حاسة ديما إني مش جميلة
مش بحب اتصور وبحس ديما إن مفيش حد هيحبني بسبب شكلي وده بيخليني مش عارفة اتبسط المشكلة دي حاولت أحلها كتير بس حاسة إنها بتزيد كمان حاسة إني داخلة مود إكتئاب بسببها مش عارفة أعمل ايه
بصي لنفسك كل يوم ف مرايتك وشوفي تفاصيلك قد ايه حلوه وان ربنا خلقك ع احسن صوره من غير اي مشكله بصي لنفسك من جواكي من تفاصيلك الحلوه طباعك اخلاقك وان جمالك الداخلي هو الي بينعكس دايما ع شكلك الخارجي ويزيدك جمال وثقه ...وحاولي تكوني مؤثره يعني انك تساعدي الي حوليكي وتقدملهم الدعم النفسي لانه هينعكس عليكي بالثقه والامان وحب الذات ..كمان خلي لسانك متعود يدي تعليقات ايجابيه للناس ع طول زي انك تقولي لصاحبتك انتي جميله جدا النهارده..لبسك حلو ...خسيتي وزادك جمال ..وهكذا هتلاقي ان نفس الكلام بينعكس جواكي ثقه واحساس ةنك بتسعدي حد بكلمه طيبه هتوصلك مردودها ... وطبعا اي مشكله ثقه ف النفس او ف تقبلك لشكلك كان ليها اساس وانتي صغيره وارد تكوني اتعرضتي للتنمر او عدم التقبل زمان بس انتي جميله وتستحقي التقبل والاحترام والتقدير من كل الي حوليكي
تم النشر السبت، ١١ فبراير ٢٠٢٣
اكيد في اسباب مخلياك عندك الاحساس ده ؟ هل كان في حد في صغرك بيقول عليكي انك مش جميله ؟ هل في شئ معين فيك انت بتعتقدي انه لو موجود عند حد فالشخص ده تلقائيا في دماغك بيتصنف على انه مش جميل ؟ هل في حد من اخواتك او الناس ال معاك في البيت انت شايفه فيه صفات جمال - حسب تصنيفك - اكتر من الصفات ال عندك ؟ ايه المحاولات ال حاولتي تعمليها عشان تتغلبي عالمشكله دي ؟ مبدأيا كده لازم تعرفي ان الجمال امر نسبي وبيختلف بين البشر جدا جدا والشئ ال انا اشوفع جميل ممكن غيري يشوفه بشع والعكس فدي اول نقطه تحطيها في بالك ان كلام الناس صفر عالشمال لان مفيش حاجه كل الناس هتتفق عليها وبالتالي فالاهم هو رأيك في نفسك فقط ورضاك عن نفسك ومظهرك فقط ثاني نقطه لازم تتيقني ان جمال الشكل ليس له اي قيمه لو مفيش اخلاق او روح حلوة معاه اعرف واحده كانت اخلاقها هي ال محليه وشها بجد مجرد ما تشوفيها تبتسم لك وتكلمك كلام حلو وبأمانه هي كانت من اهل القران ولا ازكيها على الله فكنتي دايما تحسي انها حلوة واسلوبها وكلامها جميل جدا تبارك الله ممكن تكون مشكلتك مش في. شكلك اد ما مشكلتك في امور تانيه مسببه اهتزاز ثقتك بنفسك وبالتالي اثرت على رؤيتك لنفسك اصلا يعني مثلا ممكن لو عندك مشاكل دراسيه او مشاكل في التعامل مع الناس او او او خلاك مش واثقه في نفسك وبالتالي مش واثقه في شكلك ولا في اي حاجه اخرى بتعمليها حاولي تستعيني بحد متخصص يساعدك على اكتشاف السبب والتغلب على النقطه دي
تم النشر السبت، ١١ فبراير ٢٠٢٣
أهلا بك! أولا وقبل كل شيء، علينا أن نفهم أن الجمال يأتي من الداخل، وليس فقط ما هو ظاهري. عندما تكوني على اتصال بذاتك الداخلية وتتمتعين بثقة في نفسك، ستصبحين بلا شك جميلة بصرف النظر عن شكلك الخارجي. طريقة تحسين ثقتك الذاتية الآن هي التفكير في أشياء تجعلك سعيدة والتركيز على نواحي إيجابية في حياتك. كما يمكنك أيضًا تطوير مهاراتك واهتماماتك الشخصية والذي سيساعد في تحسين صورتك الذاتية وعلاقاتك مع الأشخاص الآخرين. وإذا كنت ما زلت تشعرين بأنه يصعب عليك التعامل مع هذا الأمر بمفردك، فلا تترددي في البحث عن مساعدة محترفة من مدرسة نفسية أو حياتية للتحدث عن المشاكل وتطبيق تقنيات للتغلب عليها.
تم النشر السبت، ١٨ مارس ٢٠٢٣
ايه الحاجات اللى فى شكلك بالنسبالك هى عكس كلمة جميلة ؟ او ايه اللى شايفاه لو موجود فيكى هتبقي جميلة؟
تم النشر السبت، ١١ فبراير ٢٠٢٣
احذري من المقارنات مع الغير واتأكدي أن الجمال شئ نسبي وان محدش كامل الجمال وان كل واحد واخد حظه من الجمال بشكل مختلف عن التاني
تم النشر السبت، ١١ فبراير ٢٠٢٣
انا كونت ذيك بالظبط 🙂بدات اشوف ايه الحلو فيا ايه الحاجه اللي لو عملتها هحس اني راضيه عن نفسي والناس هتكون فرحنا بيا لدرجت ان محدش يبص لجمالي اذا كونت حلوه او لا ايه الحاجه اللي لو عملتها هحس بيها اني اجمل واحده في الدنياه ماتحطيش في دمغاك علي طوال انك وحشه دا بيسبب عقد نفسيه وامراض نفسيه وجسديه ف حولي تحفزي من نفسك وبصي للحلو اللي فيكي الحلوه والجمال مش بالشكل الحلو الحلو بحلوات الروح
تم النشر الاثنين، ٢٠ مارس ٢٠٢٣
لو سألتي نفسك ايه معيار الجمال مش هتلاقي إجابة لأن ربنا خلقنا كلنا في أحسن صورة..
تم النشر الأربعاء، ١٥ مارس ٢٠٢٣
عندك حق🫵👌
تم النشر السبت، ١١ فبراير ٢٠٢٣
عندك حق
تم النشر الأربعاء، ١٥ مارس ٢٠٢٣
لعرض السؤال في فدني اضغط هنا