السلام عليكم اتمني تكونو بخير يارب ورمضان كريم عليكم هو ان كنت عايزه اسال في حاجه علشان ان بجد الموضوع ده تعبني اووووي هو ان لمه مثلا يعني باجي اصلي او يعني اقرب حاجه حصلت لسه دلوقتي حالا بصلي العشاء والترويح وبصلي الترويح من المصحف ومندمج وفجاء تيجي حاجات في مخي كانها شريط بيتعاد قدامي زي زنب عملتها زمان ندمان عليها غلطه غلطها يعني احس اني هو بتصلي ليها هل هيقبل صلاتك الافكاره دي والحاجات دي مبتجليش غير وان بصلي وان بقراء قران وان مبسوطه بس كده مع اني مش عارفه ليه كده حته ان ملتزمه في صلاتي والقران بسمعه دايما اللي مجنني هو اللي نفترض اللي حصل ده وسواس من شيطان يعني حته احنا في رمضان بجد اتمني تفدوني مش عارفه هتفهمو كلامي ده ولا لا
الشيطان اللى بيتحبس فى رمضان هو شيطان الجن ( ابليس) شيطان النفس بقي اللى بتبقي وساوس دى من الجزء الشرير اللى فى نفوسنا.....ده بقى معانا ومكمل عادى فى رمضان. هو ده بيبقي السبب فى اللى بيحصل معاكى ...استعيذى بالله من شيطان النفس واسألى االله ان يتولاها وحاولى تقرأى بصوت عالى القرآن وتفكرى ف الايات اكتر
تم النشر الخميس، ٦ أبريل ٢٠٢٣
وعليكم السلام ورحمة الله وبركاته. رمضان كريم وكل عام وأنتِ بخير. فيما يتعلق بوساوسك الخاصة بالصلاة، يجب عليكِ أولاً أن تتذكري أن الشيطان لديه هدف واضح وهو البعد عن الله. لذلك، يبذل كل جهده لمنعنا من الاقتراب من الله بطريقة أو بأخرى. الأفكار التي تأتي في ذهنك خلال الصلاة لا تعكس جقائق الأشياء ولا يجب عليكِ القلق بشأن قبول الصلاة. إن كنتِ تحاولين إقامة صلاة الليل والتراويح والقراءة من المصحف، فأنتِ تبذلين جهدًا كبيرًا للتقرب من الله، وهذا بحد ذاته يعني أنك في الطريق السليم نصيحتي لكِ هي التركيز في الصلاة و عندما تشعرين بأية وسواس، فما عليكِ إلا تذكري "أنا عند ظن عبدي بي"، وسيساعدكِ هذا على التركيز مجددًا على صلاتكِ.
تم النشر الأربعاء، ٥ أبريل ٢٠٢٣
ما هو فعلا وسواس من الشيطان ... يعني طبيعي جدا اننا اساسا كلنا بنعمل ذنوب .. احنا بشر بنعمل ذنوب وبنتوب وهكذا هي ديه الحياة ... واحنا مش ملايكة. ف طبيعي ان الواحد يرتكب ذنوب الانسان فيه الشر والخير، فيه الحلو والوحش ... وانتي خلاص دبه حاجات عدي عليها وتوبتي ف ايه المشكلة ؟ صلي واعملي كل اللي بتعمليه عادي .. وطالما توبتي واستغفرتي ربنا هيقبل توبتك. الشيطان بيروح ل اللي بيحاول يبقى احسن .. ل اللي ايمانه عايز يقويه .. وانتي بتجاهدي وعايزة تبقى قريبة من ربنا. متخليش الشيطان يسيطر عليكي وكملي في اللي انتي فيه مع ربنا.
تم النشر الأربعاء، ٥ أبريل ٢٠٢٣
علي فكره دا بيحصل مع كله انا لما بكون بذاكر مثلا واندمجت في المذاكرة بلاقي صوت جوايا بيقولي فيه حاجه معينه انت كنت عايز تعملها و ناسي ف قوم اعملها وهكذا وهكذا دى وساوس اتغلبي عليها
تم النشر الخميس، ٦ أبريل ٢٠٢٣
لعرض السؤال في فدني اضغط هنا