عندي 16 سنه بروح تمرين لرياضه قتاليه
وبروح جيم علشان يساعدني شويه بدفع فلوس الجيم من مصروفي بحوشه وامي بتدفع الرياضه اللي بلعبها
لكن مشكلتيف الاكل
انا مش تخينه ولا رفيه لكن بسعي اني اوصل لجسم مثالي يساعدني ف الرياضه دي
لكن انا ياما اكل كتير ياما ماقولش خالص
واكل اللي ف البيت بيبقي ف الاغلب غير صحي زي العيش والمكرونه والبطاطس المحمره
وف نفس الوقت مش هعرف اجيب لنفسي تونه مثلا بدل الحاجات الغير صحيه دي وتوست بدل العيش
وعارفه ومدركه ان النظام الغذائيه عامل كبير جدا ف تحول جسمي مع التمارين
ف محتاجه حل (اهلي مش هيدفعوا غكتر من كده دروس واللعبه اللي بلعبها)عايزه اوصل فيها لمستوا جامد
ارخص بروتين عندك هو الجبنة القريش .. وديه ممكن تعمليها بطريقة تكون كويسة لو مش بتحبيها. اعمليها سلطة، وبيبقى عليها مثلا طماطم، خيار، فلفل، بقدونس .. واي ورقيات بتحبيها وممكن تحطي عليها خل بيديها طعم حلو والشطة كمان لو بتحبيها. وكذلك البيض يبقى اساسي ف يومك وممكن عادي تلكيه بدون عيش. انتي ممكن عادي متاكليش عيش خالص ع فكرة الا كل فترة والتانيه .. يعني اي خضار تاكليه بالمعلقة، والبيض والجبنة القريش بالسلطة .. كل دول بالمعلقة. وكلي عادي لحمة وفراخ... طيب لو ماما هتعمل بانيه انتي تاكلي ايه؟ خليها تحط البانيه ف الفرن يعني يكون مشوي بدل مقلي. البطاطس تكون فرن بدل محمرة. المكرونات .. او الباشيميل خلي ماما تخلي جزء ليكي لحمة مفرومة وانتي تعملي بيها اللي انتي عايزاه .. ممكن تعملي بيه محشي كوسه او فلفل زي ما انيت عايزه. وممكن كفته، وممكن تعملي شكشوكه .. وممكن تعملي مسقعة. فيه بدائل كتير جدا تقدري تستخدميها، المهم طريقة الاكل، والاكل نفسه ممكن يبقى ايه.
تم النشر السبت، ٢١ أكتوبر ٢٠٢٣
انتى محتاجة بروتينات وخضراوات البروتينات اللى من البقوليات كويسه حتى لو اخدتيها مع سلطة هتكون مناسبة العيش الاسمر بتاع الفرن الشعبى افضل من التوست اصلا كل دى حاجات مش هتكلفك واهم حاجه وجباتك تكون متوازنه وكمان منتظمه ...لكن الحبه اه وحبه لا ...يبقى حتى لو بتاكلى اكل بمصاريف عاليه مش هتاخدى النتيجة اللى انتى عاوزاها
تم النشر الجمعة، ٢٠ أكتوبر ٢٠٢٣
فيما يلي بعض الأطعمة الصحية التي يمكنك إضافتها إلى نظامك الغذائي: الفواكه والخضروات: الفواكه والخضروات غنية بالعناصر الغذائية الأساسية، مثل الفيتامينات والمعادن والألياف. البروتين: البروتين ضروري لإصلاح العضلات ونموها. مصادر البروتين الصحية تشمل اللحوم الخالية من الدهون والأسماك والبيض والدواجن والبقوليات والمكسرات والبذور. الحبوب الكاملة: الحبوب الكاملة غنية بالألياف، والتي تساعد على الشعور بالشبع وتقليل خطر الإصابة بأمراض القلب والسكري. الدهون الصحية: الدهون الصحية ضرورية لصحة الدماغ والقلب. مصادر الدهون الصحية تشمل زيت الزيتون والأسماك والأفوكادو والمكسرات والبذور. فيما يلي بعض الأطعمة غير الصحية التي يجب تجنبها: السكريات المضافة: السكريات المضافة تساهم في زيادة الوزن وأمراض القلب والسكري. الدهون المشبعة والدهون المتحولة: الدهون المشبعة والدهون المتحولة تزيد من خطر الإصابة بأمراض القلب. الملح: الاستهلاك المفرط للملح يمكن أن يؤدي إلى ارتفاع ضغط الدم. بالإضافة إلى إجراء تغييرات على نظامك الغذائي، من المهم أيضًا التأكد من حصولك على قسط كافٍ من النوم. النوم ضروري لإصلاح العضلات ونموها.
تم النشر الجمعة، ٢٠ أكتوبر ٢٠٢٣
ايوا زيها
تم النشر الأحد، ٢٢ أكتوبر ٢٠٢٣
والله انا كمان كده من وانا 12 سنه انا دلوقتي عندي 17 ولسه بعاني ونفس ظروفي انتي بالضبط بس انتي حاولي تسالي العطار علي مثلا بذور السيليلوم بتشبع جدا وهي هتخليكي تشبعي لوحدك وحاولي تقولي لمامتك مثلا متحطلكيش ف طبقك اكل تقيل وكتري سلطات وسناكس سعراتها قليله واشربه مايه كتير وهاتي تمارين يوتيوب زي الجيم بالظبط واحسن وربنا يوفقك
تم النشر السبت، ٢١ أكتوبر ٢٠٢٣
انتى ما تاكليش اى شيبسيات قليلى الحلويات كل كل حاجه عادى بس بكميه بسيطه على الاكل قبل الاكل اشربى مياه لما تاكلى املى تلتين المعده ووقفى اكل من بعد المغرب
تم النشر الجمعة، ٢٠ أكتوبر ٢٠٢٣
زي بذور الشيا كده ؟
تم النشر الأحد، ٢٢ أكتوبر ٢٠٢٣
لعرض السؤال في فدني اضغط هنا