انا شاب خاطب بنت محترمة و حافظة لكتاب الله
المهم خطبتها و حبيتها بسرعه جدا و هيا كمان حبتني و خدنا علي بعض جدا و المساحات بدأت تقل جدا و فجأه لقينا نفسنا بنتكلم مع بعض بطريقه تغضب ربنا
فرملنا مرة و اتنين ورجعنا بعد فترة نتكلم بنفس الطريقه ،، لحد ما في مره ابوها قام من النوم و كنا بنتكلم عادي مكانش في اي كلام وحش بس هو تقريبا اصر يشوف الشات و الشات طبعا زي ما قولتلكم ،
المهم انا ندمان جدا و لان ابوها كان بيحترمني جدا لأني المفروض ملتزم بس الذنب للأسف مفيش عليه كبير و خايف جدا انه يفركش ،، انا تبت لربنا من الذنب دا و عزمت اني مرجعش له تاني ،، وو الله نيتي اني اتجوزها و بحبها ،،بس انا مرعوب من انه يفركش الخطوبه لأني بحبها جدا 💔
تفتكروا الأمور هتمشي ازاي
ما بيردش علي تليفوناتي خالص
يارب سلم 💔💔
ان كانت من نصيبك هتبقى ليك مهما كان الأمر لكن لو ما حصل نصيب فأهم شيء إنك تعلمت شيء مهم جدا جدا وتوبت وكونك قولت انك ملتزم فلازم كنت تعرف ان من ضوابط الخطوبه وجود محرم اثناء الكلام يعنى كان لازم لو واتساب تبقى جࢪوب ومعاكم حد وده اصلا لا يفضل لان الكلام من بيتها احسن لها وقدر انها بنت ناس فكل كلمه بتقولها ليها هي اجنبيه عنك يعني ما ترضى لاختك كدا فما ترضا ليها كدا واعرف إن الرسول حذرنا وقال " لا يخلون رجل بامرأه الا والشيطان ثالثهما" كونك اكتشفت الخطأ وتعدل بيه نفسك هو اهم حاجه حصلت ليك انك تعلمت وفهمت قيمه بنت الناس سواء معاها او غيرها تعامل بما أمر الله به
تم النشر الثلاثاء، ٥ نوفمبر ٢٠٢٤
بص الحمد لله رب العالمين إنكوا فرملتوا وده حصل طبيعي اللي حصل غصب عنك أنت وهي أهم حاجة تعتذر بشكل مباشر لباباها وتحاول تقنعه أو تجيب حد من الكبار من عيلتك بتثق فيه يقنعه بسرعة الجواز دلوقتي وهي تتفق معاها قدام باباها
تم النشر الأربعاء، ٦ نوفمبر ٢٠٢٤
مفيش حل غير انك تعتذر كتير وتقوله قد ايه انت متمسك بيها ومش هتسيبها وتروحله في كل مكان يروحه مكان شغله او اي مكان واتحايل عليه انه ميزعلش وان اللي حصل عمره ما هيتكرر وطبعا انت غلطان حط نفسك مكانه لو عرفت ان خطيب بنتك ببحاول يستدرجها لحاجات مش كويسه انت هتعمل جريمه فأحمد ربنا انه معملش كدا
تم النشر الأربعاء، ٦ نوفمبر ٢٠٢٤
حاول ف اقرب وقت انكم تتجوزوا ده انسب حل ليكم وهيحصنكم من الحرام عشان انت اجنبي عنها والحب والشوق كل دي مشاعر غصب عنكم بس تكون ف الحلال وربنا يجمعكم مع بعض علي خير بس حاليا حاول تقرب من والدها اكتر ومن غير ما تكلمه ف الموضوع ده يعني بس حاول تعتذر بطريقه غير مباشره عشان ميقولش كلام يزعلك وده اب وبيغير علي أهل بيته وبينته اي حد مكانه ممكن كان ياخد إجراء بدون تفكير ويعمل مشكله بس انت ابدا من عندك وحاول تلتزم بضوابط الخطوبه علي قد ما تقدر عشان ربنا يباركلكم ده غير أن والدها اكيد بيتابع الشات بينكم كتير
تم النشر الثلاثاء، ٥ نوفمبر ٢٠٢٤
أخي العزيز، أشكرك على مشاركتك لمشكلتك، وأتفهم تمامًا مشاعرك التي تشعر بها حيال الوضع الحالي. هذه مرحلة دقيقة من الحياة، ويجب التعامل معها بحكمة وصدق أولًا، من المهم أن تتذكر أن الله غفور رحيم، وأن التوبة النصوحة تجب ما قبلها، لذلك عليك أن تثق في توبتك وعزمك على عدم العودة لذلك السلوك. في مثل هذه الحالات، تقديم الاعتذار الجاد والصادق لأهل المخطوبة قد يسهم في حل الأمور، فالتواصل بصراحة وإيضاح نواياك وخوفك من فقدانها يمكن أن يكون خطوة إيجابية. ثانيًا، حاولا أن تتفقوا على كيفية التواصل بطريقة مُلتزمة تحترم حدود الخطوبة وتكون مبنية على الثقة والاحترام. إذا كان والدها يثق بك، فبالتأكيد سيفكر في مصلحتها وسيره باحتواء الأمر بعد فهم الصدق لديك. حاول أن تكون صبورًا وأن تترك مجالًا لهم للرد على مكالماتك. تفهم وجهة نظرهم وتعامل معها باحترام، ولا تنسَ الدعاء أن يُصلح الله ما بينكم وأن ييسر أموركم. فالله قريب من عباده يستجيب دعواتهم في الأوقات العصيبة. في النهاية، تذكر أن الحب يتطلب العمل والتضحيات، وأنت الآن بحاجة إلى إثبات نواياك من خلال الأفعال. ابدأ بالتحلي بالصبر والصدق، وعسى أن تسير الأمور إلى ما ترغب فيه بإذن الله.
تم النشر الثلاثاء، ٥ نوفمبر ٢٠٢٤
قابله وحاول تفهمه ان البني ادم بطبعه خطاء وضعيف وانك هتستعجل فالجواز عشان تصلح الغلط وحاولي تصلح صورتك قدامه عشان دا هيبقا جد اولادك قدام
تم النشر الأربعاء، ٦ نوفمبر ٢٠٢٤
افتح قناة جديدة للتواصل بين إحدى قريباتك ووالدة الفتاة من أجل تلطيف الجو
تم النشر الثلاثاء، ٥ نوفمبر ٢٠٢٤
مش هكلمه انا بالمعامله هسيب الايام تصلح و ترمم الموقف دا
تم النشر الأربعاء، ٦ نوفمبر ٢٠٢٤
اصبر عليهم شويه
تم النشر الأربعاء، ٦ نوفمبر ٢٠٢٤
هحاول
تم النشر الثلاثاء، ٥ نوفمبر ٢٠٢٤
لعرض السؤال في فدني اضغط هنا