السلام عليكم ورحمة الله و بركاته
انا ف تالته ثانوي عام وحالياً انا ف فترة الأمتحانات وللأسف انا مذاكرتش خالص طول السنه غير حاجات تافهه جداً.. والمنهج كبير اوي ومستحيل اقدر المه ف الأيام القليله دي... المهم ان في حاجه شاغله بالي طول الوقت ومش عارف انام بسببها... لو ربنا قدر لي اني اسقط وده طبعاً هيكون عادل لأني مسعيتش... هعمل اي لو سقط.. اي افضل قرار اخده؟
اعيد السنه؟(انا مش حابب القرار ده خالص لأني عايز اكون نفسي واشتغل واتجوز واستقر ف اسرع وقت)
ولا اسحب الدوسيه و اقدم ثانوي صنايع وبكدا هكون ضيعت 3 سنين من عمري.. بس انا شايف ان القرار ده مش وحش اوي لأني لو عدت السنه انا مش واثق ف نفسي و ممكن العب والسنه تخلص من غير مافتح كتاب واسقط تاني
ولا اطلع من التعليم واتعلم الحاجات اللي انا حابب اتعلمها و على هوايا (ابدأ في طلب العبم الشرعي و اتعلم انجليزي و اي لغات تانيه و اتعلم برمجه الخ)
ولا في قرار افضل؟
بفكر بنفس طريقتك جدا والله حتى من كام يوم كنت ببحث عن اللغات اللي مطلوبة في الترجمة و الاعلى في الاجر علشان ابدا فيها ، بس بقولك ايه انا تعالى ناخدها تحدي و منضيعش وقت أكتر انا زيك برضو كنت مقضيها
تم النشر الأربعاء، ٢٦ يونيو ٢٠٢٤
اعمل اللي عليك في اليومين اللي باقين ومضيعش وقت تاني حاول قبل المادة تقرا المنهج قرا سريعة وتاخد فكرة عن محتوي المنهج سوا بقا من خلال مرجعات المدرسين او قنوات اليوتيوب وبعد كدا امسك كل درس وعيد عليه تاني قراءة بتركيز وخليك فاكر ما لا يدرك كله لايترك كله واعمل اللي عليك في اليومين دول عشان ربنا يوفقك و ربنا معاك في اللي جاي انشاء الله وكلها شهر وهتنتهي
تم النشر الثلاثاء، ٢٥ يونيو ٢٠٢٤
وعليكم السلام ورحمه الله وبركاته. وخليني اقول لك ان احنا ممكن نغير السؤال الاول. ماذا نفعل لو فضلنا بنتمنى بس ما بنعملش؟ يعني هو مش الموضوع كله موضوع الثانويه العامه بس الموضوع هنا هو ايه اللي خلاك قاعد بتلعب. لان انت بتقول انا مش عايزه اضيع سنه عشان عايزه اكون نفسي واتجوز واشتغل طب هو ده هيحصل ازاي ما ده هيحصل ازاي لو انت كشخصيه بتسمح لنفسك انك تتخلى عن مسؤوليتك في وقت ما وتسيب سنه كامله ما بتعملش فيها حاجه ما تعيش مسؤوليتك الاساسيه ازاي هتكون نفسك ازاي هتشتغل ازاي تدخل شغل ايا كان بقى الشغل ده دخلته في شهاده الاعدادي ولا بشهاده الثانوي ولا ايا كان نوعيه الشغل هتكون ملتزم فيه ازاي هتكون ملتزمه ازاي انك تدبر مصاريف وانك تبني حياه وانك تستعد لجواز ازاي ده هتعمله ازاي ده برضو هتعملوا حتى لو طلبت العين بالشرعي العلم الشرعي من البسيط برده انك تقعد تذاكر وتجتهد وتعمل كل الكلام ده. بحس المسؤوليه هو ده الاساسي قبل بقى اي حاجه اصلا القرار نفسه هو عباره عن مسؤوليه. فماذا لو فضلت انت كده نفس الشخص ده هو ده السؤال اللي احنا محتاجينه هنا لانه الثانويه العامه راحت او جت يا مرحله في الحياه يعني ماذا لو رسبت او ماذا لو نجحت انت ممكن تنجح وتفضل برضو بعد كده انسان غير مسؤول وما تكملش يعني اي حاجه بعد الثانويه العامه يعني والنماذج من ده كتير بيعدوا مرحله الثانويه العامه وبعد كده الدنيا بتروح في حته تانيه خالص ممكن يكون وصل للكليات قمه على فكره دي جدا يعني والموضوع ما يروحش في حته بعد كده لانه هو خلاص بيبطل يبقى مسؤول ما بيعملش حاجه. فدي النقطه اللي محتاج انك تركز فيها. ايا كان اللي هيحصل في امتحانات الثانويه العامه يحصل زي ما يحصل المهم بعد ما تخلص لازم تثبت قدام نفسك انك شخص قادر يكون عنده التزام اتجاه مسؤوليته قدام نفسه مش قدام حد مش عشان حد يقول له ذاكر ومش عشان حد بيقول له اجتهد ومش عشان حد بيقول له اعمل او ما تعملش انت محتاج انت لوحدك تلاقي نفسك بتقوم نفسك وبتجبر نفسك وبتقفل على نفسك وبتخلص الحاجه اللي وراك ايا كانت ايه هي مذاكره ولا غيره علم شرعي ولا انجليزي ولا لو انت لو مكنتش بتذاكر رساله وما كنتش بتعمل ايه ما كنتش بتشتغل شغل نفسك بيه ليه المساله صدقني مش في الثانويه العامه ولو على النصيحه اللي لها علاقه باستمرار العامه او انك تحاول حاجه تانيه ما تحاولش حاجه تانيه. لو لا قدر الله في سنه هتعيدها عيدها هي في الاول وفي الاخر سنه بس هتكون السنه دي المهم ان انت تكون اتعلمت منها انك ما تكررش ده تاني عشان ما تشيلش عواقب اللعب ده تاني بالشكل ده.
تم النشر الثلاثاء، ٢٥ يونيو ٢٠٢٤
بص يا صديقي ركز في مذاكرتك وبعد الامتحانات ابقى فكر هتعمل ايه، بس حذاري حذاري من فكرة التحويل، مش عشان صنايع وحشة هو التعليم كله تعبان، لكن هتندم
تم النشر الاثنين، ٢٤ يونيو ٢٠٢٤
وعليكم السلام ورحمة الله وبركاته! أولاً، أريدك تعرف إنك مش الوحيد اللي بيمر بالموقف ده، وفي ناس كتيرة بتعاني من نفس القلق والتوتر في فترة الامتحانات. هو موقف صعب بلا شك، ولكن فيه حلول وقرارات متعددة يمكن تأخدها. إعادة السنة: أنا فاهمة إنك مش حابب القرار ده بس أحياناً ممكن يكون الأفضل على المدى البعيد. لو حسيت إنك ممكن تستغل السنة دي بشكل أفضل وتذاكر بجد، ممكن يكون ده الطريق اللي يخليك تحقق أحلامك بعدين. تحويل ثانوية صنايع: ده خيار ممكن يكون مناسب لو انت شايف نفسك تميل للأعمال التقنية أو الحرفية. كتير من الناس نجحت في حياتها المهنيه من خلال التعليم الفني. الخروج من التعليم والتعلم الذاتي: لو عندك شغف فعلاً تجاه حاجات معينة زي العلم الشرعي أو البرمجة واللغات، ممكن تبدأ فيهم بشكل موازي مع أي خيار تعليمي تقرره. بس تذكر إن سوق العمل ممكن يكون صعب شوية بدون شهادة رسمية. قرار آخر: بالإضافة للاختيارات دي، ممكن تفكر في الحصول على مساعدة خارجية، زي مدرسين خصوصيين لترتيب وتكثيف دراستك في الوقت المتبقي؛ يعني لسة عندك فرصة تحاول ولو بسيطة. نصيحة أخيرة: استخدم الأيام القليلة الباقية في التركيز على أهم النقاط في المنهج، وحاول تذاكر بشكل مركز ومنظم. واللي هتتبعه مش لازم يكون المثالي بس اللي تشوفه الأنسب لوضعك الحالي. كلنا بنتعلم من أخطائنا، والمهم إنك تاخد خطوة قدام في الاتجاه اللي يناسبك ويخليك واثق في نفسك ومبسوط لاحقاً. أنا معاك في أي خطوة تختارها، وإن شاء الله هتنجح وتحقق اللي تتمناه.
تم النشر الاثنين، ٢٤ يونيو ٢٠٢٤
لا تستسلم ارجوك 💔
تم النشر الثلاثاء، ٢٥ يونيو ٢٠٢٤
لعرض السؤال في فدني اضغط هنا