السلام عليكم ورحمة الله وبركاته
انا عندي ٢١ سنة ف كلية الهندسة الحاجة الوحيدة اللي نجحت فيها هي التعليم انما باقي حياتي فيعتبر معنديش كل حياتي بتقف عند المذاكرة بس، معنديش حياة اجتماعية عندي أصحاب كتير بس كلهم أصدقاء دراسة كلامنا بيقف مع توقف الدراسة معنديش الصحاب اللي يتقال عنهم صحاب حتي البنت اللي ليها ٣ سنين متمسكة بي مش متقبل فكرة اني احبها ،بعيش طول السنة ف صراعات اني مش عارف اكمل حياتي المملة دي بنفس الطريقة عندي فقدان شغف رهيب وبضيع وقت كتير علي السوشيال وده بيزيد الطين بلة مش عارف اركز علي حاجة تفكيري مشتت خايف ان الحاجة الوحيدة اللي بعرف اعملها هي كمان تضيع مني وفي نفس الوقت حياة العبودية اللي عايشها دي مش قادر اكمل فيها، محتاج نصيحة جزاكم الله خيرا
وعليكم السلام ورحمة الله وبركاته ممكن تبدي تشوف جار ليك مثلاً من النفس المرحله العمريه او قريب منها او حد في المنطقة الي انت عايش فيها تشوف مثلآ مين أكتر حد أيام المدرسه بيكون قريب منك وفهمك كلمه وتقرب منو ابتدي أعرض على الناس دي انكو تدور على شغل بجانب الدراسة حاول مثلا على قد ماتقدر انزل صلى في أقرب جامع قريب منك بدل البيت لو لقيت حد من جيرانك بيروح المسجد كتير اتقرب منو بعد كل صلاة مثلا اقعد شويه مع بعض اتفقوا ماينزل يصلي يعدي عليك كده لما تنزل شغل حاول حط تركيز في ذي المذاكرة إنك هاتنجح وهاتكون حاجه كويسه التعرف على الناس إلى فى الشغل واختار منهم المناسب ليك في الأقرب منك لازم كمان البنت الي انت وعدها وبقيت جمبك دي مينفعش تتخلي عنها ده يديك دافع إنك تسعي وتتعب علشان متخسرهاش مثلا اشترك في چم واتعرف على ناس هناك وخليه من أساسياتك اليوميه ممكن مثلاً تروح نادي من نوادي الشباب وتلعب كوره قدم مثلاً او اي لعبه تخرج طاقتك وبكده انت تقدر توزع مهامك اليوميه على مدار الأسبوع هاتلاقي نفسك إنك معندكش وقت تقعد قدم النت الي وقت بسيط ولا بقي هايكون موجود الملل لان بقى عندك طاقه واجتماعيات انت كونتها وبقي قدمك هدف طموح عايز اوصله وربنا ييسرلك الحال يارب
تم النشر الاثنين، ١٥ أبريل ٢٠٢٤
سؤالى انا ..ايه اللى شايفه عبودية فى حياتك ؟ وعليكم السلام ورحمه الله وبركاته. شوفي يا بطل يعني الحياه مراحل عموما وطول ما احنا ماشيين في المراحل بتاعه حياتنا في حاجات بتكون واخده حيز كبير وبعدين يبدا الحيز بتاعها يقل فنقدر ندخل حاجات تانيه في حياتنا مش كل الناس بتعرف تعمل التوازن وبتعرف ان هي تبقى بتعمل كل حاجه في حياتها مش كل الناس عندها نفس القدرات ممكن انت علشان كنت تقدر تنجح وتجيب مجموع كليه هندسه كنت محتاج كل تركيزك يكون مذاكره ويكون يا دوبك انت بتتعامل مع زملاء الدراسه وتبقوا في حيز الدراسه ومش اكتر من كده. وعموما جاي علاقات صداقه ايه المشكله انه انا يكونوا صحابي