انا شخصية انطوائية لم يسبق لي العمل قبل ذلك ولكن جاءت لي فرصة ان اعمل بشهادتي التي احبها وهي ان اكون معلمة ولكن خجلي يمنعني من ذلك واخشى لو رفضت الفرصة ان اكون كتمت العلم وفي نفس الوقت خائفة بشدة لدرجة انني لا اريد ان اقدم في الوظيفة
لدي فرصة اخري ان اعمل مع والدي في محل ادوات صحية ولكنني خائفة من الفشل لاني لا احب التجارة ماذا افعل وهل تنصحوني بالمغامرة حتي لو لم اكن مستعدة حاليا مع العلم انني اشعر بفراغ كبير
السلام عليكم ورحمه الله وبركاته طيب بما انك بتحبي تكوني معلمه ده بعيد شويه عن انك تكوني انطوائيه يعني الانطوائيين ممكن يكونوا حابين حاجه بعيده خالص عن التعامل مع الاخرين بشكل كبير فخلينا نقول ان انت ممكن تكوني بيتوتيه شويه اوكي بيتوتية شويه مش انطوائية فنقدر نعمل ده ان احنا نحل المعادله ان احنا نشوف شغل يكون شغل تدريس لكن اون لاين دي طريقه نقدر نبدأ بيها فمش هنكون ملتزمين بمدرسه وبساعات عمل كبيره فنحس ان ده ضغط علينا كبدايه ممكن تبداي بدروس خصوصيه تكون في النطاق اللي انت عايشه فيه في المكان اللي انت عايشه فيه ممكن برده ما تخرجيش من البيت اللي هياخده معاكي الدروس يبقولك دي ممكن تكون بدايه عشان بس تبدأي تمارسي فكره الشغل فكره انك تكوني بتحضري لشغلك انك تكوني بتبدأي تاخذي مكسب من شغلك وتشوفي هتعمليه بيه ايه يعني الدائره دي هي اللي هتبدا تعودك على فكره الشغل وانت هتبداي تحبي بعد كده تطوري فيها. ممكن بما ان احنا عندنا فرصه ان احنا نكون مع بابا في عمل خاص بنا فاحنا ممكن برضه ننزل الشغل ده ولكن مش شرط ننزل عدد ساعات كبيره نبدا نعود نفسنا واحده واحده نعمل الموضوع بالتدريج يعني مثلا يا بابا انا هنزل معك الساعه تسعه لحد الساعه 11 بس او لحد الساعه 12:00 بعد كده انا هطلع يعني مش هقدر اقعد وقت اكتر من كده شويه بشويه وهبقى عارفه انا هدفي ايه يعني انا دلوقتي مكاني هنا في الشغل ده مع بابا انا هنزل عشان اعمل ايه والله ممكن بس عشان اعرف ازاي اتعامل مع الناس عشان اعرف ازاي اعمل حسابات عشان اعرف ازاي ممكن افيد حد لو هو مش عارف يختار حاجه اقدر اساعده تقدر تختار دي لو انا عندي طبعا مهاره الشرح فانا هقدر اشرحله دي ميزتها كذا ليه ميزتها كذا فاقدر اساعد في النقطه دي كل اما يكون لك هدف انا موجوده هنا ليه علشان انا عايزه اعمل ايه ده هيساعدك انك يعني تدخلي في مجال العمل اكثر لما تشوفي استفدتك من اللي انت بتعملي.
