انا عندى وسواس قهرى بعانى منه من تلات سنين وبدأ يجيلى فى العقيده والشك فى ذات الله وبتابع مع دكتور بس الأفكار دى بتضايقنى وبتاثر على حياتى مش عارفه اعمل ايه
اولا وقبل اي حاجه لازم تعرفي ان ده ابتلاء ربنا يعينك ويصبرك عليه ويعافيك ثانيا وعن تجربة بفضل الله علاجه الوحيد هو التطنيش والتجاهل وعدم الاسترسال معه وتخلي نفسك طويل متزهقيش بسرعه مجرد ما يجيلك الوسواس تقعدي تقولي امنت بالله وبرسوله وتشغلي نفسك باي عمل صالح او مباح يعني اول ما يجي الوسواس تقولي امنت بالله وبرسوله بعدين تسبحي مثلا ١٠٠ مرة او من غير عدد تقعدي تسبحي وبس مرة تانيه تقولي امنت بالله وبرسوله وبعدين تقراي صفحتين قران مرة تانيه تقولي وتطلعي صدقه وتستغفري ايه الغرض من كل ده ؟ الغرض انك تخليه يطفش ويحس ان وسوسته تزيدك حسنات وطاعات هيلاقي انه كل ما يجي يوسولك انك بتكسبي حسنات وده هو مش عايزه ابدا هو عايز يوصلك والعياذ بالله للشرك او الشك العقائدي فانت وعن تجربه اعملي ال قلتهولك ده نقطه تانيه خلي نفسك طويل يعني توقعي انك ممكن تفضلي تحاربي فيه كده مدة شهر مثلا وان شاء الله لو التزمتي قبل الشهر هتكوني بقيتي افضل كتير نقطة تالته متحسيش بالذنب ابدا رسول الله صلى الله عليه وسلم يقول ( ان الله تجاوز لامتي عن ما حدثت به انفسها لم تتكلم او تعمل به ) لان الشيطان هيشتغل على نقطة تحسيسك بالذنب وانك ازاي تفكري كده وازاي تقولي كده جوة نفسك وووووو لا متحسيش بالذنب واستمري في محاربته بالطريقه ال قلتلك عليها دي رابع حاجه حاولي تشغلي سورة البقرة وتسمعيها كويس في سماعات او تقرايها وتسمعيها كويس حتى لو مش كلها يوميا قسميها على تلات ايام لانها طارده للشيطان وللوسوسه جدا جدا جدا بس التزمي بها مده برضه شفاك الله وعافاك
تم النشر الاثنين، ١١ ديسمبر ٢٠٢٣
استعيذي بالله من الشيطان الرجيم والزمى قراءة القرآن والصلاه وادعي كتير ربنا يبعد عنك الحاجات دى واكيد دكتورك بيديكي أساليب علاجيه للموضوع ده او المعالج اللى معاكى وفيه بعض الأدعية اللى قالتها ذكيه اقترح عليكي تلزميها وربنا يبعد عنك تلك والساوس ويشفيكي
تم النشر الأحد، ١٠ ديسمبر ٢٠٢٣
تعلم كيفية تجاهل الوساوس. عندما تواجه فكرة وسواسية، حاول تجاهلها وعدم الانتباه إليها. لا تحاول مناقشتها أو التفكير فيها أو البحث عن إجابات لها. فيما يلي بعض الأذكار التي قد تجدينها مفيدة: "آمنت بالله ورسله." "أعوذ بالله من الشيطان الرجيم." "حسبنا الله ونعم الوكيل." يمكنك أيضًا قراءة القرآن الكريم، أو الاستماع إلى تلاوته.
تم النشر الأحد، ١٠ ديسمبر ٢٠٢٣
ممكن تقوليلى الدكتور اداكى اى علاج للوسواس
تم النشر الجمعة، ٢٩ مارس ٢٠٢٤
لعرض السؤال في فدني اضغط هنا