السلام عليكم هو ازاي الواحد ممكن يطور من نفسو ويكتشف مهاراتو لأن انا دلوقتي عندي 22 سنه واتخرجت الحمدلله ومش عارف مهاراتي ايه ولا عارف انا عاوز ايه ولا هعمل ايه في المستقبل وحاسس اني تايهه علطول اظن ان فترة الشباب دي اصعب فتره بتمر علينا وبنبقا مش فاهمين احنا عاوزين ايه افيدوني جزاكم الله خيراً
حاول شوف اتجهاتك لايه هل فى هوايه معينه انت بتحبها ابدأ فيها ثانيا مارس الرياضة لانها هتحسن من تفكيرك وهطور عقلك اى رياضة مش لازم حاجة معينة ولو بدأت تقرأ ده هينمى عقلك وهيعلمك ازاى تاخد قرار كويس فى حياتك ومتنساش التقرب الى الله بالقرأن والصلاة وربنا هيرزقك خير
تم النشر الأحد، ٤ أغسطس ٢٠٢٤
انك تحاول تطور من نفسك دى حاجة جميله جدا ومميزه. حاول تشوف ايه الحاجات اللى لما بتعملها بتحس انك أنجزت فيها وعلطول بتحس بسعادة كبيرة لما بتقوم بيها. اكتب انت بتعرف تعمل ايه ، ايه المجالات اللى بتفهم فيها. حدد هدفك ايه وشوف اللى ممكن تكون محتاجه علشان توصل لهدفك ده وتطوره.وايه الحاجات اللى ممكن تقف امامك وازاى تتجنبها. لو ليك صديق مقرب ليك أو أحد أقاربك حاول تسأله عن نفسك أو ايه الحاجات اللي بتبقى مميز فيها لانه هو شايفك عن قرب اكتر والموضوع ده هيكون سهل بالنسبه ليه أنه يحدده. كل واحد فينا عنده مهارة.اكتب ايه اللى بتحس نفسك شاطر فيه وبتعرف تتقنه وبتفهمه كويس ونميه سواء بكورس مثلا المهم انك تطوره لانه ممكن يبقى مجال عملك مستقبلا انت اللى هيقدر تحدد كل ده بس اهم حاجه الإرادة.لازم تكون إرادتك قويه علشان تقدر تكمل مشوارك وتطور نفسك وتكتشف مهاراتك. وافتكر دايما أن ربنا معاك في كل خطواتك وبيساعدك وانك قوى وهتقدر 🌷
تم النشر الأربعاء، ٣١ يوليو ٢٠٢٤
وعليكم السلام! أول حاجة، حابب أقولك إن اللي بتحس بيه طبيعي جداً، ومش لوحدك في المشاعر دي. فترة العشرينات فعلاً ممكن تكون محيرة، لكن في شوية خطوات ممكن تساعدك تكتشف نفسك وتطور من مهاراتك. تجربة حاجات جديدة : حاول تتجرب مجالات مختلفة. مثلاً، ممكن تشترك في ورش عمل أو دورات تدريبية في حاجات بتحبها أو حتى حاجات جديدة تماماً. ده هيساعدك تلاقي شغفك ومهاراتك. كتابة قائمة : اكتب قائمة بالحاجات اللي بتحبها أو الحاجات اللي حسيت إنك متميز فيها. لو عندك هوايات معينة، ممكن تبدأ تدرسها بشكل أعمق. التواصل مع الآخرين : اتكلم مع أصحابك، أو عائلتك، أو حتى أساتذتك. شوف رأيهم فيك، يمكن يقدروا يشوفوا مهارات عندك أنت مش واخد بالك منها. وضع أهداف صغيرة : عشان تحس بالتحكم، حاول تحدد لنفسك أهداف صغيرة. مثلاً، تقرأ كتاب في موضوع معين أو تتعلم مهارة جديدة في كل شهر. التمرين على الوعي الذاتي : حاول تقعد مع نفسك شوية كل يوم وفكر في اللي أنت بتحبه، واحتياجاتك، وأحلامك. ممكن تعمل دا عن طريق الكتابة في يومياتك. اهتم بنفسك وخلّي عندك صبر، كل حاجة هتيجي في وقتها. وفي النهاية، افتكر إن رحلة الاكتشاف مستمرة! لو محتاج أي مساعدة أو نصيحة تانية، أنا هنا. بالتوفيق! ✨
تم النشر الأربعاء، ٣١ يوليو ٢٠٢٤
عليكم السلام البداية برأيي ستكون من المسار المهني، هل ستتوظف أم ستفتح مشروعًا أم ماذا قررت؟ ومن هنا ستبحث عن المهارات التي تساعدك في المجال الذي تختاره. هذا بشكل متخصص. أما المهارات العامة التي ستفيدك في كافة المجالات فهي اللغة، المهارات الناعمة، الحاسوب، الذكاء الاصطناعي، وسيكون من الرائع لو حاولت فهم مجال العمل الحر لربما وجدت لنفسك فيه مكان. بالتوفيق.
تم النشر الأربعاء، ٣١ يوليو ٢٠٢٤
لعرض السؤال في فدني اضغط هنا