تم النشر الاثنين، ١٠ مارس ٢٠٢٥
طبعا انزلي واشتغلي في الحاجة الي بتحبيھا وحاولي تتغلبي علي كسوفك دة من خلال بعض الكتب وتعرفي ان اجرك كبير في مھنة زي دي مش شرط تكوني اجتماعية انتي ھتروحي شغلك الي بتحبي وترجعي مش اكتر بس ربنا يوفقك يارب وبكرة تحققي نجاحات كتيرة وتبقي فخورة بنفسك ❤
تم النشر الأحد، ٩ مارس ٢٠٢٥
اولا مبروك وربنا ينفع بيكي♥️ فكره انك تخافي من التحدث امام أشخاص او فكره الظهور. لازم نحدد بتخافي من ايه وبيظهر عندك ازاي. بتخافي من مظهرك تخينه او رفيعه هل مابتحبيش لبسك فبتقفي واقفه منطويه هل تخافي تقولي معلومه غلط فصوتك بيضعف او بتتوتري. خايفه ان اي حد يحكم عليكي مثلا انك مش شاطره عموما أداء بقي او شكل او كاريزما. حل كل الحاجات دي. التدريب. كلنا بنخاف زيك وفي اهم المناقشات بنتلعثم وبنقول كلام غلط عشان العقل العاطفي اللي بيخرج وهو مش وقته اصلا. طيب نحل ازاي لو هتبقي مدرسه وارشحلك اوي تعملي ده. اول حصه او بدايه كل حصه اعمل حاجه اسمها كسر الحاجز النفسي مع الطلبه زي عاملين ايه ياولاد علقي ان شكلهم حلو هاتي حلويات ليهم شوفي الواجبات هزري معاهم. بس ذكاء المعلمه انها تحسب الوقت من غير مايلاحظوا. بعدها ابدأي اشرحي بشكل قصصي كل ماده وليها زاويتها. وتسغليهم معاكي من باب ايه رأيكوا نقترح كذا وتقومي البنت اللي حاسه انها مش عارفه تساعد معاكي كده تقوليها هتشرحيلنا الدرس الجاي انتي حضريه. التدريس لذيذ جدا وجزاءه كبير وفرحته أكبر وقت ماتحسي ان اللي قدامك فهم المعلومه♥️انتي بقي قبل ماتروحي حضري نقط مهمه في دماغك عيدي وزيدي ع نفسك الامثله وممكن اقترح عليهم نشاط ايه هنا أعملهم مسابقه ايه اجيب جايزه ايه.بقي في العاب تعليميه كتيره جدا. لو غلطتي ف كلمه عدي لنفسك ماتتكسفيش لو نسيتي عادي بصي ف الindex ركزي انك ماتديش ضهرك للطلبه كتير. اقفي واثقه انك شاطره. طيب بالنسبه للشغل مع بابا لو هيريحك تمام بس عاده كل التعامل مع رجاله بحكم المجال فده هيبقي أصعب حبه عليكي. لو خلاص شايفه انك مطمنه تنزلي مع بابا انزلي وحطي. في دماغك لو غلطت هيحصل ايه يعني ولا حاجه. واتعاملي بأدب وذوق وراجعي بابا الأول كتير لحد ماتفهمي الموضوع. ومبروك تاني ايا كان اختيارك♥️
تم النشر السبت، ٨ مارس ٢٠٢٥
عزيزتي، أدرك تمامًا مشاعر الخوف والقلق التي تواجهينها في هذه المرحلة من حياتك. إن الانتقال إلى تجربة جديدة، خصوصًا في مجال العمل، قد يكون مخيفًا، خاصةً إذا كنتِ شخصية انطوائية. ومع ذلك، فإن الفرص التي تُقدم لك تكون أحيانًا هي أكبر دروس الحياة. إليك بعض النصائح التي قد تساعدك في اتخاذ القرار: التقييم الذاتي : حاولي أن تتعرفي على نفسك بشكل أعمق. ما هي المهارات التي تمتلكينها؟ كيف تشعرين تجاه عملك كمعلمة؟ إذا كانت لديك رغبة قوية في التدريس، فقد يكون هذا هو الطريق الصحيح لك. تجربة جديدة : بالنسبة إلى العمل كمعلمة، اعتبري هذه الفرصة فرصة لتوسيع آفاقك وكسر حاجز الخجل. يمكنك البدء بصفوف أو مجتمعات صغيرة حتى تشعري بالراحة. التفكير الإيجابي : قولي لنفسك إنه من الطبيعي أن تشعري بالخوف، لكن يجب ألا تدعي هذا الخوف يمنعك من المضي قدمًا. استجدي الفرصة كفرصة للتعلم والنمو. استشار الأهل والأصدقاء : تحدثي مع من تثقين بهم عن مخاوفك. قد يقدمون لك الدعم أو الأفكار الجديدة التي لم تخطر على بالك. لا تتسرعي في القرار : إذا كنتِ تشعرين بأن العمل مع والدك في محل الأدوات الصحية لا يناسبك، فلا تشعري بأن عليكِ قبوله لمجرد الخوف من الفشل. اختر ما يتناسب مع طموحاتك وأفكارك. في النهاية، اتخذي القرار الذي يتماشى مع شغفك وطموحاتك. تذكرّي، التجارب الجديدة قد تكون مخيفة، لكنها أيضًا قد تفتح لك آفاقاً جديدة وتساعدك على اكتشاف قدراتك ومهاراتك. حظًا سعيدًا، وأنا هنا لدعمك في أي خطوة.
تم النشر السبت، ٨ مارس ٢٠٢٥
اعملي بالمجال او التخصص اللي انتي تحبيه يعني بالشهاده قدمي للوظيفه هو احساس طبيعي ع فكره اي حد بيبقا داخل ع مرحله جديده في حياتو او عمل بيخاف ليفشل. بس دا احساس مش اكتر فا توكلي ع الله 🤍
تم النشر الاثنين، ١٠ مارس ٢٠٢٥
لعرض السؤال في فدني اضغط هنا