عملت أخطاء وذنوب كتير في حياتي وتبت منها لكن حاسة طول الوقت بالخوف وعدم الراحة وإن ربنا هيعاقبني وحاسة بعدم توفيق في حياتي انا عكيت كتير اوي بجد وعملت حاجات وحشة كتير وكنت سيئة الأخلاق وبعيدة عن ربنا وكنت مراهقة فعلاً بعرف ولاد وبتحصل تجاوزات وبعامل اهلي وحش وبكدب عليهم طول الوقت لكني تبت الي الله توبة نصوحة والله بس مش عارفه ارتاح في حياتي وحاسة بالذنب طول الوقت وبخوف من الفضيحة أو عدم التوفيق أو عقاب ربنا اعمل ايه عشان قلبي يتطمن واعيش عيشة هنية هادئة
حاسة إني هطول في الكلام شويتين بس عندي كلام كتير في النقطة دي أول حاجة الغلطات دي كلها بقت ماضي متقدريش ترجعي تغيري فيه حاجة ودلوقتي إنتي متحكمة في الحاضر إللي إنت عايشة فيه وقدامك طريقين أول واحد إنك تقفي مكانك تبكي على الأطلال والندم ياكلك وتضيعي من عمرك في إنك واقفة على الماضي تاني طريق إنك تاخدي خطوة إنك تكوني نسخة أحسن من نفسك وتشتغلي ع نفسك دنيا ودين وتحسني مستقبلك. كلنا ك بشر بنغلط وبيجي علينا وقت بنبقى مغيبين ونمشي نعك ولما نفوق نقول إيه الهبل إللي عملناه دا ودا طبيعي فينا كلنا دي فطرة بس ربنا قال إن خير الخاطئين التوابون ف طالما توبتي معني كده إنك بدأتي صفحة جديدة مع ربنا يعني الماضي دا إتمسح إن شاء الله. أهم نقطة أنا حد الحقيقة بيفكر كتير، أوفر ،في الماضي والمستقبل والحاضر، والغلطة إللي بعملها بقف جمبها أجلد ذاتي إني إزااي أعمل كده وربنا هيعاقبني أو أكون متشائمة إني مذاكرتش بشكل مثالي ف ربنا هيعاقبني ومش هحل كويس في الإمتحان، لحد ما قريت جملة فرقت معايا جدااا "حسن الظن بالله ينجينا" في فرق عظييم بين حد بيقعد يتشائم وإن ربنا مش هيوفقني وربنا مش هيكرمني ربنا مش هيسامحني وفرق بين عبد تاني يقول ياعم دا ربنا كريم هيرزقني ربنا عفو فهيعفوا عني ربنا رحيم ف هيرحمني ربنا جبار ف هيجبرني، أنا مذاكرتش كويس بس ربنا كريم إن شاء الله يوفقني هكذا بقى لما بدأت أتعامل مع نفسي بإني أحسن الظن بربنا مش بلاقي غير إني راضية وإنه خير غلطت غلطة لاء خير أكيد وراها حكمة من ربنا ولو مغلطاهاش مكنش هيحصل كذا وأقدار ربنا كلها خييير، ف إنتي إنسى الماضي وإخرجي منه بصفحة جديدة نضيفة وأبدأي حسني علاقتك ربنا وأهلك، إقطعي علاقتك مع الناس إللي كانوا رابطينك بطريق مش كويس سواء صحاب أو غيره، مثلا إعملي أكونتات جديدة بصي التغير عامة بداية كويسة واتعلمي من غلطاتك إنك متكررهاش عادي وإستغفري كتيير وحوقلي وسبحي الذكر عامة جميل جدا ومريح وإقرأي ورد وإحفظي وإسمعي قرآن أي طريق ناحية ربنا هيبقى مريح وهيبقى صح من غير ما تفكري وجاهدي نفسك كتييير إنك متحنيش ولا ترجعي في لحظة ضعف لحاجة من ماضيكي وخليكي عارفة إن هيكون في إختبارات لصدق نيتك في التوبة والشيطان هيكون قوي علشان يخليكي ترجعي أو تعيشي تعيسةوحزينة ومتخليهوش ينجح ومتنسيش"إن الله يغفر الذنوب جميعا" مهما عملتي ربنا تواب رحيم وغفور كريم ♥️ ربنا يريح قلبك يارب
تم النشر الخميس، ١٨ أبريل ٢٠٢٤
اولا مبروك عليكى التوبة ومقبولة باذن الله الصدق واضح فى كل كلامك انك اختارتى الطريق السليم وتركتى كل اللى فات ان شاء الله بلا رجعه الحقيقة ان فى اول فترة من التوبة ..سيبى احساس الذنب يكون دافع ليكى عشان ترتقى بنفسك اكتر واكتر فى الطاعات والتقرب لله
تم النشر الخميس، ١٨ أبريل ٢٠٢٤
قال أحد السلف : لولا مصائب الدنيا مع الاحتساب لوردنا القيامه مفالبس من ذا الذي ما ساء قط ومن له الحسنى فقط تريد مبرءا من كل عيب وهل نار تفوح بلا دخان والذي نفسي بيده لو لم تذنبوا لذهب الله بكم ولجاء بقوم يذنبون ثم يستغفرون فيغفر الله لهم كما في صحيح مسلم والتوبة تجب ما قبلها ، والندم على الذنب شئ كويس لكن لا يختلط الأمر بين الندم والخوف من الذنب لأجل الخوف من الله ، والندم خوفا من نظرة الناس فالاول اخلاص والثاني شرك
