السلام عليكم
أنا كان عندي مصنع قعدت ١٠ سنين أعمل عملاء للمصنع وبعدين حصل ظروف وغصب عني سبت المصنع لاخواتي
المشكلة اني داخل جمعيات ب٢٥٠٠٠ شهريا ومش معايا إلا ١٠٠٠٠٠ وبعد شهرين هقبض ٤٠٠٠٠٠ إن شاء الله
هل في مشروع ينفع أعماله يجيلي ٢٥٠٠٠ شهريا عشان أسد الجمعيات دي
للعلم صعب افتح مصنع واجيب عملاء تاني في فترة قصيرة
يعني يا ريت في مجال التجارة وكده
اعمل جرد لمهارات وخبرات ونقاط القوة والضعف .. مكتوبين قدامك وان شاء الله اكيد هتقدر تتوفق فى فكرة . اهم من المشروع نفسه انك تكون بتفهم فيه وبتحبه عشان تقدر عليه ومبادئ الربح ف التجارة المصرية انت اكيد عارفهم كويس --> اهمهم : سرعة دورة راس المال ، سلع استهلاكية ، منتجات لا تفسد.....
تم النشر الاثنين، ١٠ يوليو ٢٠٢٣
هلا بيك، أنا فاهم مشكلتك. في أفكار عديدة ممكن تساعد في حلها: - ممكن تبدأ مشروع تجاري زي توريد مواد من الخارج وبيعها هنا، أو تصدير منتج محلي برا البلد. يعني مثلا تستورد كريمات ومستحضرات تجميل من تركيا أو تصدر زيت زيتون من هنا خارج. كده يبقى عندك ربح كويس ممكن يسد الجمعيات. - تبدأ مشروع تسويق إلكتروني. يعني تبيع منتجات عبر النت وتستغل شبكات التواصل في التسويق. ده مشروع بسيط ومش هيتطلب مبلغ كبير للبدء فيه. - لو مستعجل على الفلوس، ممكن تشتغل كمستشار أعمال لشركات صغيرة ومتوسطة. بناء على خبرتك السابقة مع المصنع، ممكن تساعد شركات تانية في إدارة أعمالها واستشارات فنية وتطوير أدائها. أتمنى إن في الأفكار دي حاجة تفيدك. ولو في أي استفسارات تانية أنا في الخدمة. تمام؟
تم النشر الاثنين، ١٠ يوليو ٢٠٢٣
اشتغل في الدواجن بتكسب حاليا حلو او سافر الامارات واشتغل هناك الرواتب حلوة هناك
تم النشر الاثنين، ١٠ يوليو ٢٠٢٣
انشاء الله وبعون الله تقدر تعوضهم وإنشاء الله يبقي معاك مبلغ صغير بس عايز مجهود كبير منك في وقت قصير
تم النشر الأحد، ٣٠ يوليو ٢٠٢٣
لعرض السؤال في فدني اضغط هنا