السلام عليكم ورحمة الله وبركاته
انا ريم عندي 16 سنه اتربيت من غير اب رغم انو عايش لكن منفصل عن مامتي من 16 سنه وانا عايشه مع مامتي.
انا لما كان عندي 14 سنه مكنش فارق معايا انو يكون عندي اب كان عادي بالنسبة لي لكن دلوقتي حسيت نفسي اني معنديش سند و لا حد اتحمي فيه، حاسه نفسي اني وحيده انا عندي امي ربنا يخليهالي عملت الي عليها و زياده لكن انا مش عاوزه اتعبها بمشاكلي اكتر من كده و خصوصا بقا انو انا كنت تعبانه نفسيا اوي وكنت كل يوم بعيط كنت حاسه نفسي هموت من كتر الخنقه اللي كنت فيها.
كل الزعل ده كان بسبب عائلة ابويا كنت بفكر هما ازي عالم جاحده كده ازي يسبوني كده انا معرفش حد من عائلة ابويا خالص عارفهم باساميهم بس
اللي مزعلني اني اتربيت من غير اب من غير حنان اب ببقي نفسي في حاجه اجبها مش عارفه اطلب مين وبعدين هو مش بيكلمني غير فين و فين لو كلمني مره في السنه و هو كان بيجي يقعد معايا لكن انا مش حاسه اني عندي اب.
دايما قاعد ساكت مش بيتكلم معايا ساعات بحس انو بيكرهني و الي مزعلني اكتر انو اخواتي مش بحبوني لدرجه انهم بيفضلو يحطو استوريهات عن ابوهم بحس ساعتها اني مش مقهوره اوي و بزعل لاني اتربيت كل السنين دي من غير اب.
انا بس عايزة اعرف هو اي الوحش اللي انا عملتو مع اخواتي عشان يعملو معايا كده هما مش حاسين انو لما بيحطو استوري لأبوهم بحس بإيه انا بجد مش عارفه ليخ بيعملو معايا كده و ليه ابويا سابني من الاول اعاني لوحدي.
دلوقتي انا كرهتهم كلهم مبقتش طايقه حد من عائلة ابويا ولا بقيت بحب اخوتي بجد زرعو كره في قلبي من ناحيتهم انا لحد دلوقتي محروق قلبي و غير كده انا زعلانه علي مامتي اللي معشتش يوم حلو في حياتهم بس ان شاء الله ربنا هيعوض عليها قريب و انا مستنيه العوض من ربنا ليا و لأمي.
السلام عليكم ورحمة الله وبركاته، أنا عارفة إن الموضوع صعب وإحساس افتقادك لوالدك أكيد صعب عليكِ لكن إذا فضلتِ مركزة على النقص الموجود في حياتك الشيطان هيخليكِ تنسي النعم الباقية ومتركزيش عليها فتفضلي في حزن طول الوقت. حاولي تقربي من ربنا وتسأليه إنه يخفف مشاعر الحزن والافتقاد دي ويجعل قلبك ممتلئ بإحساس الرضا وشكر النعم، وابدأي كل يوم تسجلي على الأقل 3 أو 5 نعم أو أشياء حاسة بالامتنان إن ربنا أعطاهم لك. سجلي كل اللحظات الحلوة وكل الانجازات اللي بتعمليها في حياتك مهما كانت صغيرة. ده هيخليكِ تتفاءلي وتركزي دايمًا على الحاجات الجميلة ويقلل السلبية عندك لحد ما تختفي إن شاء الله. *** بالنسبة لإخواتك، عارفة صعب إحساسك لكن ليه متجربيش حاجة جديدة لما تشوفي الصور؟ جربي تدعي لهم وتدعي لنفسك ربنا يعوضك ويصلح علاقتك بوالدك... تدعي لنفسك ربنا يزيل أي كره أو مشاعر سلبية من قلبك لأن الكراهية والحقد وكل المشاعر دي بتضرك انتِ مش بتضرهم. خلي قلبك دايما أبيض وجميل وآمني من جواك إنك تستحقي يفضل قلبك نقي بعيد عن أي أحقاد مهما كان سببها. عارفة ممكن يكون صعب لكن مع الاستمرار عليه ومع التدرب حتى لو بالبداية هيكون مجرد كلام قلبك مش حاسه أو حاسس عكسه مع الوقت ربنا هيخلي المشاعر دي تختفي وهيحفظ قلبك. رددي على طول آية (ولا تجعل في قلوبنا غلًا للذين آمنوا) وخلي في بالك دايما قول (التمس لأخيك سبعين عذرًا) فكري إنهم ممكن فعلا يكونوا مش واخدين بالهم إنك بتشوفي الصور أو مش فاهمين إنك لو شفتيها هتزعلي... ممكن مش ناضجين ومش فاهمين فخليكِ انتِ أنضج وأفضل. فكري تعوضي مامتك بإنك تتفوقي في دراستك عشان تقدري في يوم تشتري لها الهدايا اللي تسعدها وتخليها تفتخر في يوم إنها عرفت تربي. *** بالنسبة لباباكِ، ممكن قوي يكون هو مش عارف يتواصل معك، ممكن صمته وهو قاعد معك عشان مش عارف يقرب منك أو يكلمك إزاي... جربي انتي تفكري في طرق تتواصلي معه بها، ممكن يكون صعب بالأول لكن مفيش مشكلة من المحاولة. ** وهرجع وأؤكد عليكِ، أهم حاجة في اللي فات كله إنك تستعيني بالله وتسأليه المساعدة من قلبك. ربنا يصلح لك الأحوال ويهدي لك والدك وإخوتك ويسعدك انتِ ومامتك. بالتوفيق.
