بقالي داخله في سنه بعاني من احتراق نفسي رهيب كمية غضب بتبقى شديده جوايا حزن فجأة من اللاشيء الاقيني بعيط وعيني بتدمع ولما بغضب واطلع اللي جوايا بعيط بعدها جامد
بقيت مبعرفش اتعامل مع الناس علي الرغم من اني شخص اجتماعي بس بحسني دايما عبء على اللي بحبهم ممكن أبقى عادي فجأه احس ان محدش بيحبني وكلهم بيكرهوني من انهم مثلا اتأخروا عليا في الرد على رساله فبحبهم بموقف وبكرههم بموقف
ومشاعري تجاه اي حد بقت مؤقته علي الرغم من اني اديت كل الحلو اللي جوايا الا اني معدتش قادره ادي اي حاجه لأي حد دلوقتي حاسه حتي كلمة بحبكم بقت تقيله عليا ..
حاسه بصراحه بذنب تجاه نفسي، دماغي بتقعد تفكر كتير انا اديت كل الحب والحنيه واللطافه اللي جوايا للناس بس اديت اي لنفسي داويت طبطبت بس مين طبطب عليا كنت أبقى مخنوقه واداوي اللي حوليا ليه اديت كل حاجه للناس ونسيت ادي نفسي الحلو
وهي دلوقتي تعباني ومش راضيه اديلها اي حاجه انا حتى مش قادره اديلها حاجه كل مبحاول اصلح معاها حاجه بينتهي الامر اني بعيط كل ماجي ابدأ فحاجه بحبها مقدرش اكملها بصحي كل يوم من نومي جسمي كإنه مدغدغ ومش قادره أعمل اي حاجه مش عارفه اشتغل مش عارفه اخرج برا كومفرت زون معينه
كل ما أبتدي اتعامل مع الناس ادخل فنفس الدايره فبضطر اختفي دماغي بتجبني لحاجات كتير وفوق كل دا عندي خوف من المستقبل رهيب حساني ببتدي اكبر في السن ولسه محلي سر لا بعمل حاجه ولا بنيل حاجه
خايفه اكبر واموت وانا مش ناجحه في حاجه ولا بانيه العيله اللي بحلم بيها انا كنت ابسط بكتير اني احس الأذي النفسي اللي انا حاساه انا حتى علاقتي مع ربنا بقت صعبه بس بحاول مقطعهاش بحاول اصلي برغم اني بجمع الصلوات وبصلي القيام بصعوبه وورد القرآن بحاول اضغط علي نفسي اقرأ صفحتين حتى وبحاول فدي عشان عارفه انها اكيد الحاجه الوحيدة اللي هتفصلني بس دماغي هتنفجر من التفكير
بحسني ان دماغي هي عدوتي بتوريني كل شويه ان انا اكيد مش محبوبه من اللي بحبهم واني بحبهم اكتر ما هما بيحبوني، في اللي بيقدر اللي انا فيه وبيقول كلمه طيبه وفي اللي تعبان ومش قادر يدي برضه فا ايده ممسوكه وانا مش عاوزه حد تبقى افضاله عليا انا بس عاوزه ارتاح عاوزه احس اني حره عاوزه احس بفرحه انا بعاني ومريت بكتير اوي وشلت جوايا كتير اوي اوي لحد ما خلاص زرار بس وهنفجر
بس انا مبقتش برتاح جمب الناس انا عاوزه اريح نفسي انا عاوزه انا اكون بخير وكويسه عاوزه التقل والنار اللي جوايا تروح انا بحسني اني هبقا وحشه على اللي حوليا انا شخص شكاك بالرغم اني عارفه اني شخص كويس دايما بس خلاص معدتش قادره اكون كويسه اخدت اي من اني كويسه ؟!
