مشكلتي اني مش بعرف اعبر عن حزني وبكتم جوايا كل حاجه لاني لما كنت بحاول ديما كنت بتفهم غلط او بيسكتوني
فاغصب عني مبقتش بعرف اشكي او احكي ومهما حاولت أو قولت في جزء مبعرفش اقوله واعبر عنه بحس ان ليا نسخ كتير مني لكن ولا واحده فيهم هي انا.
انا كنت علي طول راضيه وصابره بس في الوقت الحالي مبقتش مرتاحه ولا راضيه ولا صابره.
بحس ان كل اللي اعرفهم وحواليا بيتقدموا وانا لسه في مكاني من يوم ماتولدت،مهما حاولت بفشل او حاجه بتمنعني قبل تخرجي كنت متحمسة اني اشتغل وبدور علي شغل،حاليا بقيت اخاف اشتغل او اقدم عشان مش هرتاح او مش هنجح.
عايزه ارتبط وبعدين بلاقي نفسي تلقائيا بتقفل وببعد عن اي حد بيقرب مني.
عايزه اعمل حاجات تانيه كتير لكن كل يوم بينتهي بيا في مكاني،حتي مبقتش متقبلة نفسي ولا شكلي ومهما حاولت بطلع عيوب في نفسي واني عمري ماهبقي كفاية لحد او لنفسي مش بحب نفسي عشان احب حد.
بقيت احس لو حاجه بقولها او عيب اشوفه في حد بيتنقل ليا تلقائي وبعمله.
بقيت احس بحقد مني علي اللي حواليا لو عملوا حاجه لاني مش زيهم،احساس ديما اني ديما ناقصه حتي اقرب ناس ليا بيشفوني كده!!
انا تعبت من الاحساس ده مبقتش ابص لنفسي في المرايا كتير ليا او لجسمي او اتصور.او اخرج مع صحابي.لاني مش مهمة لحد اني ديما مرتبة تانية او خامسة.
بعيدا عن احساسي اني كنت فاشلة درسيا رغم اني متخرجه من الجامعة بس اني فاشلة لاني مجالي ملوش وظايف كتيرة
انا بقيت كارهة كل حاجة وبقيت عايشه وخلاص واني ممكن اموت او اتخلص من نفسي بعد شهر بعد شهرين يمكن علي عيد ميلادي.
مش لاقية حل ومعرفش اعمل ايه؟؟!
بعيدا عن الاهل كمان ومشاكلهم والبيت...
شكرا لحضرتك على المشاركة بصي جواكي شوفي محتاجة ايه وتقدري علي ايه في احتياجات جسدية زي الاكل والشرب والنوم في كمان احتياجات نفسية زي العلاقة الروحانية التقدير الاحترام الاهتمام حب غير مشروط وهكذا اكتبي فورقة الاحتياجات وتقدري تلبيها منين او ازاي وفي كمان ان يكون في معني كبير لحياتك تعيشي ليه تحاولي تحققيه هدف يفيدك انتي فحياتك او فأخرتك دوري مع نفسك عن الحاجات دي ومتهربيش منك التغيير صعب بس مش اصعب من الوضع اللي انتي بتقولي عليه
تم النشر الخميس، ١٦ مايو ٢٠٢٤
مشكلتك لمستني نصًا ف كل كلامك وجزء كبير منها هو معي في للوضع الحالي وا حتى معي بشكل مزمن ولا أرى في أمري من شئ الا اننا جينا الدنيا دي م غير مشاكل فبالتالي هنمشي منها نفس الشئ اذا المشاكل دي وان كثُرت فهى دُنيا وستفني لا ألقى وسيلة إلا أن الإيمان هو وسيلتك الوحيده لجعل الأمور هيّنه على قلبك مشاكل بالعمل خُلِق الإنسانُ ل يسعى اسعي ورا الشغل مهما ان كان فين ربنا هيتقبل ده وحياتك والمشاكل واللي واللي هو اللي بيجيبلك ضغط ع نفسك ويخليكِ تقولي كلام ز اللي ف البوست ده توجهي لله وكفى به وكيلًامتفكريش افكير زايد ف الامور دي هو اللي بيط
تم النشر الاثنين، ١٣ مايو ٢٠٢٤
كل المشاكل اللي حضرتك بتمري بيها ليها حل ولكن الحل محتاج بعد التقيم تدريب ،لو قولنا مثلا محتاجه تفهمي مشاعرك وتدربي علي مهارات تنظيم المشاعر وادراك بعض أخطاء التفكير واصلاحها ... الخ كل دا جميل بس محتاج طريقه وخطوات ثابته ودا هتلاقيه من خلال جلسات الإرشاد أو العلاج النفسي
تم النشر الأحد، ١٢ مايو ٢٠٢٤
بطل تفكير فكل دا انتي معيشه نفسك فوهم انتي جميلة وموهوبة وذكية مش لازم يكون شكلنا حلوين عشان احنا كدا كدا حلوين ربنا خلقنا فأحسن حال ثقي بربنا وقربي منه انتي ايمانك ضعيف اوي لازم تقويه وتقربي من ربنا وتسمعي خطب لشيوخ وشوفي اي شغل او افتحي اي مشروع ممكن تنجحي ولو منجحتيش حاولي تاني وتالت وعاشر المهم متسبيش نفسك للوسواس والوهم والتفكير السلبي دا وفكري دايما بإيجابية يا سكر وبس كدا
تم النشر الاثنين، ١٣ مايو ٢٠٢٤
لعرض السؤال في فدني اضغط هنا