اللي معايا هم صحاب الدراسه اه ممكن يكون بقى في وقت الاجنحه ما لقيناش حاجه تانيه مشتركه ما فيش مشكله عادي جدا ممكن نبدا مع نفس الاصدقاء نبدا نفكر يا جماعه نعمل ايه في الاجازه ونجيب حاجه مشتركه اشترك فيها احنا نفس الناس في الاجازه عادي يعني الصدقات اصلا بتبدا من ايه من حاجه يعني احنا كلنا مشتركين فيها مهتمين بها فتعرفنا بناء على ذلك فادراسه هي اسهل حاجه بنعمل منها اصدقاء لان دي اول حاجه بندخل فيها احنا لسه صغيرين وما بنتوجهش الاماكن تانيه غير المدرسه. فده الطبيعي يعني. انت بقى حابب تعمل ايه في حياتك اقعد يا سيدي شوف هو انا حابب اعمل ايه في حياتي احط هدف وبناء على الهدف ده هتبدا تتحرك في حياتك ويبقى لها شكل تاني زي ما انت حابب هي حياتك بتاعتك وانت يعني ما شاء الله دلوقتي 21 سنه شخص كبير وبالغ وقربت تتخرج فانطلق في الحياه شوف متعدد حياتك تبقى عامله ازاي شوف عايز شخصيتك يبقى عامله ازاي وابدا اشوف فين الاماكن اللي تقدر تحقق فيها ده انت عاوز تكون شخص اجتماعي ابدا اشوف فين الاماكن اللي تقدر يعني تمارس فيها الشكل الاجتماعي ده اكتر هتشترك فيه نشاط هتشترك فيه حد موجود كتير جدا النهارده ايه المشكله في كده
تم النشر الأحد، ١٤ أبريل ٢٠٢٤
وعليكم السلام ورحمة الله وبركاته .. طيب ايه اللي ناقصك علشان تحس انك عايش الحياة اللي نفسك فيها؟ يعني نفسك في صحاب مثلا؟ نفسك تعمل حاجه جديدة؟ نفسك تعمل ايه بالظبط علشان تحس انك عايش؟ انت ممكن تدور على هواية مثلا .. حاول تكتشف نفسك، تشوف انت بتحب ايه مثلا؟ ممكن تنزل كمان مؤسسات وتتطوع تمارس مجالات جديدة خارج نطاق الهندسة. مممكن تنزل اي شركة وتدرب فيها. بالنسبة للبنت اللي مرتبط بيها، على ما اظن حرام تخليها معاك كده وانت اساسا مش متقبل فكرة انك بتحبها! انت اكيد مترضهاش لنفسك.
تم النشر الأحد، ١٤ أبريل ٢٠٢٤
ممكن تبني عاده كل يوم تعملها حتى لو بسيطه مثلا تقرأ كل يوم صفحه من القرآن والتدبر فيه وبعد كدا كبر العاده دي واعمل حاجه تانيه زي مثلا تخرج في أماكن جديده تعمل منها صحاب تبني فيها شخصيه اجتماعيه وهكذا هتلاقي نفسك فرحان بالإنجازات الصغيره دي وحاول اتقرب من ربنا اكتر
تم النشر الاثنين، ١٥ أبريل ٢٠٢٤
إبدأ انبي لنفسك عاده جديده وكل يوم زودها مش عيب تحاول تحسن من نفسك ممكن تبدأ تعمل جدول يومي وتحط فيه كل يوم حاجه جديده انهارده هجرب انزل جيم وبكره هجرب اغير من ستايل لبس هطول شعري او داقني هغير من تفكيري في الحته الفلانيه وحاول قدر الاماكن تقلل سوشيال ميديا مش سهل تنهيه تمام بس لو لقيت حاجه تشغلك عنه اعملها وبالنسبه للبنت ولي عامل نفسك بتحبها تدريجياً انسحب من العلاقه وابدأ ركز علي نفسك من غير ماتجرح حد معاك ربنا يوفقك في حياتك
تم النشر الاثنين، ١٥ أبريل ٢٠٢٤
لعرض السؤال في فدني اضغط هنا