كنت الاشطر في ففصلي والاول دايما لحد بدايه ثانوي نقلنا من قريتنا لمدينه مجاوره ومع الدراسه وكده انا بقيت وحيد تماما مليش اي صاحب في الدرس ببقي لوحدي في المدرسه لوحدي في الفسحه مش بنزل من الفصل وببقي لوحدي لاني مش عارف اكون صداقات وغيره الفتره دي كانت صعبه عليا جدا ،كان ليا قبل كده اصدقاء مقربين لدرجه لو كان عندي اخ ولد مكنتش هكبه كده من كتر ما بدات اخسر ناس خلاني اخسرهم كمان خسرت اعز اصدقائي اللي كانو زي اخوه، فقدت ثقتي بنفسي تماما مبقتش بمشي في الشارع غير وانا حاطت كاب مش عايز حد يشوف شكل شعري ده اه صح انا جالي اكتئاب وكنت بفكر دايما في الانتحار ومكنش عندي مشكله غير ان ده حرام مكنتش بهتم بشكلي خالص بقعد باالشهور محلقش واني اروح احلق بس كان عبأ شديد جدا عليا انا فعلا مش قادر حد يشوفني واشوف حد، اهلي مكنوش فاهمين المشكله وانا مش بعرف اشرح او مش بقدر اقول اصلا للقدامي وكانو بيضغطو عليا بكلام زي ( طيب انت كده يوم فرحك مش هتلاقي حد طيب يجيلك اصلا، انت كده لما تتعب لما ... مين هيبقي جنبك )ده ولّد شعور اكتر واكتر بالقلق والخوف وكره الذات ثقتي بنفسي كانت تحت الصفر، طبعا ادمنت تماما الالعاب والسوشيال ميديا كنت بسهر للصبح وبدات ابطل اروح المدرسه واتحجج انه هقعد اذاكر وده هيكون افضل محبش ابدا حد يشفق عليا فمكنتش بحكي لحد لو حد قربلي وحاول يتعرف عليا كنت من جوايا بقول ده بيفشق عليا بس مش اكتر وكنت ببعده عني ظنا بكده لمده السنتين دول انا مكنتش بطلع غير للمدرسه والدروس فقط اليوم كله في البيت بدات للاسف اقع في مشاهده فيديوهات وصور اباحيه وجلدي.لذاتي كان اضعاف مضاعفه والله، كنت بجلد نفسي علي حالي واللي وصلتله.
لحد تالته ثانوي هنا قلت هحاول للمره الميه اني ارجع تاني مبقتش بدي اهتمام لموضوع الصداقه علي قد ما اقدر لكنه كان جارحني جدا بدات انتظم في الصلاه رجعت اذاكر تاني بعد حرفيا سنتين من عدم المذاكره بقيت خلاص برجع احسن بكتير عملت مجهود كبير جدا ذاكرت منهج اولي وتانيه في ماده الفرنساوي لاني حرفيا مكنتش اعرف فيها حاجه في الاخر يوم النتيجه مجبتش المجموع اللي بتمناه هنا بقا وبكامل ارادتي رجعت لكل الخرا اللي كنت فيه وبرغبه تامه مني اقسم بالله اني يوم النتيجه روحي كنت حاسسها هتطلع من جسمي من كتر العياط حلم عدا عليه وطول السنين وانا علي الطريق الصح وبسبب انحراف انا مليش ذنب بشكل كبير فيه ضاع حلمي اعتزلت كل الناس لمده شهر مطلعتش ولا شفت الشمس وحتي اهلي اعتزلتهم وقعدت في الدور الارضي في شقه لوحدي تماما في بيتنا وكنت بعمل كل القرف باراده مني حتي لو مش عايز كنوع من المسكن وكنوع من جلد الذات تناقض غريب ولكن ده كان حالي.
في الاخر جبت مجموع طب اسنان خاص مكنتش راضي عن ده ومكنتش راضي عن حالي كنت بحزن لما بشوف ناس مستواها اقل بكتير وفي نفس مكاني وناس راحت اماكن اعلي بكتير مما تستحق.
بالمناسبه احنا كنا اول دفعه تابلت والظلم فيها كان كبير لحد النهارده مفيش نموذج اجابه للامتحانت نزلت
علي اي حال كنت سالك بسهوله في الكليه وباقل مجهود
في سنه تانيه المواد كانت صعبه لكني خلاص انا معنديش هدف حقيقي اوصله مكنتش بذاكر ومش عايز بضغظ نفسي ايام الامتحانت وخلاص ( اه صح انا قعدت سنه اولي كلها كنت بعيط في اليل لما بفتكر تعبي طول سنين حياتي واني في الاخر بقيت في المكان ده )المهم قررت اني احاول اكون صداقات وبدات اعرف ناس نوعا ما وكنت بحاول اتعامل واختلط اكتر شويه ..
الترم التاني بعد ما جيت من حجز كوره لقيت ان في عروق بدات تظهر في رجلي وبدات تمتد لحد خصيتي اليسري وبدات اشعر بالم والمشكله اني مش بقدر اقول لحد سر فحاجه زي كده كان صعب حدا اطلعها اكتأبت جدا وحالتي النفسيه كانت صعبه جدا وبدات اخاف اكتر والامتحانت دخلت عليا الالم ذاد تدريجي والعروق ظهرت في الناحيه التانيه لحد ما قررت اكلم حد قريبي دكتور لكن ده مش تخصصه كتبلي دواء الالم راح لكن الاعراض موجوده نفسيتي كانت صعبه جدا عديت من الامتحانت وانا مش عارف انا عملت ايه اصلا انا كنت مغيب نفسيتي اثرت عليا جامد حتي اني كنت عصبي جدا مع اصحابي وزمايلي واهلي ومحدش عارف ليه وانا مش قادر احكي ليه
ظهرت النتيجه وشلت ماده، انا شلت ماده!!
