السلام عليكم ورحمة الله وبركاته
انا تالته ثانوي السنادي ومن وانا في اعدادي اهملت الدراسه جدا بحكم كورونا وبعدين ابحاث وبعدين امتحان ابتديت افوق من اولى ثانوي وخدتها جد وكنت فعلا في دروسي بنسبة 70% متفوقه بس دخلت تانيه بدأت بواقع تاني والدتي سافرت وانا كنت لوحدي مع اخويا وانا الكبيره بس اخويا اصغر مني بسنتين مش صغير بس بحكم اني الكبيره فأنا اللي بشيل الليله وكده فأهملت برضو وقولت هاخدها اون لاين وكده فعلآ خدتها اون لاين واهتميت اكتر في المراجعات وطلعت بملحق بس امتحنته وعديت وبعدين حاليآ في تالته ثانوي والدراسه بدأت من بدري والدروس اصلا من شهر سبعه وانا لسه معملتش حاجه والمشكلة ان والدتي تعبت جامد السنادي فمش بتقدر تعمل حاجه في البيت زي الاول طبعآ فبقيت مسؤله اكتر و طبعآ مش عاوزه اقولها على فلوس دروس لأن حرفيآ اسعارها خوزعبلية وهي جلسات العلاج والادويه غاليه جدا وانا قولتلها هاخدها اون لاين بس مبتحركش ممكن اعمل سيرش وبتاع بس مسمعش درس او كمل شرح اعمل ايه
هو كده وضعك الحالى هو بسبب ارهاق ذهنى وتوقعات كتير بتفكرى فيها او بسبب تركيز التفكير على حاجة واحده شوية بس تخصيص للاوقات وتنظيم وياريت لو فى صحاب حتى لو شخصية واحده تبقى بتشجعك وبتتابع معاكى اصحى بدرى وخلى ده وقت تفتحى فيه الدروس وتذاكرى قبل زحمة ودوشة اليوم وحاجات البيت اللى بتساعدى فيها ماما ربنا يقوم ماما بالسلامة ويقدرك على الجهد المطلوب واكيد ربنا هيجبر بخاطرك ويساعدك على ده
تم النشر الخميس، ٢٦ سبتمبر ٢٠٢٤
قال تعالى: (لا يكلف الله نفسا إلا وسعها)، يعني ربنا سبحانه وتعالى عارف طاقتك ايه ومستحيل يحملك فوق طاقتك + صنائع المعروف تقي مصارع السوء يعني مثلا لو بتساعدي مامتك عشان تعبانة ربنا سبحانه وتعالى هيبارك لك في صحتك ومش هيخليكي محتاجة حد بسبب مساعدتك لمامتك وهكذا مش مامتك بس. فيا روحي اجتهدي واعملي اللي عليكي من ناحية مامتك وأخوكي ومذاكرتك وان شاء الله ربنا هيكرمك، حتى لو مادخلتيش الكلية اللي انتي عايزاها ربنا هيكرمك في الكلية اللي هتدخليها وهيكون كل الخير فيها.
تم النشر الخميس، ٢٦ سبتمبر ٢٠٢٤
نسقي وقتك و عن تجربة الفرصة و السن و الوقت اللي انت فيه و معاكي حاليا هتندمي لو ضيعتيه لازم تعملي خطة إجبارية لنفسك بعدد ساعات معينة للتحصيلي الدراسي لأن بعدين كل الحجج هتخلص و هتبقي فشلك و علشان منوصلش للمرحلة دي اللي هيه متقبل الواقع الحالي بتاعك اعتبري ان ده حصل و انتي اخذتي فرصة تانية تعملي فيها المستحيل علشان تصلحي اللي حصل .. ربنا يعينك علي ظروفك انا مقدر بس انتي كمان لازم تقدري ان ده مستقبلك و مفيش مجال للعادة الزمن لازم تبدئي دلوقتي بدون توقف .. و خلي علاقتك بربنا كويسة لأنك محتاجاه قوي اكتر من اي حد طول حياتك لان عند فترة معينة مش هتلاقي معاكي حد غيره ..
تم النشر الخميس، ٢٦ سبتمبر ٢٠٢٤
وعليكم السلام ورحمة الله وبركاته، أولاً، أود أن أهنئك على استمرارك في السعي لتحقيق أهدافك الدراسية بالرغم من التحديات التي واجهتك. من الواضح أنك تحملين الكثير من المسؤوليات، وهذا يظهر قوتك وإرادتك. لتتمكني من تحسين دراستك وفي نفس الوقت إدارة مسؤولياتك المنزلية، يمكنك اتباع الخطوات التالية: تنظيم الوقت : حاولي وضع جدول زمني يومي يتضمن أوقات الدراسة وأوقات الاهتمام بالمنزل. استخدمي تطبيقات الملاحظات أو الورق لتحديد الأولويات وتدوين المهام اليومية. تخصيص وقت للدراسة : اختاري وقتًا محددًا للدراسة يوميًا، حيث يمكنك التركيز بعيدًا عن المشتتات. يمكن أن يكون هذا الوقت في الصباح الباكر أو في المساء بعد الانتهاء من الأعمال المنزلية. تقنيات التعلم الذاتي : بما أنك تفضلين التعلم عبر الإنترنت، ابحثي عن موارد تعليمية موثوقة. يمكن العثور على مقاطع فيديو تعليمية، دروس مسجلة، ومقالات تفصيلية في المواد التي تحتاجينها. المراجعة بانتظام : حاولي تخصيص وقت للمراجعة المستمرة للمواد، بدلاً من الانتظار حتى يكون لديك المراجعات في النهاية. القليل من الوقت يوميًا يمكن أن يحدث فرقًا كبيرًا. طلب المساعدة : إذا كنت بحاجة إلى دعم إضافي، لا تترددي في التواصل مع معلماتك أو زملائك لمساعدتك في فهم الدروس. أحياناً، النقاش مع الآخرين يسهل الفهم. الصحة النفسية : تأكدي من الاعتناء بصحتك النفسية. إذا شعرت بالضغط، يمكنك التواصل مع من حولك أو التفكير في وضع مهام أقل في بعض الأيام. فقط تذكري أن التوازن بين الدراسة والبيت أمر ممكن، ويتطلب بعض التخطيط والإرادة. لا تترددي في طلب المساعدة من من حولك، فهذا أمر طبيعي جداً. وفقك الله في دراستك وأعمالك.
تم النشر الخميس، ٢٦ سبتمبر ٢٠٢٤
لعرض السؤال في فدني اضغط هنا