيكى
تم النشر الاثنين، ١ أبريل ٢٠٢٤
لعرض السؤال في فدني اضغط هنا