عاوزة اسال انا مخنوقة جدا بسبب بابا واخويا وعاوزة اخلص منهم أو اخلص من حياتى طبعا ماينفعش اقتلهم أو اقتل نفسى بدعى أنهم بموتوا أو انا اموت هما مش بيحبونى ودمروا حياتى وبسببهم اطلاقت وبسببهم سيبت عيالى وهما لسة صغيرين فكرت كتير أن امشى واسيب البيت بس والدى عاوز حد يراعيه وانا الى براعيهبس هو مش عاوزنى عاوزة حل علشان مبقاش ضميرى بيانبنى شكرا
شكرا لحضرتك على المشاركة أنا شايفه ان كل كلامك علي غيرك شايفتهم هما سبب كل حاجة وحشةحصلت وأنهم دمروا حياتك ومش شايفة اي حاجة ليهم عندك تشفعلهم لدرجة انك فكرتي انك تخلصي منهم انتي اكتر واحده تعبانه نفسيا بالإحساس ده شوفي انتي تقدري تعملي ايه بظروفك فحياتك دلوقتي تقدري تحسني بيها حياتك انتي اللي بتراعي والدك ودا ثوابه عظيم لو عدلتي النيه بس ودعيتي ربنا انك تحسني ويعينك علي هذا الإحسان الفكر رزق من ربنا والفرق بين الحي والميت هوا الروح وغذاء الروح الصلة والوصل بين العبد وربه ابسط حاجة بالنسبالك تحاولي تقربي بيها وتقوي الصلة دي الدعاء كلمي ربنا واستكمله وادعيله وهبطي وتضرعي ايه بكل مابداخله واسأليه انه يرشدك للاصلح وللصواب وييسرلك الامور وربنا يعينك ويرشدك للصالح ويهون عليكي
تم النشر الخميس، ١٦ مايو ٢٠٢٤
انتى حد غصبك منهم على تصرف معين ولا انتى اللى عملتى واخدتى قرارات معينة ارضاءا ليهم
تم النشر الثلاثاء، ١٤ مايو ٢٠٢٤
واستعينوا بالصبر والصلاة .. مش لوحدك للاسف اللي بيمر بالمشكلة دي .. في كتير من اصحابي زيك .. ف هنصحك بنصيحتي ليهم و بناء على مشكلتهم لأنها مشابهة تماما... اولا فوضي امرك لله ... وادعي ربنا كتير ليبدل حالك من هذا الحال إلى حال افضل .. و تأكدي إن دوام الحال من المحال.. وزي ما كان حالك امبارح غير النهاردة إن شاء الله بكرا مختلف وافضل بس اسعي لتحقيق الافضل ... الاب والاخ هما السند مهما كانوا سيئين .. ع الاقل من وجهة نظرهم هما بيعملوا الصالح ليكي حتى لو كان الظاهر عكس دا تماما .. ولكن الدافع من جواهم أننا عارفين مصلحتك اكتر من نفسك .. وهنا بيبدأ التهميش .. محدش سامع صوتك ولا رأيك ولا بتكوني عارفة تاخدي حقك وانتي شيفاه بيضيع قدام عينك و عيالك بيضيعوا منك .. اذا انتي فعلا حاسة إن اهلك خربوا عليكي .. ممكن تحاولي ترجع العلاقة تاني مع زوجك و دخلي وسيط بينكم خالك مثلا او عمك .. و انتي ف نيتك انك عايزة تعيشي تاني وسط بيتك وعيالك مهما كانت مساوئ زوجك.. ولو زوجك معاملته سيئة معاكي والعيشة معاه مستحيلة ف هيكون اهلك عندهم حق ف أنهم يبعدوكي عنه .. ثانيا .. تأكدي إن للموضوع مخرج .. يعني اذا بيئتك من اللي بيمنعوا نزول الست المطلقة و بيحرموا عليها الخروج من البيت ف هيكون المخرج ليكي انك تدعي ربنا يرزقك بزوج تاني حتى اذا انتي نفسيا غير مؤهلة للخطوة دي بس هيجيلك يوم وهتحتاجيها كنوع من الهروب أو البعد عن اهلك ... ف ادعي ربنا من دلوقتي إن يرزقك بالشخص السوي .. واذا كانت بيئتك عادي تسمحلك بالخروج والشغل .. ف انزلي اشتغلي وخلي معاكي قرش تتسندي عليه .. وارفعي قضية لضم الاولاد لحضانتك وكدا كدا هتكسبيها حتى اذا كنتي ماضية ع تنازل .. الاولاد من حقك انتي تربيهم قانونا ومحدش يقدر ياخدهم منك ... خديلك شقة و عيشي فيها انتي و عيالك طالما ظروف بيئتك تسمحلك بكدا ... الموضوع يستاهل انك تحاربي علشانه وخليكي قوية و الشغل هيقويكي بأمر الله ... الموضوع مش سهل ومحتاج صبر و تركيز وتخطيط منك علشان ع الاقل ترجعي اولادك لحضنك تاني .. ثالثا... الدعاء عليهم دا مش هينفعك للاسف .. عارفة إن من حالتك النفسية ومن احساسك بأنهم ظلموكي .. بس صدقيني لو حصل لحد فيهم حاجة هتحسي بتأنيب ضمير هيفضل مصاحبك وهتتئذي نفسيا اكتر ... ولو ابواب السماء مفتوحة ساعتها الاولى انك تدعيلهم ب إن يهديهم ليكي و يحسوا بيكي و يغيرهم ويصلح تفكيرهم .. غير كدا انتي بتهدري طاقة كبيرة ع الدعاء عليهم .. ركزي وخلي الطاقة دي تروح ف مكانها السليم ... شوفي اني الدنيا معاكي ازاي وحاولي تشوفي باب الخروج منين دا بس اللي تركزي عليه و مش هتعرفي مكان الباب الا بنور ربنا اللي هينور بصيرتك ليه ... انا حاسة بيكي اوي .. و ادخلي و اقري التعليق دا دايما ف كل مرة هتلاقي نفسك مستوعباه اكتر من المرة اللي قبلها ... لان حالتك النفسية هتتغير دلوقتي مضايقة هتقريه بطريقة .. لكن وانتي هادية هتستوعبيه اكتر .. نسأل الله إن يهدي حالك و يهديلك اهلك و يجمع شملك بأولادك عاجلا غير آجل انتي وكل ام اولادها بعيد عنها اللهم آمين يارب ..
تم النشر الاثنين، ١٣ مايو ٢٠٢٤
ربنا خلقنا بمخ عشان نختار قرارتنا بنفسنا مش حد تاني هو الي يتدخل و يختارهلنا للاسف دي غلطتك انك سمحتيلهم يتدخلوا في حياتك لذلك اتخذي القرار الي هايريحك بنفسك و حاولي تتكلمي مع حد من العيلة يكلم باباكي و اخوكي و يفهمهم ان نفسيتك تعبت
تم النشر الخميس، ١٦ مايو ٢٠٢٤
ممكن تنظمي حياتك وتعملي حدود لأخوكي وتعرفيه انك كبيره ومحدش يدخل فحياتك وانتي شخصيتك ضعيفه حاولي تقويها ازاي تخربي بيتك وتسيبي اولادك بسهوله كدا انتي محاربتيش عشانهم انا بشوف امهات بتحارب عشان تعيش مع اولادها وتعمر بيتها متكونيش لقمه سهله لأي حد وسيطري على كل موقف حواليكي وحاولي تظبطي اومورك مع نقسك وتصارحي نفسك تقولي انا عملت كدا صح ولا غلط وتعالجي الأمور وبطلي تسمعي لحد اسمعي لعقلك مش هيضلك وفكري بحكمه ربنا خلق ليكي عقل تفكري بيه مش حد يفكرلك وبس يجميله حاولي تكوني انتي بطله نفسك وتحاربي كل الأمور اللي حواليكي وتشوفي المشاكل من منظور ان ربنا ليه حكمه فكدا ولازم تصبري على اي ابتلاء فحيانك وبس كده ربنا يعوضك خير ياغالية🤎🤎🤎🦋
تم النشر الثلاثاء، ١٤ مايو ٢٠٢٤
انا بتصل بيهم كل شوية واى حاجة نفسهم فيها بجبهلهم
تم النشر الثلاثاء، ١٤ مايو ٢٠٢٤
حاولي تحبي جديد او حاولي تعيشي علشان حد حتي لو علشان خاطر اولادك ممكن يكون مفهومك من ناحيه اهلك غلط زي ما أنتي ما بتحبي اولاد هما بيحبوكي حاولي انتي الي تقربي منهم
تم النشر الثلاثاء، ١٤ مايو ٢٠٢٤
ياريت لو سمحتم الإجابة تكون عن علم
تم النشر الاثنين، ١٣ مايو ٢٠٢٤
لعرض السؤال في فدني اضغط هنا