انا!
المشكله الاكبر اني محتاج فلوس كتير ادفعها في الاخر والدتي عرفت من شكلي وشكل جسمي خدت منها فلوس، هنا كنت بفكر في الانتحار بشكل جدي وكنت بنام والسكينه جنبي وبسال نفسي هو كده خلاص مش ده وقته؟ بدات اشتغل عشان اكمل الفلوس ومخبي الموضوع عن ابويا لان لو عرف كان هيجراله حاجه شغال وعندي الم بسيط في خصيتي لكن الاعراض زي ما ذكرت موجوده كنت بسهر للصبحو كان لازم اني أسافر كليتي من غير ما والدي يعرف عشان امتحن الكويزات والعملي وغيره ولما كنت ببقي مسافر الصبح انا حرفيا كنت بدعي اني اموت كل يوم
تفكير كان قاتلني من ناحيه اني ممكن ابقي عقيم اني كده كدكتور انا خلاص مستقبلي ضاع نظرتي لنفست قلت وخفت من نظره اهلي ليا
حاليا في تالته والحمدلله اني اتحسنت لكني بخاف ارجع لاي حاجه وكان نفسي افهم اهلي الكلام ده لكني مش بقدر اللي عنده نصيحه ويقدر يقولها او حتي دعوه ان ربنا يفك تعب قلبي
طيب مفكرتش تروح لطبيب يشوف حكاية العروق اللى امتدت للخصية دى ايه و سببها ايه . دا أمر عادى انك تتعالج حتى لو انت أصيبت فى مكان حساس زى دا . دا أمر مش بأيدك . عاوز تبقى احسن . أرمى نفسك فى حصن ربنا . قرب من ربنا قوى . و حافظ على الصلاة في المسجد و اختار الصحبة الصالحة و مارس اى رياضة طلع فيها طاقتك . و دا أمر ضرورى . اقرأ القرأن كل يوم صفحتين بعد كل صلاة حتختم القرأن بعد شهرين و حافظ على دا . و صوم كل اتنين و خميس و حافظ على دراستك و ذاكر و اجتهد . و اطلع طبيب اسنان شاطر . علشان بلدك و علشان نفسك . التخصص حلو و مستقبله جميل بس انت ركز .
تم النشر الأربعاء، ٨ مايو ٢٠٢٤
حافظ على صلاتك وتقرب من ربنا وادعي كتير ربنا هو الوحيد اللي عالم بحالك وعارف اللي انت بتمر بيه وان شاء الله ربنا يحسن حالك ويوفقك ذاكر واجتهد "لكل مجتهد نصيب"
تم النشر الجمعة، ١٠ مايو ٢٠٢٤
انا قصتي زيك في اللي حصلي في اولي وتانيه ثانوي وانا شلت مادة الرياضه في سنه اولي وبجد لسه مش مصدقه ان ده حصل وانا داخله تالته دلوقتي واذاكر الماني بتاع اولي وتانيه برضو حسيت ان قصتك ادتني شويه امل اني هجيب مجموع طب اسنان لان ده حلمي بس بجد ارضي ب اللي ربنا كتبهوللك
تم النشر الأربعاء، ٨ مايو ٢٠٢٤
طيب تفاءل خيرا واطرد أي أفكار تشاؤمية قد تكون من الشيطان الذي من أهدافه (ليحزن الذين آمنوا) ولا تفكر في موضوع العقم إطلاقا قبل أن يكون لديك دليل طبي قوي عليه لأن الأمر ليس كما تتصور غالبا واعلم أن بركة التوبة عظيمة فاستمسك بالتوبة
تم النشر الأربعاء، ٨ مايو ٢٠٢٤
ربنا يقويك يا بني ويبارك فيك ..... ويديم عليك الصحة والعافية .... أمسك نفسك وادعي ربنا كتير .... وأنت والله العظيم زي الفل .... وربنا هيكرمك ..... الشيطان النجس بيلعب عليك ... بيخليك تتوهم .... والله العظيم بتحصل وحصلت ..... ربنا يثبتك على الصراط المستقيم 💪❤️🩹
تم النشر الخميس، ٩ مايو ٢٠٢٤
ان كنت تتحدث علي اعراض دوالي الخصيه فللاسف لم اذهب بعد رغم انا الامر مر عليه عام كامل ولكنني الان بعدي عن اهلي نوعا ما ولقدت حجزت موعدا مع الطبيب وسازوره قريبا، ان كنت تقصد طبيب نفسي مختص فللأسف لم اذهب لا استطيع انا اقول ذلك لاهلي ولا اريد انا اكون عاله عليهم جعلهم يحملون اعبائا اضافيه، وكل ما قلته هو نوع من الترويح عن النفس قليله بعيدا عن بحثي لحل.
تم النشر الأربعاء، ٨ مايو ٢٠٢٤
السؤال لا يوضح مشكلتك الصحية .. ولا داعي لذكرها إن كنت لا تحب ولكن هل ذهبت لطبيب متخصص في الأعراض التي لديك؟ أعتقد أن هذه أول خطوة في التعافي
تم النشر الأربعاء، ٨ مايو ٢٠٢٤
لعرض السؤال في فدني اضغط هنا