تم النشر الجمعة، ١٩ أبريل ٢٠٢٤
احنا بشر .. وبنغلط اهم حاجه نفوق. وده اللي انتي عملتيه، ومش كل الناس تقدر تعمل زيك .. ربنا غفور رحيم، وطالما توبتي واستغفرتي ربنا على اللي حصل، هيسامحك ويغفرلك. جلد ذاتك ع اللي فات، هيخليكي واقفة مكانك، اللي حصل حصل خلاص، مش هنقدر نرجع للماضي ونغيره .. وممكن كان لازم يحصل علشان تبقى قريبة من ربنا كده. اوقات الواحد بيكون محتاج صدمة قوية جدا، علشان يرجع للطريق المستقيم من اول جديد، ولكن بطريقة مختلفة، تخليكي مستعجبة من نفسك، وف نفس الوقت يمكن تكوني فرحانه بنفسك انك بقيتي احسن وكويسة. افرحي ب ده، لان لولا اللي انتي مريتي بيه مكنتيش هتبقى الانسانة ديه حاليا. حبي كل حاجه انتي مريتي بيها، لان لولها مكنتيش هتبقى ف المرحلة دي. وفيه جملة في حديث جميل جدا .. بيقول "وإن تقرب إلي شبرًا؛ تقربت منه ذراعًا، وإن تقرب مني ذراعًا؛ تقربت منه باعًا، وإن أتاني يمشي؛ أتيته هرولة". ربنا هيقربك ليه، طول ما انتي بتحاولي تسعي، متقطعيش الحبل ده .. ومتخافيش ع اللي فات، واي شئ بيحصل في حياتك اعتبريه ابتلاء او اختبار .. مش لازم خالص يكون غضب .. ربما ربنا عايز يعرف صبرك فين على ده كله؟ هتعملي ايه ف المواقف ديه؟ ديه كلها اختبارات، المهم تحليها صح .. علشان هي الدنيا كلها كده. ربنا يوفقك، ويقبل توبتك ويغفرلك باذن الله يا قمر
تم النشر الخميس، ١٨ أبريل ٢٠٢٤
الحمد لله أن وفقك الله للندم ثم للتوبة استشعار ان هذه نعمة... أنعمها الله عليكي رغم التقصير و السوء.. ده المطلوب الشيطان مش هسيب حد في حاله هيخليكي تحسي انك انتي التوبتي.. انتي البتحاولي تتحسني لكن لو بكيتي لربنا و شكرتيه انه تاب عليكي.. ربنا هيزيدك من عطاءه... و إذ تأذن ربكم..لإن شكرتم...لأزيدنكم استغفار كتير و صلاة كتير و تكلمي الناس كلها عن رحمة ربنا و تدلي الناس على طريق ربنا..مع استشعار ان كل البتعمليه...ده فتح من ربنا عليكي مش بفكرك ولا بقوتك هتلاقي كل حاجة بتتغير معاكي للاحسن و ربنا هيثبتك أبشري ثم تاب عليهم...ليتوبوا
تم النشر الخميس، ١٨ أبريل ٢٠٢٤
ربنا يثبتك و يردك اليه ردا جميلا
تم النشر الخميس، ١٨ أبريل ٢٠٢٤
بعمل كده والله ادعيلي بالثبات
تم النشر الخميس، ١٨ أبريل ٢٠٢٤
ارجعي لربنا ربنا غفور رحيم مفيش انسان مبيغلطش محدش معصوم من غلط الحمد الله انك فوقتي ربنا يعوضك خير ابعدي و اقفلي كل باب قديم و جديد و خليكي مع ربنا و استني نصيبك و حسيني علاقتك مع اهلك و ديهم فكري علطول انك يوم من الايام هتبقي ام لازم تدي عشان تلاقي
تم النشر الخميس، ١٨ أبريل ٢٠٢٤
كمان خير الخطائين التوابين واحساسك بالندم والتوبه ده بتأجوري عليه مهم مترجعيش للغلط تاني واعملي حاجات كتير ترضي ربنا وربنا غفور رحيم واعرفي ان كلنا بنغلط بس كلنا مستورين مهم سامحي نفسك علي اخطاءك وابتدي مع ربنا صفحه جديده لو ربنا كان هيفضحك كان فضحك وانتي بتغلطي مش بعد ما توبتي لو ربنا مكنش بيحبك مكنش حطك علي الطريق الصح 🩵بس عشان بيحبك خلاكي ترجعيله وتوبي وتندمي عشان يسامحك 🩵
تم النشر الجمعة، ١٩ أبريل ٢٠٢٤
طلعتي صدقات كتير بنية ان ربنا يغفرلك
تم النشر الجمعة، ١٩ أبريل ٢٠٢٤
واننا موجودين عشان نخطأ ونتوب ولو كدة كان ربنا خلق ناس تعبدة فقط احنا بشر وكل البشر خطاء وخير الخطائين التوابون
تم النشر الجمعة، ١٩ أبريل ٢٠٢٤
فكري أن محدش فينا مخطأش
تم النشر الجمعة، ١٩ أبريل ٢٠٢٤
ده الشيطان
تم النشر الجمعة، ١٩ أبريل ٢٠٢٤
لعرض السؤال في فدني اضغط هنا