أخدت اي من كوني بنت جدعه غير وجع القلب والغلب مش عارفه انا فإي انا من كتر التفكير احيانا دماغي اصلا بتنفصل عن الحاجه اللي بعملها ممكن فجأه اتوه وانا بعمل حاجه لثواني كدا وبعدين ارجع اقعد افتكر هو انا بعمل الحاجه دي ليه ولا أنا بعمل اي اصلا مش فاهمه حاجه بس الحاجه اللي فهماها اني خلصانه ومحروقه من جوايا وبتمنى ان ربنا يريح الواحد حتى لو حل خلصاني هو الموت
لان بحس ان الدنيا ضيقه بيا اوي حتى اهلي مش فاهمين، فاهمين اني مبعملش حاجه كسل وخلاص لكن مش كسل انا فعلا معنديش لا طاقه ولا شغف اعمل اي حاجه فالدنيا
السلام عليكم ورحمه الله وبركاته. شوفي الاحتراق النفسي بيجي لما يكون الانسان اللي بيبدا يمشي بشكل غير متوازن يعني بيفتكر ان هو لما يحط جهده في حاجه معينه ده اللي هيخلي العائد يرجع عليه بطاقه. وحاجات كلها تملاه من جواه وتملى كل مشاعره وتملى كل احتياجاته ودي. في المعظم او خلينا نقول في الاغلب كمان بتكون نظريه خاطئه يعني الاستثناءات هي اللي فيها ممكن الانسان فعلا يحط الاهتمام اللي منتظراه انا ما عرفتش ادي اهتمام لنفسي واستنيت المردود بتاع الاهتمام اللي انا حطيته قو- كله اا في الناس اللي قدامي ان هم يبداوا بقى يدوني والا انا بعدها بشعر بالفراغ طبعا بعد مده بحس ان انا مستهلكه تماما ما عنديش طاقه اعمل ثاني نفس اللي انا كنت بعمله وده طبيعي ليه لانه الانسان اصبح فيه عنده فراغ وبقى مش قادر ان هو يشغل حتى نفسه مره تانيه علشان يقدر يدي ثاني طيب نعمل ايه نفضل قاعدين مستنيين حد يدينا برده دي ما بتكونش الحاجه الافضل انا هحتاج ارجع اعيد حساباتي من اول وجديد ارجع ثاني اشوف ازاي اقدر احقق امتلاء ذاتي وازاي اقدر يعني اعالج نتيجه الاحتراق اللي حصل ده زي كذا بجيب موتور والماتور كويس والماركه بتاعته كويسه ولكن كل جهده في حاجه واحده ويبقى م ايا كانت ماركته ايا كانت طريقه صناعته وجودتها لو انا شغلته باستمرار من غير ما اديله الصيانه اللي هو محتاجها من غير ما ادي له وقت الراحه اللي هو محتاجه طبيعي جدا لازم الاقيه اتحرق وحصل فيه مشكله دي الاله الانسان طبعا حساس اكتر من الاله بكثير نفسيتنا محتاجه عنايه كويسه جدا ان انت هتحتاجي تعمليه حاليا وان تقعدي لفتره الفتره دي هتبقي بتعتني فيها بنفسك بس انا عارفه انك هتكوني محتاجه حد يعتني بيكي برده في نفس الوقت ومش هيبقى ابدا انك تطلبي البناء ده من اول وجديد بعدها هتبداي تحسي واحده واحده انك احسن وقدره تدي من الاول بس لما هنرجع ندي ثاني هندي بتوازن وهناخذ بالنا من نفسنا مفيش حاجه هنعملها بالشكل الاكستريم اللي يضرنا في الاخر. من اللي حواليك اللي انت محتاجاه في الفتره دي انك تقولي انا محتاجه في الفتره دي انه انتوا اللي تاخذوا بالكم مني لان انا حتى اني اخد بالي من نفسي مش قادره اعمله بالشكل الكافي او بالقدر الكافي اللي انا محتاجاه ااا مش قادره تعملي ده مع نفسك مش عارفه تعمليه بالطريقه السليمه هتحتاجي انك تتابعي مع مختص يعني هيوجهك كده توجيهات بسيطه محتاجه تعملي ايه دلوقتي ازاي تعتني بنفسك ازاي تحققي؟