تم النشر الأربعاء، ٢٣ أكتوبر ٢٠٢٤
وعليكم السلام ورحمة الله وبركاته اختي، الدنيا قصص كثير، وكل شخص بواجه مواجهة ومشاكل من نوع مختلف وبدرجات متفاوتة، وربنا قدّر مشكلة كل شخص بحسب قدرته على التحمل يعني ربنا عارف انك بإذنه تعالى قادرة انك تعيشي وتكوني قوية بهيك وضع... شعور انك تربي من دون أب ومن دون سند لإلك شعور جدا صعب وانا حاسة فيكِ جدا.. لانه والدي توفى وانا ٣ سنين بس الحمدلله ربنا عوضني بأم حنونة جدا وانت كمان ربنا عوضك بأم حنونة وحاولت تعوضك قد ما بتقدر على كل الاشياء الي انت عايشتيها... بس شوي هون يمكن امتحانك مختلف بإنه ابوكي لسا عايش وهاد اصعب طبعا... الي المفروض يكون سندك انت كمان، هو سند بس لغيرك... القهر الي انت حاسة فيو انا جدا بتفهمو وجدا طبيعي ومبرَّر. بس ربنا بحب يشوفنا اقوياء وراضيين، بحب يشوفنا واقفين على اجرينا ونتوجهلو بالدعاء والأهم انه نحسن الظن فيو، وانتظار تعويض الله والفرج كمان عبادة 💓 حاولي قد ما بتقدري اكتبي كل اشي موجود بحياتك ونعم الي انت ممنونة انها موجودة♡ وأولها امك الله يحفظها. مقدار الرضى ومقدار الايمان بيزيد وبينقص، مرات ممكن تحسي بفتور مرات بهمة وعزيمة ورضى، وهاد اشي جدا طبيعي ، بس احنا بدنا نعمل على انه نقوي عزيمتنا وايماننا بكل خطوة وبكل لحظة منعيشها، وربنا ما بنسانا ، ربنا بيشوفنا وبيسمعنا وبيعرف كل الاشياء الي منشعر فيها، وهو الكريم خزائنه لا تنفذ سبحانه. لهيك احسني الظن بربنا. وهاي رسالة تذكير وشحن همّة لإلك وإلي ان شاء الله. وصحيح، ما تقاطعي ابوكي ابدا لو مهما عمل ولو مهما قصّر، فقط طاعة لربنا، اجتهدي وتعالي على نفسك عشان ترضي ربنا، وربنا هو الودود رح يعوضك بإذنه تعالى♡ بالتوفيق حبيبتي بكل طريقك🌷
تم النشر الاثنين، ٢١ أكتوبر ٢٠٢٤
وعليكم السلام ورحمة الله وبركاته، عزيزتي ريم. أشعر بمشاعرك وألمك، وأود أن أقول لك إن ما تمرين به هو تجربة صعبة جدًا. فقدان الأب في حياتك، سواء كان ذلك بسبب الانفصال أو أي ظرف آخر، قد يترك أثرًا كبيرًا على النفس وعلى العلاقات الأسرية، وقد تشعرين بالوحدة والحرمان، وهذا شعور طبيعي جدًا. فقدان الأب قد يدفعك إلى البحث عن الحنان والسند في أماكن أخرى، وأحيانًا قد يصبح لديك مشاعر مختلطة تجاه عائلتك، خاصة إذا كان هناك تواصل غير كافٍ. المهم أنك تعبرين عن مشاعرك وما تمرين به، وهذا يعتبر خطوة أولى نحو الشفاء. لا تشعري بالذنب تجاه مشاعرك، فليس هناك "خطأ" قمت به يدعو إخوتك للتصرف كما وصفتي. العلاقات الأسرية قد تكون معقدة جدًا، وقد يكون لدى إخوتك تصوراتهم ومشاعرهم الخاصة بهم التي قد لا تفهمينها في هذه اللحظة. تذكري أن والدتك هي أعز ما تملكين، ويبدو أنها تدعمك بكل جهدها. حاولي التحدث معها عن مشاعرك، فقد تكون قادرة على تقديم بعض النصائح والدعم. أما بالنسبة لمشاعر الكره أو الإحباط التي تشعرين بها تجاه إخوتك، خذي وقتك ولا تندفعي. حاولي معالجة مشاعرك من خلال الكتابة أو التعبير عنها بطرق أخرى تساعدك على التفريغ. فالصبر والوقت قد يساعدانك على إعادة تقييم علاقتك معهم ومع نفسك. وأخيرًا، إذا شعرت أنك بحاجة لمساعدة إضافية، فلا تترددي في البحث عن استشارات نفسية مهنية، فهنالك متخصصون يمكنهم مساعدتك في التعامل مع مشاعرك وتصوريك للأمور بشكل أفضل. أدعو الله أن يمدك بالقوة وأن يرزقك الرضا والسعادة إلى جانب والدتك.
تم النشر الاثنين، ٢١ أكتوبر ٢٠٢٤
ربنا يعوصك ويعوض ولدتك ان شاء الله
تم النشر الاثنين، ٢١ أكتوبر ٢٠٢٤
لعرض السؤال في فدني اضغط هنا