محتاج افضفض شويه
في الشركه اللي أنا فيها معجب بوحده مش عارف بحبها ولا لامش عارف ده اعجاب ولا لا بس اللي عارفه اني مش حابب اشوفها زعلانه او حد يجي عليها بخاف عليها من اي كلمه ممكن تضايقها، عاندت مع مديري عشانها لما حسيت انه عاوز يجي عليها ( احنا انتاج هي جوده فعكس بعض)
بس هي منفتحه شويه كتير، يعني بزهق لما تكون بتسلم علي الكل وداخلة شويه في الناس ممكن يكون بحدود برضو مش زياده عن اللازم بس انها مثلا تركب عربيه مع مدير صيانه ايوا هو كبير واصلا هو بيدافع عنها في مشاكل مصنع واخرهم بحدود اوي بس موضوع مزهقني شويه
+هي ساكنه في مكان ارقي شويه من اللي أنا فيه والمكان ده طبقات معينه اللي بتعيش فيه...
أنا حاليا رايح شغل في شركه تانيه وزهقان بصراحه اني مش هشوفها تاني حقيقي حرفيا كانت الحاجه الوحيده اللي بتحلي يومي كل يوم مع اني مش بشوفها الا قليل اصلا
وساعدتها في حاجات برضو بحيث اعرف اتكلم معاها اكتر
عجبني فيها اوي انها طيبه جدا جدعه بتحب الخير اوي بتسامح اوي شاطره جدا جدا وبعشق فيها انها متفاهمه جدا جدا لابعد حدود ويلا نتناقش واقنعتني خلاص تمام هعمل كدا
فبصراحه مش عارف اعمل ايه انا زهقان اوي
واضح ان فيه فروق في التفكير والنشأه يعني انت متضايق انها منفتحه في تعاملها وهي اكيد شايفه ان دي حاجه عاديه وطبيعيه جدا لو كنتوا سوا في علاقه رسميه هل هتقبل انها تسلم وتتعامل زي كده ولا لا وهل هتقبل انها تتعامل باريحيه وتتناقش مع ده ومع ده وانت شايف مستقبلك معاها ازاي لو مش متأكد من كل ده ياريت تشغل نفسك بشغلك وتنسي
تم النشر السبت، ٣١ أغسطس ٢٠٢٤
السلام عليكم و رحمه اللّٰه و بركاته اقعد مع نفسك و فكر انت فعلا بتحبها ولا لاء و لو إني شايفه ان كل دي علامات على حبها فعلاً بس بردو لازم تقعد مع نفسك و تفكر دي الي حابب تكمل معاها حياتك ولا لاء و لو الإجابه اه مستني إيه ؟ صارحها بمشاعرك و هي هتفهمك خصوصاً انك بتقول انها بتحب النقاش بس طبعاً لما تصارحها بمشاعرها ف اقصد هنا انك تتقدملها لو اجبتك انها هي كمان بتبادلك نفس المشاعر طبعاً، لو مش قادر ع فكره الزواج ف أجل فكره انك تصارحها بمشاعرك عشان متدخلوش ف علاقه محرمه و أهم حاجه تكون معرفها ظروفك إزاي و إن مش شرط تكون قادر انك تجيبلها شقه في نفس المستوى الي هي فيه كون صريح معاها ف كل حاجه و في مشاعرك و هي اكيد هتفهمك و اتمنى لك التوفيق
تم النشر الجمعة، ٣٠ أغسطس ٢٠٢٤
اسأل نفسك سؤالًا واحدًا: ما الذي يمنعك من التقدم لها الآن؟ لو كان المانع هو الجانب المادي، فهل هو عامل فيصلي أو لديك حلول، كان تحاول توفير المستوى المادي الذي ينقص عن مستواها حاليًا. بالنسبة للسلوكيات وطريقة الملابس فلا يمكنك الجزم إذا ما كانت ستقبل بالنصيحة في فعل ما تراه أنت صحيحًا أم لا، لكن في الغالب الأعم الإقبال على شخص لا يتطابق مع قناعاتك من البداية سيحتمل المخاطرة.
تم النشر الخميس، ٢٩ أغسطس ٢٠٢٤
لو حاسس أنها ممكن تبقى زوجتك وكان في مقدرتك التقدم لخطبتها في الوقت الحالي توكل على الله ٠ لو الإجابة لا يبقى حاول تنساها هتلاقي نفسك استرحت كثيرا
تم النشر الخميس، ٢٩ أغسطس ٢٠٢٤
لعرض السؤال في فدني اضغط هنا