جل ما اعرفه هو أن الحياة فانية ، لم اعرف الحب إلا في بعض الكتب والافلام حتي اصبح من الترهات بالنسبة لي ، لا استطيع ان اشعر بأي شئ ايجابي ولا اظن اني ساشعر في المستقبل القريب ، كل شئ بلا معني حتي هذا الكلام
هل للحياة معني حقيقي ؟
هل كراهيتي لأقرب الأشخاص طبيعية ؟
*ربما كل كلامي عشوائي لكن هذا ما يجول برأسي
الحياه مثل الرسمة بدون الوان.... هى مجرد خطوط تجدد شكلا وافطارا محددا تكتسب معناها وروحها بالألوان التى نختارها نحن والتفاصيل التى يمكنننا اضافتها لخلفية الرسمة. الحياه هى وجودنا على الأرض (الرسمة) .... افعالنا تجاربنا ومحاولات وتفاصيلنا اللى نختارها هى الألوان اللى تخلى شكل الأرض والحياة كلها بطعم معين. يمكن تكون مجربتش تمسك الألوان وتشوف اختياراتك ايه عشان شايف الرسمة فى يوم من الايام هتدبل وتدوب ورقتها. الحقيقة ان حتى الورقة اللى هتدوب ليها نسخة محفوظة فوق عند ربنا وهنفخر نسخة الواننا قدامه زى ما الطفل بيقول لمامته.. بصى يا ماما شوفى الوانى.. فالحياة معناها موجود ومحفوظ واحنا اللى بأيدينا نهتم بمعانيها.
تم النشر الاثنين، ٢٧ نوفمبر ٢٠٢٣
انت محق أن الحياة فانيه.لكن جرب ان تحب نفسك قبل الجميع جرب الخروج وتكوين بعض الصداقات وكن متفائل دائما.
تم النشر الأحد، ٢٦ نوفمبر ٢٠٢٣
المشكله ان الواحد كان متدين ورحيم القلب بس ممكن الضغوط والمسؤوليات هي اللي غيرت الواحد للاوحش مع أني زوجتي بتدعمني بس انا يأس من الامل
تم النشر الاثنين، ٢٧ نوفمبر ٢٠٢٣
كرهك للحياه ده معناه كرهك لنفسك يعني انت الانسان لما بيوصل لمرحله ان هو بيكره نفسه وان هو غير راضي عن نفسه بيبدا ده يشوفه في الحياه في الخارج بقى حتى كمان ممكن تلاقي الاشخاص نفسها بتكرهك فالمفروض ان الواحد او تعاملات الناس معك مش حلوه يعني دايما بنقول للناس اللي هي انا الناس مش بتقدرني انا بعمل معهم كل حاجه والكلام ده كله انت مش بتقدر نفسك من الداخل فبتحس الاحاسيس دي وبالتالي بتبدا الناس بتعبر عن الحاجه اللي هي شايفاها جواك يعني الناس والحياه كلها والكون بيكذب لك من نفس الشيء اللي انت عليه وده طبعا موجود عندنا في القران والسنهكل حاجه انت عليها بتجذبها وده دور عليه في القران او دوري عليه في القران والسنه هتلاقي ان اللي انت عليه هتلاقيه سواء تفائلوا بالخير تجدوه لو احنا اتفقنا بالخير هنجد خير في الحياه وفي الناس وفي كل حاجه لو تفاعلنا بالشر هنجد شر وده قانون الحياه ليه ربنا عمل القانون ده عشان انت تحاول تغير من نفسك عشان ما ينفعش انت تعيش بالطريقه دي ومتصور ان الحياه تبقى كويسه عشان ما ينفعش احنا حد يكون بيعاملنا وحش ونعامله كويس.يبقى هو ده قانون الحياه قانون الحياه عشان الكون يبقى فيه توازن انت ما ترضاش بتعامل اقل وفي نفس الوقت برضو انت ما تعملش نفسك اقل فبالتالي حياتك تبقى كويس.طيب نعمل ايه في الحاله دي؟نحاول بقدر الامكان نشوف اكتر صفه بنحبها في نفسنا او هي حاجه حلوه فيا ابدا بها ابص عليها كل يوم صفه انا بعملها صفه عجباني في نفسي اي حاجه بسيطه نور امل بس احنا عايزين شعاع واحد ندخل منه لو لقيت الشعاع ده في نفسي ابدا ادخل منه وابدا به ان انا ابدا اركز عليه تمام كده اشوف دي اول حاجه في نفسي ابدا بها وبعد كده هتبدا تظهر لي حاجات تانيه الحاجه التانيه ان انا اشوف في الخارج الخارج اي حاجه حلوه حتى لو نبته لو زرعه حلوه حواليا ابدا ابص عليها كل يوم.لو في شويه ميه ابدا ابص عليهم في الطبيعه كل يوم لو حيوان اليف حواليا ابص عليه وابص ازاي بيتحرك وازاي رب الكون ده بيرزقه وهكذا ابدا هنا دي شعاعها امل بسيط وهتبدا الحياه تبدا سنه مش هتبقى فجاه مش هتبقى مره واحده لكن هي خطوات لو ما اشتغلناش على نفسنا.
تم النشر الاثنين، ٢٧ نوفمبر ٢٠٢٣
الحياه معناه الحقيقى فى ان تعيش لهدف وهو الهدف الذى خلقنا من اجله وهو العباده مش شرط الحب يلقى حب افراد او اشياء حب الله هو الحب الحقيقى اتجه الى الله وان شاء الله لم تخذل ابدا
تم النشر الأحد، ٢٦ نوفمبر ٢٠٢٣
في يوم حجزت رحله مع صحبتي وقولتلها انا هلغي الحجز الرحله هتبقي وحشه وممله قالتي احنا الي بإدينا نخليها حلوه ومن وقتها وانا بطبق الي هيا قلته علي حياتي كلها يعني عيش اليوم كأنه اخر يوم وسيب بكره اخرجي واتتبسطي حلي لو انتي في البيت اعملي الحاجه الي بتحبيها انتي الي بتقدري تخلي يومك حلو واه الحياه تستاهل انك تعشيها والحب موجود ممكن يتأخر شويه زي الروايات وبتاخد في لآخر الغني الي بيعوضها مثلاً اقصد انه حتي لو أتأخر هيبقي احسن ❤️
تم النشر الاثنين، ٢٧ نوفمبر ٢٠٢٣
ده مش طبيعي.. ايون الحياة فانيه بس لازم تتأقلم ع اجواءها الكم سنه ال هتعيشهم دولت.. احنا مؤقتين هنا والحياه صغيرة وبكرة تخلص مش مستاهله تكره حد او تحقد ع حد.. اضحك فوش الناس واتغلب ع واقعك الداخلي وحب بس ابعد عن العلاقات المحرمه واتقرب من ربك وصل قيام الليل هتحس بقيمه الحياه الحقيقه..
تم النشر الأحد، ٢٦ نوفمبر ٢٠٢٣
الحب والطيبة هي من الأمور المهمة في الحياة ، الناس أكثرهم صاروا لايحسون بها ولايعطونها لغيرهم لعدم الثقة ببعض ولكثرة المشاغل ، برأيي أن تعطي الحب لمن يستحق وأن تتعامل مع من لايستحق الحب بشكل سطحي
تم النشر الاثنين، ٢٧ نوفمبر ٢٠٢٣
الحياه مجرد رحله صغيره
تم النشر الأحد، ٢٦ نوفمبر ٢٠٢٣
لعرض السؤال في فدني اضغط هنا