انا حبيت واحد وهو حبني ولحد دلوقت بنحب بعض فيه مشاكل اغلبها كان من عندي انا ووصلنا للمرحلة اللي احنا فيها دي انا كنت بعرف شباب علي النت منهم كان بيعترفلي فعلا انه حبني ومنهم اللي بصراحة ضحك عليا وانا لما اعترفت للي بحبه دلوقت وقف جانبي وكملنا لحد ما حبينا بعض جدا حتي البلوك منقدرش نعمله لبعض وانا والله بحبه جدا بس كنت بتصرف بغباء يعني في مرة كلمت واحد من اللي حبوني دول وهو اخد كلمة سر الفيس بتاعي عشان يشوف الشات وقعد يشتمني بس مش الفاظ وحشة يعني عشان بيحبني بس ولما اخد كلمة السر موقفتش حتي برده فتحت الفيس بعد ما خلاني اقفله وشاف شات ليا مع واحد مشهور يوتيوبر وهو نتيجة خياناتي المتكررة خد عني فكرة سيثة اوي وانا والله مش عارفة كنت بعمل كده ليه اصلا مبرري اننا مش في علاقة رسمية وهو دلوقت مش بيكلمني ولا بيعبرني مامتي قفلت عليا النت اسبوعين بعد امتحاناتي حتي ولما رجعت للنت مشيت جمب الحيط ومبقتش اكلم حد زي ما مامتي قالتله انا عاوزاه يعرف اني بحبه واني اتغيرت للعلم هو ذكي جدا وبيحبني ودايما واقف جمبي وبيفهم حتي عدم لباقتي في الكلام واني ممكن اقول اي حاجة واللي بحتاجه بيكون عندي
عمرك 21... يعني بتدرسي بالكلية تقريبا. ليه مش بتركزي طيب في حاجات أهم في حياتك؟ ممكن فيه فراغ كبير في حياتك هو اللي مخليكِ تتصرفي كده... العلاقات مع الشباب أكيد انتي عارفة إنها شرعًا حرام... أي علاقة غير خطبة بحدودها الشرعية أو زواج فهي لا تصح... الشاب اللي انتي معه، إذا بيحبك فعلا فالمفروض يتقدم لك... غير كده معظم الشباب بيكونوا بيتسلوا في الفترة دي... بلاش ترمي مشاعرك كده وتسمحي لأي حد يلعب بها... حتى اللي بتقولي بيحبوكِ... اللي بيحب بيشوف اللي بيحبه غالي وبيعرف الطريق الصح عشان يوصل له. أنا مقدرش أنصحك الحقيقة تكملي في أي حاجة من دي... اعتذري له عن تصرفاتك وحاولي تبعدي وتهتمي بدراستك أفضل ودوري على حاجات مفيدة أو مهارات تستفيدي منها بعد دراستك. هو لو كان بيحبك ومتمسك بك وشاف إنه يرمي الماضي ورا ضهره، تمام يبقى يتقدم ويخطبك. اعتبريها نصيحة من أخت أكبر منك... فكري في نفسك الأول وعززيها واركني المشاعر حاليًا على جنب لحد ما تبقي واثقة في نفسك واختياراتك وإنك جاهزة تبدأي حياتك وتتزوجي من الشخص اللي يستحقك وبيبحبك بجد. أتمنى لك كل الخير. تحياتي.
تم النشر الاثنين، ١٢ أغسطس ٢٠٢٤
عندي 21
تم النشر الاثنين، ١٢ أغسطس ٢٠٢٤
انتي عمرك كم سنة؟
تم النشر الاثنين، ١٢ أغسطس ٢٠٢٤
لعرض السؤال في فدني اضغط هنا