كتفي باللي هو بيوصل له كعائد من الحاجه دي ايا كانت لكن في الحياه الطبيعيه في الامور المتوسطه احنا محتاجين توازن محتاجين نكون بنوزع الجهد بتاعنا وبنوزع نفسيتنا وبنوزع احساسنا ومشاعرنا ونوزع كل شيء احنا بنقدر نقدمه بشكل يعني متناسق ما ينفعش ان احنا نيجي مثلا نقول انا لما اهتم باللي حواليا فانا اهتمي بيهم قوي وانا بهتم بيهم قوي انا بنسى اهتم بنفسي فبدي كل اللي عندي للي حواليه وبعدين اجي ابص لنفسي الاقي ان انا
تم النشر الاثنين، ٢١ أبريل ٢٠٢٥
استاذه ياسمين قالت كلام جميل اوي وفعلا متابعتك مع مختص هتفيدك انها تحركك. بس من ملاحظتي لكلامك زي ماهي قالت محتاجه تملي ذاتك. احنا كلنا مجوفيين وبنحتاج نتملي وده السبب الرئيسي لفكره احتياجنا لوجود الاله من اول الناس اللي عبدت الحجر لوقت معرفتنا بربنا. فاانتي محتاجه بس نقف كده ونشوف ربنا بمنظور جديد ليكي انتي مش اللي عرفته من البيئه والأهل. ربنا ساعدني انا.ازاي سترني كمان مره سهلي حياتي كمان مره هو انا عندي نعم قد ايه يوميا والصلاه بما اننا ممكن تكوني منقطعه اختاري اي فرض بترتاحي فيه وواظبي عليه ع الاقل اسبوع وابدأي ف اللي بعده واقري لو سطرين كل يوم عن تعامل ربنا معانا. ليه بكلمك في الحته دي مش عشان اقلل من إيمانك او انك مقصره. لكن العلاقه مع ربنا هي بتبقي اصل التعامل مع الكل اما بنكبر. فاانتي اما تعملي امتلاء ذاتي وهو بتقوىه علاقتنا مع ربنا بشكل حقيقي وامتناني لكل ما املك من اول النفس اللي باخده لحد وجود نعمه الوقت. عارفه انك معنديش طاقه وبالتالي عايزين steps صغننه زي انك تسمعي بودكاست حتى لو ربعه كل يوم وتدوني ملاحظتك عن اللي فهمته. وفي يومك محتاجين تفاعلات جديده زي. انك تنزلي كل يوم ربع ساعه لفي حتى حوالين البيت. خدي نوت جديده للشغل. افتحي مجال ماتعرفيش عنه حاجه ف النت ادخلي الcommunity بتاعه. ولو ماما اللي بتطبخ خدي حاجاتك كده اطبخيها انتي. اقراي كتاب ع مدار شهر.كامل كل يوم صفحتين ياريت يكون روايه. بتحبي اللعب هاتي puzzle هاتي مانديلا لوني. طيب معاكي فلوس هاتي حبه لعب وانزلي العبي مع أطفال في ملجأ او حتى أطفال عمارتكوا. استعيدي بهجه الحياه. وهي العطاء اللي مش بينتظر مردوده الا من الخالق. مع الوقت هتتعلمي ان نظرتك للتعامل هتبصي ع نفسك ازاي اعمل احسن مع عندي. لو اللي قدامي ردها يبقى ربنا ميسر بالعلاقه دي. مردهاش قدامك حليين لو حاسه انك مضغوطه يبقى اتعاملي ف الحدود. مش حاسه انك مضغوطه ماتنتظريش الرد واتعاملي بااحسان♥️الحياه مش خط هيرجعلك نفس الخط. معاملتك