انا شاب صغير وشاكك اني موسوس بطريقة بشعة مشكلة مثلا وانا بكلم عادي لو قلت كلمة على شخص كلمة عادية او اكلمت في العموم اقعد افكر في الكلام الي قلتله واشك في نفسي اني قلت غيبة وانا اصلا مقولتش غيبة ولا حاجة
لو بكلم عادي او حصل موقف عادي مع أهلي واحس ان موقف ده عقيت فيه أهلي او انا ماشي في شارع بغض بصري بوسوس اوي في غض البصر حتى لما سألت معلمي في المسجد قال اني متكهربش لما اشوف بنت او مثلا مزحت مثلا فيجيلي وساوس اني بستهزء بالدين
حاجات كتير وكنت بتوب في اليوم كتير في أيام كنت بتوصل فيها اني بتوب ٤ مرات في اليوم وفي الأول اصلا كان في وساوس قهرية في العقيدة بس انا دلوقتي يعني مبقتش مهتم يعني فمش قلقان اوي مش وساوس بتاعت العقيدة
مثلا لو كنت باكل واتبقى بواقي حاجة بسيطة خالص بوسوس فيها والهمة بتاعتي وحشة دايما وكل ما ارفعها بتنزل بسرعة والحالة دي معايا من بداية قربي من ربنا بالنوافل وبليل برضو بخاف لما اكون لوحدي بليل وخيالي بيسرح ومش بصلي بتركيز بصلي وانا قلقان وفي الدعاء في سجود برضو
وموضوع برضو انا تعبت فيه بجد ومسببلي قلق واصلا مش عايز اكلم فيه عشان محدش يحتقرني بس هقوله يعني اني باخد درس قرآن من معلمة وبنسبة للضوابط فكلها تمام يعني انا بغض بصري وهي منقبة ومفيش خلوة وهي كبيرة في السن مش شابة اقصد يعني بس انا بوسوس معاها اوي ولو حصل مواقف فيها مزاح معاها يعني المواقف دي تشغل دماغي وبيجيلي بقا وساوس او والله معرفش اصلا وساوس ولا لا إني لما بسألها سؤال او بكلم معاها اني بعمل كده عشان متعلق بيها وان ده حرام وتقريبا اصلا من كتر تفكير عقلي باطن بقا بيحلم بيها فيعني موضوع قلقني اوي ومش عارف اكلم مع حد فيه وفي حاجات تانية بوسوس فيها بس مش قادر اكلم بجد
احنا بشر ودا بيحصل كتير لينا كلنا انت ما شاء الله عليك بتصلى وبتغض بصرك وبتحفظ قران انت باذن الله فى مكانه كويسه وحلوه عند ربنا بدليل أن ربنا بيعينك على طاعته انت كل المطلوب منك أنك تسيب الأفكار دى تطلع من دماغك بمعنى لما تيجى فكره عن حاجه معينه سبها و متركزش معاها حتلاقيها بتتبخر لكن لو فضلت تعيد التفكير فيها كانك بتلف جو دائرة عمرها ما حتطلع من دماغك ممكن يكون اللى عندك دا تفكير زايد حاول انك تروح لمتخصص يسعدك ولو معندكش قت أو مش قادر لأى سبب تانى انصحك انك تقراء عن التفكير المفرط فى كتب كتير موجوده على النت احب اقولك أن فى فرق مابين التفكير الزائد و النفس اللوامه كبير جدا النفس اللوامه بتكون موجوده أو بتشتغل عشان تقول لك انت عملت حاجه غلط فاتعيد الموقف وتوصل منه إلى قرار بعد كدا هى بتختفى فاهم قصدى بعنى مثلا انا وانت أصحاب وحصل موقف ان انت عملت حاجه زعلتنى منك و فى اخر اليوم قبل ما تنام افتكرة الموقف اللى حصل بنا وفكرة فيه بكل التفصيل بتاعته وبعد ما التفكير خلص وصلت لقرار انك أو ما حتشوفنى حاتعتذرلى والموضوع بالنسبه ليك اتقفل عند الحل اللى انت وصلت ليه لكن التفكير الزائد بيفضل معاك طول الوقت ومش بيمشى بعد ما بتفكر فى الحاجه اللي انت عملتها غلط لا بالعكس بيفضل يغير الزوايا بتاعة المشكله أو الفكره اللى انت بتفكر فيها زاى مثلا هو حيقول عليا ايه او انا شكلى ايه لو هو قال لحد من أصحابنا وهكذا يارب اكون عرفت الجواب على سؤالك
