طيب انا بعاني من المثالية الأخلاقية المفرطة ودكتور النفسي قال لي هي سبب الوسواس القهري الفكري اللي عندي وقلق وانا مش عارفة اتخلص منها ومش عارفة سبب المثالية ديه هل من الأهل ولا من المجتمع ولا جينات ولا ايه وازاي اعالجها لوحدي بجانب العلاج النفسي مع الطبيب
الكماليه ده من أدق تفاصيلنا الشخصيه خصوصا اننا مخلوقين خلق عظيم ومن خالق أعظم ومبدع. فتحسي كلنا جوانا ميول ان كل حاجه لازم تبقى على مقدور العظمه دي. الكماليه جميله جدا بل الرسول قال جئت لاتمم مكارم الأخلاق ودي درجه الكماليه. اني مش هعمل الصح وبس ده انا هعمله وهعمله بالطف طريقه واحسنها.طيب الكماليه فيها جزء شرير وهي انها بتوصلك للعجز او الشك يااما تقعدك تماما ماتعمليش ولا خطوه يااما تشكك في كل حاجه. طيب ربنا والرسول بسهوله يمتازوا بالميزه دي. لكن احنا كبشر الإسلام وضحلنا معنى يتماشى مع خلقنا وهو الإحسان. الإحسان يخليكي تتقبلي النقص وترتاحي معاه وكإن اي بروجكت في حياتك ببساطه عباره من مجموعهsteps كل اللي مطلوب منك تاخدي الخطوه وبعد ماتدخديها هتلاقيها فيها نقص عادي ندور نظبطه هتلاقي ف اللي بعدها وهكذا. إحسان في إحسان هتلاقي اتقانك احسن مش بتشكي ومش متوتره. عكس الكماليه تخليكي دايما عايزه تحسي انك ماسكه زمام الأمور بالمسطره بس ده عكس الدين وعكس الحياه. خلقك نفسه في الرحم اخد اطوار وعمرك الجسدي والنفسي اطوار دي الطريقه الغير تعجيزيه ذات الوقت المطلوب بااعظم كفاءه ممكنه. وافتكري دايما انه step 1 احسن من اني ماابدأش ف الخط وstep10 احسن من step 1.وهكذا.كمان حاولي تدخلي في أعمال جماعيه بتكسر فكره الكماليه لأنها بتكون مسئوليه موزعه ومهام مختلفه واراء استفاده اكتر. طيب لو لوحدك كسري كل step كبيره ل١٠ صغيرين واعملي وماتقوليش دي سهله هضمها ع اللي بعدها. لا مشي براحه عشان تكسري الفكره. حتى لو اكلك مذاكرتك وقتك لحد الصلاه نفسها. تعلمك للدين وهكذا. شويه بشويه فكره الشك هتقل عارفه ليه؟ لان الsteps الصغيره بخليكي تعرفي أدق التفاصيل وهتخليكي متأكده وعارفه الstep دي تفاصيلها كانت ايه واعرف اطلع الغلط بسهوله. زي البرهان الهندسي كده. بصي في كل process حياتنا هتلاقيها بعد مابتاخد steps في زمن معين بتكون احسن صوره♥️وبإذن الله الدوا يساعدك مع الدوكتر. وحاجه كمان ايه رأيك تجيبي puzzle قطع صفننه اوي تحسيها فكره بعيده. بس مع الوقت هتفيدك اوي وهتخليكي مبسوطه وهتفكلك الدنيا براحه. وكمان النشاطات العشوائيه ارسمي وشخبطي وركزي مع مشاعرك بتخرج ازاي هل انتي شخص ممسك ولا عفوي واحتكي بالأطفال هتعمل العشوائيه😂العشوائيه نشاط ذهني مفيد جدا استفادي منه
تم النشر الأحد، ٩ مارس ٢٠٢٥
ولا علاج ولا حاجة حضرتك ببتعاملي بطبيعتك وبأسلوبك الكويس اللى اتربيتى بيه لكن اللى حواليكى فيه مبادئ وسلوكيات اتغيرت وكلها للاسوأ فماتخديش بيهم زى ما انتى انتى كده أغلى منهم بتربيتك الكويسة وماتقوليش وسواس وتشغلى دماغك بالموضوع ده عشان ماتضيعيش نفسك وكل حاجة فى ايدك حلوة
تم النشر الاثنين، ١٠ مارس ٢٠٢٥
كم عمرك؟ كم ترتيبك وسط اخواتك ايه اعراض الوسواس اللى عندك ؟ ممكن تقولى مثال يوضح مثاليتك الاخلاقيه
تم النشر الأحد، ٩ مارس ٢٠٢٥
حاولى تتقربى من الله و تقرأى قرآن و تقولى الرقية الشرعية و تشغليها فى البيت و تدعى ربنا انك تتخلصى منها و تختلطى مع ناس كويسة و تشغلى وقتك لأن ممكن يكون سبب ده الفراغ و شوفى ڤيديوهات تعليميه عن ازاى تتخلصى منه أو ازاى تعالجيه و ربنا يعافيكى يا رب
تم النشر الأحد، ٩ مارس ٢٠٢٥
عزيزتي، أقدر مشاعرك وقلقك بشأن المثالية الأخلاقية والوسواس القهري الذي تعانين منه. من الطبيعي أن تُساهم عدة عوامل في تكوين هذه المثالية، منها التربية الأسرية، الضغوط الاجتماعية، وأيضاً بعض الجوانب الجينية أو الشخصية. للتعامل مع المثالية الأخلاقية، يمكنك اتباع بعض الخطوات التي قد تساعدك: التوعية الذاتية : حاولي أن تكوني أكثر وعياً بالأفكار التي تراودك وما إن كانت واقعية أم لا. قد يكون من المفيد أن تقومي بتدوين تلك الأفكار واستكشاف مصدرها. تقبُّل النقص : تعلمي أن تقبلي فكرة أن الكمال غير موجود وأن البشر ممنوعون من أن يكونوا مثاليين. تذكري أن الأخطاء جزء من التعلم والنمو. تحديد معايير واقعية : قومي بتحديد معايير للعلاقات والنجاح لا تصل إلى درجة الكمال. قد يفيدك وضع أهداف صغيرة وقابلة للتحقيق. التواصل مع الآخرين : شاركي مشاعرك مع الأفراد الذين تثقين بهم. قد يساعدك الدعم الاجتماعي في تقبل ما تمرين به. العناية بالصحة النفسية : استمري في العلاج النفسي وكوني صادقة مع طبيبك حول الأفكار والسلوكيات التي تواجهينها. يمكن لطبيبك مساعدتك في وضع استراتيجيات محددة تناسب حالتك. تذكري أن الشفاء عملية تحتاج إلى الوقت والصبر. كوني رفيقة لنفسك في هذه الرحلة. إذا شعرت بأن الأمر يزداد سوءًا، لا تترددي في استشارة متخصصين لمساعدتك. وفقك الله في رحلتك نحو الشفاء.
تم النشر الأحد، ٩ مارس ٢٠٢٥
حضرتك محتاجه مراجعه جلسات مع معالج نفسي بجانب الادويه
تم النشر الاثنين، ١٠ مارس ٢٠٢٥
لعرض السؤال في فدني اضغط هنا