ازاى يكون عندك استمرارية ومتحفز دايما لهدفك رغم كل الضغوطات والمشاكل والمحاولات الفاشلة الكتيرة
اكتب هدفك علي ورقة وعلقها في كل جزء في غرفتك عشان كل ما تدخلها تشوفها وتتحفظ اكتر وهقولك علي حاجتين كده يفرقوا معاك ان شاءالله اول حاجه وهي مقوله بتقول (الحياة رواية جميلة لا تتوقف عند السطر الحزين اكمل لربما تكون النهاية سعيدة )والتانية بقي فرضا كده لو كنت في مشوار وراجع تعبان وعايز تنام كنت ممكن تنام في الشارع او علي سلم البيت أو عتبة البيت كل دي حاجات هتاخد منك وقت اقل بس انت اختارت السرير عشان هو اللي هيريحك ويحسسك بالأمان اكتر اللي اقصده ان كل ما الحاجه بتاخد وقت اكتر متعتها واستمتاعك بيها بيكون احلا (فتحمل 🤍)
تم النشر الخميس، ١٥ ديسمبر ٢٠٢٢
مفيش حد دايما على نفس الخط ...خط الحياة طالع نازل ..زى رسم القلب. عادى جدا انى اتحفز واهدى واتحفز اكتر واهدى تانى شوية ...وانجح واقرب من القمة وافشل وانتكس واتعب وازهق وارجع تانى انجح واحقق واعلى . اقتناعك بهذا المبدأ هيساعدك تتقبل كل المراحل وتكمل مهما حصل. الهدف كمان كل ما يكون مربوط بتفاصيل واهداف اخرى صغيرة ...ده هيخليه هدف اقوى ويشجعك متكسلش تكمل فى اتجاهه. متربطش الهدف بمجرد تحقيق نجاح تتكلم عنه وبس ...اربطه بناس بتحبك ..اربطه بنجاح ناس تانيه معاك. سؤالك بيقول انك شخص طموح ومسؤول ..متأكده انك هتنجح ان شاءالله
تم النشر الخميس، ١٥ ديسمبر ٢٠٢٢
الاهم من التحفيز .. هو الالتزام. موضوع التحفيز والتشجيع والشغف لا يدوم معك طوال اليوم. الموضوع ده مستحيل، لأنه ضد طبيعة كونه أنك إنسان اساسا. الإنسان بيمر على مر اليوم بالحاجات اللي قولتها ديه كلها .. ضغوطات وصعوبات، وفرح وحزن أو مشاعر عادية، أو تحفيز أو تشجيع. مستحيل تقدر تكون في حالة واحدة فقط طول عمرك، أو طول اليوم، لأن ديه الطبيعة الإنسانية لأي حد. امال ازاي يعني اوصل لهدفي أو الحاجات اللي عايزاها؟ هو الالتزام والمسؤولية، هقولك مثلا انت لو عندك امتحان وعليك أنك تذاكر انت عارف عواقب عدم مذاكرتك طبعا .. ولكن في نفس الوقت انت مش متشجع، ومش متحفز أنك تذاكر، بس انت عارف برده أنك لو مذاكرتش مش هتنجح ... صح؟ تحملك للمسؤولية والالتزام هنا بيلزم عليك أنك تذاكر حتى لو انت مش متحفز أو مش متشجع. عارف! بعد ما تعمل الحاجه ديه هتحس بإيه؟ هتحس بإنك متشجع .. انت لازم علشان تاخد لازم تدي؟ صح يعني انت تدي مجهود تاخد تشجيع .. تاخد حماس ... هتفوا لنفسك ايه ده معقول أنا ذاكرت في وقت اساسا مش طايق الكتاب! ولكن مع ذلك أنا قدرت اني اذاكر .. عليان اوصل ل اللي أنا عايزه، علشان ورايا التزامات ومسؤولية. الزم نفسك .. وحدد أولوياتك وأهدافك. بتمنى ليك كل التوفيق
تم النشر الأربعاء، ١٤ ديسمبر ٢٠٢٢
المهم عشان تستمر انك تلزم نفسك بالحاجه اللي بتعملها .. كل حد فينا بيلتزم بحاجه معينه زي التشجيع / انك تكافئ نفسك كل ما تنجز حاجه معينة/ انك تدفع فلوس في كورس مثلا ف بالتالي هتلتزم بيه/ ان يبقى معاك حد وفي تنافس بينكم/ انك تعرف حد معين مهم بالنسبالك وتخاف يعرف انك بطلت مثلا تعمل الحاجه دي ف يزعل منك .. وهكذا . جرب وشوف انت ايه اللي بيخليك ملتزم بأي حاجه وتكمل فيها واشتغل عليها. في جميع الاحوال طبيعي اننا نقع يوم او اتنين .. المهم الفترة دي متطولش ونرجع نكمل تاني ف اقرب وقت. طبيعي يبقى في عقبات تقابلك ف اللي بتعمله او ضغوط من بره تخليك متكملش .. لكن كل ما حاولنا نتعامل مع العقبة دي بشكل اسرع واحنا مكملين او لو وقعنا يوم ولا يومين مش مشكلة .. خليك متصالح مع الفكرة دي. اي محاولة مكتملتش او منجحناش فيها بالطريقة اللي عايزنها بنكون اتعلمنا منها حاجه او فهمنا منها ف مفيش مشكلة ابداً من ان ده يحصل وحتى لو اتكرر عادي طالما بنتعلم وبنكتسب خبرة وبنفهم اكتر. ربنا يوفقك.
تم النشر الأربعاء، ١٤ ديسمبر ٢٠٢٢
حط هدفك قدامك في مكان تواجدك ، خليك فاكره دايما وانك هتتعب عشان توصل بحلمك دا ، قرب من ربنا واسمع قران واحفظ وصلي ، حياتك هتبقى احسن
تم النشر الأربعاء، ١٤ ديسمبر ٢٠٢٢
لعرض السؤال في فدني اضغط هنا