تم النشر الجمعة، ٤ أكتوبر ٢٠٢٤
هسألك كام سؤال وانا فاكره سؤالك عن موضوع المعلمه وانك عاوز تقولها مترفعش النقاب فى حضورك ايه اكتر قصص فى القرأن او من الاثر عموما اثرت فيك؟ بتفكر اكتر فى الجنة ولا فى النار ؟ مين مثلك الاعلى فى الالتزام ؟
تم النشر الاثنين، ٧ أكتوبر ٢٠٢٤
أخي العزيز، أشعر بمعاناتك مع الوساوس التي تؤثر على حياتك اليومية ونفسيتك. من الطبيعي أن يشعر الإنسان بالقلق والتوتر أحيانًا، خاصة عندما يتعلق الأمر بالأمور التي تخص الدين والعلاقات مع الآخرين. من الواضح أن لديك رغبة حقيقية في التقرب إلى الله وتعزيز إيمانك، ولكن الوساوس قد تعكر صفو هذه العلاقة. عليك أن تعرف أن الكثير من الناس يواجهون مثل هذه الوساوس، وخاصة في مراحل مختلفة من حياتهم. بعض النقاط التي قد تساعدك: طلب المشورة : حاول التحدث مع عالم دين موثوق أو معالج نفسي مختص في مثل هذه الأمور، حيث يمكن أن يقدم لك الدعم الاجتماعي والنفسي اللازم. استغفار وذكر الله : استمر في الاستغفار والذكر، فهذه الأمور من شأنها أن تهدئ قلبك وتخفف من حدة الوساوس. تحديد وقت خاص للوساوس : قد تجد فائدة في تخصيص وقت معين خلال اليوم للتفكير في هذه الوساوس، على أن تقرر بعدها عدم التفكير فيها خارج هذا الوقت. التعبير عن مشاعرك : حاول التحدث مع شخص تثق به حول مشاعرك، فهذا قد يخفف عنك عبء الصمت والقلق. تجنب تجنبه : احذر من تجنب المواقف التي تسبب لك الوساوس، فقد يؤدي هذا إلى تفاقم المشكلة. بدلاً من ذلك، حاول مواجهتها بلطف وتعقل. الاهتمام بالغض البصر : من المهم أن تظل ملتزمًا بمبدأ غض البصر، ولكن لا تدع التفكير فيها يسبب لك ضغطًا نفسيًا شديدًا. تذكر، التوبة ليست مجرد كلمات تتلفظ بها، بل هي نية صادقة مع العمل. إذا كانت لديك أي مشاعر ملحة تعوق حياتك، فلا تتردد في البحث عن المساعدة. وفقك الله وهداك لما فيه الخير.
تم النشر الجمعة، ٤ أكتوبر ٢٠٢٤
وساوس تانية برضو ان أورادي بقولها من غير حضور قلب وانا حصلي موقف يعني كأنها رسالة من ربنا في آية ألم يأن للذين آمنوا أن تخشع قلوبهم ... وانا الحمدلله والمنة لله النوافل اصلا ربنا الي فتح عليا بيها فانا حاسس اني مش بشكر نعمة ربنا واني معرض ووحش يعني بس أنا الحضور القلب والخشوع بياخد مني مشقة ولما بحاول اتدبر ..التذكرة صعبة اوي ومش بقدر اتذكر الآيات بسهولة وبرضو حاسس اني اصلا مش عايز اعمل الأوراد بحضور قلب ...
تم النشر الجمعة، ٤ أكتوبر ٢٠٢٤
وبرضو الي ميدقني أكتر اني مش عارف ادعي ان ربنا يزيل عني البلاء ده
تم النشر الجمعة، ٤ أكتوبر ٢٠٢٤
لعرض السؤال في فدني اضغط هنا