عندي رهاب اجتماعي وقلة ثقة بنفسي لما بتكلم مع حد وجها لوجه
وخاصة لو ف تجمع.. لما بكون بتكلم مع حد والاقي الكل باصص عليا بتوتر اوي وكلامي بيتلخبط ومش بعرف اتكلم كويس
بحاول اني اكسب ثقة بنفسي انا وبتكلم بس مش عارفة..والحوار دا عامة فيا مش ف الكلام بس فأي حاجة طول م فيه حد باصص و مركز معايا بتوتر اوي.. عايزة اعالج الحتة دي فيا عشان بسببها فيه انشطة كتير مش بقدر اعملها بسبب خوفي من الناس وبتكسف اعمل اي حاجة قدامهم
فعايزة حل للحوار دا ازاي اكسب ثقة بنفسي وميبقاش عندي رهبة من الناس وخوف
هو ده كسوف وخوف من الانتقاد بس نعالجة ازاى بقى نتخيل اكتر ونحط نفسنا فى الموقف ونعمل محاكاه لنفسنا قبل اى موقف قدام حد زى اللى بيتدربوا على العرض المسرحى كده لما نتكلم مع حد وجها لوجه منبصش فى عينيه ونركز فى جبهته فقط او ننقل عينينا بين اكتافه وجبهته الثقه تكتسب بالوقت والتمرين استعدى - نفذى - اغلطى - اتعلمى - كونى فخورة بنفسك وبطريقتك ورحلتك اول طريق الثقه بالنفس هو لا مبالاه برد الفعل ...سافعل واحاول حتى وان فعلوا اى شىء
تم النشر الجمعة، ١ سبتمبر ٢٠٢٣
حطي نفسك دايما في وسط الحاجات دي ومع الوقت الرهاب هيروح يعني اتكلمي حتى وانتي قلقانة وشاركي في الحاجات دي وواحدة واحدة ثقتك هتزيد
تم النشر الأربعاء، ٣٠ أغسطس ٢٠٢٣
ارجعي لربنا يعني حاولي تشوفي ايه الذنب اللي محاصرك و تخلصي منه بسرعه عشان دا هيدمر حياتك حرفياً دا ممكن جدا يكون السبب
تم النشر الاثنين، ٤ سبتمبر ٢٠٢٣
الموضوع ده بدا معاكي من امتى بالظبط؟ وهل فيه حد كان بيتنمر عليكي وانتي صغيرة؟ او حد من الاهل كان بيعاملك وحش، او بيقارنك بحد؟ وبالنسبة لتركيز الناس؟ انتي متوقعة ايه من الناس؟ خايفة منهم ليه بالظبط؟
تم النشر الأربعاء، ٣٠ أغسطس ٢٠٢٣
اكتشفي مهارات التواصل لو طرق التواصل اقري على اليوتيوب او كتب تخص هكذا مواضيع ونمي هواياتج وابحثي عن العلاقات مثلا في كوكل أو اليوتيوب او كتب..والكتب خير سبيل والقراءة والبحث خير عون
تم النشر الأربعاء، ٣٠ أغسطس ٢٠٢٣
قربي من ربنا اوي جاهدين في سبيله ربنا جنبك ومعاك ومش هيسيبك ربنا بيحبك عارفة يعني اي بيحبك العظيم اوي دا بيحبك انتي
تم النشر الجمعة، ١ سبتمبر ٢٠٢٣
الموضوع ده كان عندى ومبعرفش ابص فى عين حد او اتكلم معاه والناس بدأت تبعد عنى بعد سنوات رزقنى الله بالاستغفار والذكر فتبدل حالى الى افضل حال الزم الاستغفار
تم النشر الخميس، ٣١ أغسطس ٢٠٢٣
لعرض السؤال في فدني اضغط هنا