انا معرفش اي معلومه حرفيا ف الطب النفسي. بس عايز اقولك ع نقطتين. بس الاول، هل فعلا ممكن يكون عندك اصابة نفسيه؟ اه قد يكون وقد لا يكون، الي هيشخصك خبير ف الطب النفسي. النقطتين اول نقطه / متتسرعيش ف الحكم ع نفسك ان ف انفصام او انك بتتخيلي ناس تتكلمي معاهم او تحكمي ع نفسك باي حاجه، لان الحالة الي بتتكلمي فيها دي، بنسميه ف القانون شخص غير قادر ع ادارة حياته وبنحجر عليه وبيتعينله حد زي الوصي كدا. فمتظلميش نفسك بنفسك بالحكم عليها، خلي دكتور نفسي هو الي يشخص حالتك، ودا اضعف الايمان. انا بثق ف الطب اه بس مش بنسبة ١٠٠ ف ١٠٠، الا لو كان دكتور شاطر وامين فعلا وبيسال ف تفاصيل والتجارب الي مريتي بيها. تاني نقطه / انتي ممكن تكوني مريتي بتجربة نفسيه صادمة ولسه مش قادرة تتعافي منها، فبتخلي عندك احيانا مشاعر متضاربة، انا اوقات بفتكر حد او ذكري معينه او اشوف صوره المهم الذكري كانت سعيده فبضحك او ابتسم وبعدها بدرك ان الشخص دا معتش موجود فبزعل وبكتأب، يعني ضحك وعياط ف نفس الوقت، بس مقدرش اقول ع نفسي اني عندي انفصام شخصية، وكل الحكاية انك متجاوزتش الفقدان وف الم نفسي شديد، مشاعر متلخبطه. المهم يعني انه ممكن ميكنش عندك انفصام.
تم النشر الأربعاء، ١٣ ديسمبر ٢٠٢٣
1 تعليق
ايوا فعلا كلامك صح🙂
تم النشر الأربعاء، ١٣ ديسمبر ٢٠٢٣
لعرض الإجابة في فدني اضغط هنا
عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك