حاسة إني هطول في الكلام شويتين بس عندي كلام كتير في النقطة دي أول حاجة الغلطات دي كلها بقت ماضي متقدريش ترجعي تغيري فيه حاجة ودلوقتي إنتي متحكمة في الحاضر إللي إنت عايشة فيه وقدامك طريقين أول واحد إنك تقفي مكانك تبكي على الأطلال والندم ياكلك وتضيعي من عمرك في إنك واقفة على الماضي تاني طريق إنك تاخدي خطوة إنك تكوني نسخة أحسن من نفسك وتشتغلي ع نفسك دنيا ودين وتحسني مستقبلك. كلنا ك بشر بنغلط وبيجي علينا وقت بنبقى مغيبين ونمشي نعك ولما نفوق نقول إيه الهبل إللي عملناه دا ودا طبيعي فينا كلنا دي فطرة بس ربنا قال إن خير الخاطئين التوابون ف طالما توبتي معني كده إنك بدأتي صفحة جديدة مع ربنا يعني الماضي دا إتمسح إن شاء الله. أهم نقطة أنا حد الحقيقة بيفكر كتير، أوفر ،في الماضي والمستقبل والحاضر، والغلطة إللي بعملها بقف جمبها أجلد ذاتي إني إزااي أعمل كده وربنا هيعاقبني أو أكون متشائمة إني مذاكرتش بشكل مثالي ف ربنا هيعاقبني ومش هحل كويس في الإمتحان، لحد ما قريت جملة فرقت معايا جدااا "حسن الظن بالله ينجينا" في فرق عظييم بين حد بيقعد يتشائم وإن ربنا مش هيوفقني وربنا مش هيكرمني ربنا مش هيسامحني وفرق بين عبد تاني يقول ياعم دا ربنا كريم هيرزقني ربنا عفو فهيعفوا عني ربنا رحيم ف هيرحمني ربنا جبار ف هيجبرني، أنا مذاكرتش كويس بس ربنا كريم إن شاء الله يوفقني هكذا بقى لما بدأت أتعامل مع نفسي بإني أحسن الظن بربنا مش بلاقي غير إني راضية وإنه خير غلطت غلطة لاء خير أكيد وراها حكمة من ربنا ولو مغلطاهاش مكنش هيحصل كذا وأقدار ربنا كلها خييير، ف إنتي إنسى الماضي وإخرجي منه بصفحة جديدة نضيفة وأبدأي حسني علاقتك ربنا وأهلك، إقطعي علاقتك مع الناس إللي كانوا رابطينك بطريق مش كويس سواء صحاب أو غيره، مثلا إعملي أكونتات جديدة بصي التغير عامة بداية كويسة واتعلمي من غلطاتك إنك متكررهاش عادي وإستغفري كتيير وحوقلي وسبحي الذكر عامة جميل جدا ومريح وإقرأي ورد وإحفظي وإسمعي قرآن أي طريق ناحية ربنا هيبقى مريح وهيبقى صح من غير ما تفكري وجاهدي نفسك كتييير إنك متحنيش ولا ترجعي في لحظة ضعف لحاجة من ماضيكي وخليكي عارفة إن هيكون في إختبارات لصدق نيتك في التوبة والشيطان هيكون قوي علشان يخليكي ترجعي أو تعيشي تعيسةوحزينة ومتخليهوش ينجح ومتنسيش"إن الله يغفر الذنوب جميعا" مهما عملتي ربنا تواب رحيم وغفور كريم ♥️ ربنا يريح قلبك يارب
تم النشر الخميس، ١٨ أبريل ٢٠٢٤
8 تعليق
مفيش لينك للاسف
تم النشر الأحد، ٢١ أبريل ٢٠٢٤
متهيألي مفيش هنا أوبشن التواصل برايفت، ف هتلاقي لينك الفيس بوك بتاعي على البروفايل ف إبعتيلي عليه عادي
تم النشر الأحد، ٢١ أبريل ٢٠٢٤
محتاجه اتكلم معاكي يااستاذه ندي يوسف بس عارفه اتواصل معاكي برايفت
تم النشر الأحد، ٢١ أبريل ٢٠٢٤
عاوزة ألجأ لدكتور نفسي لاني عاوزة اتكلم مع حد واقوله حاجات كتير محدش يعرفها عني خالص انشالله حتي اكلم حد ميعرفنيش احكيله وبعدين اقطع علاقتي بيه تماماً لكن جوايا كلام وقصص محتاجة اقولها ومحتاجة حد يسمعني ويقولي اتعامل مع الاحاسيس اللي جوايا دي ازاي أو ميقوليش المهم يسمعني
تم النشر الخميس، ١٨ أبريل ٢٠٢٤
حاسة اني مش قادرة اتعامل لوحدي وإن اي حاجة بتحصلي وحشة في حياتي انا استاهلها واستاهل اكتر منها كمان مبقاش عندي اي شفقة علي نفسي وكمان انا الحمد لله اتخرجت من كلية قمة وشغالة دلوقتي لما بلاقي ناس بتمدح فيا وفي اخلاقي بحس اني عاوزة اقولهم لا انتو متعرفوش حاجة أنا وحشة اوي بس ده ستر ربنا عليا
تم النشر الخميس، ١٨ أبريل ٢٠٢٤
بالنسبة للدكتور النفسي، ف بصراحة مش عندي خلفية إمتى المفروض نلجأ له، بس شايفة إنه حل مناسب لما تلاقي الموضوع مش قادرة تتعاملي معاه لوحدك
تم النشر الخميس، ١٨ أبريل ٢٠٢٤
انا كمان بفكر اروح لدكتور نفسي فعل دي تبقي خطوة كويسة ولا لا
تم النشر الخميس، ١٨ أبريل ٢٠٢٤
انا فعلاً عملت حاجات كتير من دي بعدت عن صحابي اللي كانوا سبب اني امشي في الطريق ده وغيرت جساباتي وارقامي وبحفظ قرءان بقالي سنتين وقربت اختم وبدرس تجويد وحياتي اتغيرت تماماً لكن الندم بياكل في قلبي مش قادرة انسي اي حاجة من اللي حصلت وكل ما افتكر حاجة عملتها ابقي عاوزة اموت نفسي من كتر ما قلبي واجعني علي اللي حصل وحاسة بذنب كبير اوي اني اخبي كل ده عن شريك حياتي في المستقبل انا عارفة اني مينفعش اقول حاجة وإن ربنا سترني خلاص ميتفعش اتكلم بس حاسة اني هبقي كدابة وخايفة يعرف عني حاجة من برا
تم النشر الخميس، ١٨ أبريل ٢٠٢٤
لعرض الإجابة في فدني اضغط هنا
عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك