اعمل ايه علشان اشغل وقتي
انا متخرجه ومش بشتغل ومش بعمل حاجه
و اقرب شخص ليا سابني
من وقتها وانا حاسه اني تايهه ولوحدي ومش عارفه اعيش حياتي يومي كله فاضي وبجد تعبانه
انصحك نصيحه متفرطيش فيها اشغلي وقتك بالقران وبذكر الله احفظي كل يوم ايتين بس متزوديش عن ايتين واسمعي فيديو عن اي حاجه دينيه فيديو واحد قصير مش بيزيد عن عشر دقايق وحافظي على السنن الوراتب وعلى صلاة الضحى وادعي كتير رب علمني ما ينفعني وانفعني بما علمتني
تم النشر الثلاثاء، ٢٣ مايو ٢٠٢٣
اقرأى قرآن و اسمعي دروس سنه و فقه و اقرأى كتب .
تم النشر الثلاثاء، ٢٣ مايو ٢٠٢٣
استبدلي العلاقة اللي انتي كنتي فيها بالرياضه، بالشغل، بالمذاكرة، بالكورسات، أتعلمي حاجة جديدة نفسك تتعلميها من زمان، العبي رياضة تخرجي فيها طاقتك، اعرفي ناس جديدة ولذيذة وايجابية، اخرجي بره غرفتك، بره الكومفورت زون بتاعتك. وقبل ده كله لازم تكوني مقتنعة ان العلاقة ديه مكانتش ينفع تكمل، غض النظر عن انه مبقاش موجود! احساس انك تايهة ده طبيعي دلوقتي .. يمكن علشان كنتي شايفة الشخص ده كأنه العالم وما فيه، وشايفاه هو كل حاجه في حياتك، وكنتي مستنغية عن كل حاجه تانية، (كنتي مستغنية عن حياتك الفعلية). لو حابه تسردي اكتر المشكلة يكون افضل طبعا ..
تم النشر الثلاثاء، ٢٣ مايو ٢٠٢٣
بصى لازم الاول يبقي فى روتين اساسيات ليومك تبقي بتصحى الصبح اساسي تعملى الحاجات دى مثلا ١. النضافة ٢. ترتيب البيت ٣. تحضير فطار مناسب وصحى ( مش اى حاجة سريعة وخلاص) ٤. الصلاة على وقتها وتثبيت ورد من القرآن على الاقل صفحتين بعد كل صلاة . ٥. متابعة اخر الاحداث من الاخبار المحلية والعالمية (مثلا يعنى ) او اى حاجة بتحبيها شوفى ايه الجديد فيها فى اليوم ده ٦. صلة الرحم ( على الاقل اتصلى اتطمنى على حد من الاهل ) ٧.نعمل اى رياضة خفيفة دى بتبقي حاجات مينفعش اليوم يعدى من غيرها ...عدلى بقي فيها او حطى اللى يناسبك او زودى عليها. والوقت اللى فاضل حددى لنفسك هدف حاجة تتعلميها وخصصيلها ساعه مثلا فى اليوم .
تم النشر الثلاثاء، ٢٣ مايو ٢٠٢٣
لعرض السؤال في فدني اضغط هنا