بالإحسان لو مع شجره هترجعلك حلوه في اي حاجه تانيه. ربنا قال ومن يوقي شح نفسه يعني اللي بيبقى غني من جواه وربنا بيقيه شر الاحتياج من اول احتياجه للماده لحد احتياجه للكلام او الحب من الناس. حقك طبعا تتحبي ويتقالك كل الحلو اللي في الدنيا بس لو ده محصلش مبقاش متوتره وتعبانه واوزن الناس على موقف. ودي فكره الصدقات انك بتصدقي على وجود نعمه ربنا واني بدي وربنا هيسير وهيرزق انا واثقه فيه وفي غناه معايا. افتكري ان حياتك حلوه ومحتاجين بس زقه صغيره ♥️
تم النشر الاثنين، ٢١ أبريل ٢٠٢٥
عزيزتي، أشعر بمعاناتك وأتفهم ما تمرين به من احتراق نفسي وغضب وحزن متجدد. إن مشاعرك تعكس الصراع الداخلي الذي يمكن أن يشعر به الكثير من الناس في فترات معينة من حياتهم. من الواضح أنك تعتنين بالآخرين بشكل كبير، ولكن من الضروري أيضًا أن تحرصي على نفسك وتقدمي لنفسك الرعاية والدعم الذي تحتاجينه. لمساعدتك في التعامل مع هذه المشاعر، أود أن أقدم لك بعض الأفكار: تحديد الأولويات : حاولي تخصيص بعض الوقت لنفسك. قومي بتحديد أوقات خلال الأسبوع فقط لنفسك، حيث يمكنك القيام بأشياء تحبيها أو الاسترخاء. حتى تلك اللحظات القصيرة قد تكون لها تأثير كبير على حالتك النفسية. التواصل مع الأحبة : حاولي فتح قنوات التواصل مع الأشخاص الذين تحبينهم، واشرحي لهم ما تمرين به. قد يكون لديهم القدرة على تقديم الدعم لك ومساعدتك في التعامل مع مشاعرك. استشارة مختص : قد تلاحظين أن المشاعر التي تعانين منها تحتاج إلى مساعدة مختص. استشارة طبيب نفسي أو مستشار يمكن أن تكون خطوة إيجابية تساعدك على التخفيف من الضغوط والتعامل مع مشاعرك بشكل أكثر فعالية. وجهة نظر جديدة : حاولي تغيير طريقة تفكيرك بشأن نفسك. ضعي في اعتبارك أنك تستحقين الحب والدعم تمامًا كما تعطيه للآخرين، ولا تنسي أن من الطبيعي أن تشعري بالضعف أحيانًا. التقرب من الله : التواصل الروحي قد يكون مهدئًا لنفسك. استمري في الصلاة وحاولي إيجاد طرق جديدة للتواصل مع الله، مثل قراءة الأدعية أو الاستماع إلى القرآن، فقد يساعدك ذلك في تهدئة نفسك. تذكري أن كل فرد يمر بفترات من الضغوط والقلق، وهذا لا يعني أنك وحيدة. البحث عن مساعدة وتوجيه خطوة شجاعة. أنا هنا لدعمك، وأدعوك للتفكير في الحصول على المساعدة التي تستحقينها.
تم النشر الاثنين، ٢١ أبريل ٢٠٢٥
انا بصلي وملتزمه فصلاتي علفكره اه صحيح الفتره دي بتكون بصعوبة بس الحمد لله بجاهد نفسي ومبقطعش
تم النشر الثلاثاء، ٢٢ أبريل ٢٠٢٥
بصي هقولك الي انتي فيه ده كله ده لازم تكوني ايجابيه شويه وتشوفي الي قدامك بيحب انهي طريقه للتعامل واتعملي معاه هتلاقيه حبك جدآ اذا كان بقي قريب او غريب بس وطمنيني
تم النشر الثلاثاء، ٢٢ أبريل ٢٠٢٥
صلي
تم النشر الاثنين، ٢١ أبريل ٢٠٢٥
لعرض السؤال في فدني اضغط هنا